قصيدة للشاعر / محمد غازي في المهرجان الشبابي بالبجادية

[طارق النفيعي]

هذي قصيدة لمحمد بن غازي النفيعي
قالها في فعاليات المهرجان الشبابي الأول لعام 1430هـ
في صالة نايف الرياضية بالبجادية والذي نظمه المكتب التعاوني للدعوة والإرشاد
وتوعية الجاليات بالبجادية كترحيب بالحظور ..

بســم الله الوالــي عزيز الجاه غفــار الــــذنوب = الواحـد الـرب الغفور اللي خلقنا من عــدم
الله بذكره يالنشاما تطمئن ابـــه القلــــــــوب = واللــي يذكره يحتسب دايم يدينه فالشـحم
واللـــي بعـدها مــرحبا شاعر حلب در الحلوب = مــن درها نغبط طويلين اللحا واهل الهـمم
يا مرحبا باللي لفانا مـــن شمال ومــــن جنوب =تــرحيبتن يــاصل نباها كل من طال القمم
يا مرحبا ترحيبة تنزل كمـــــــا الوبل النصوب =مــن سيلها ياهل الوفا مافيه مــاطا للقدم
يــــا مرحبا بالحاضرين اعــداد ماهــب الهبوب =نـيابتن عن باذلين الــــجهد سيسان الـكرم
نيابتن عـــــن مكتب الدعوه سليمين القلــوب =اللــي يبون الأجر من عدلن إليا مـنه حكم
واقولها نيابتن عن راعـــــي الصدر الــــرحوب =اللــي فتــح بيبان هالصاله والطاله نـــهم
تباذلوا بالسعي في مشروعهم مـن كل صـــوب= مشـــروع نـاجح في زمانن بالمشاكل مزدحم
مشروع هادف للشباب اللي على الكل محسوب=يقضون فيه أوقات تنفع ما يجي منها نـدم
الله يبيض وجه منشــي فكرته من كل شــوب = والله يجازي بالثواب الجزل زاكين الـــــذمم
ومن منطلق رغبه بنفسي يوم كلن لــه رغوب = ارغب من الحضار تأمين الدعاء لـــراع النعم
يالله يالشافي تشافي مـــــن كسب خير الكسوب= محمد ولد زايد زبون النعم من كرب وسقم
ويالله عسى التوفيق حظ ابــو محمد فالدروب =اللــــي لـــــــه جمــيع بمنصبه فرد وأمم
وختامها صلو على سيد البشر نور الشعوب =اللي بهديه نور الدنيا بعد ليل ٍ عتم

اتمنى ان تكون حازت على رضاكم وأستحسانكم ..

التوقيع

أخوكم : طارق النفيعي