شبيه الجوازي

[سعود الدماسي]

البارحه سهران ياطول ليلي=ياكن فعيوني مكسر قزازي
اسهر وحلو النوم مايستويلي=والقلب كن مولعن فيه قازي
على الذي يغضي بطرفن كحيلي=اللي على كل المزايين فازي
راع العيون الي هدبها طويلي=من شافها ياناس طاح متوازي
ولاعاد لي حيله تجي دون حيلي=لاشفت زولك ياشبيه الجوازي
هديت حيلي يالشحوح البخيلي=تاخذ ولا تعطي واثرك انتهازي
اقل شيه لو برد الجميلي=رد الجميل وعند ناسن عزازي
اصل العرب وقفاتهم ماتميلي=كم مرتن لجلك مخرج جوازي
واعطيك من مدي ومدي جزيلي=وبالقلب لك قصرن يفوق النوازي
وجازيتني صدك وهاك المحيلي=وقفيت عن مغليك مع حزب نازي
ولا باقين عندي سوا ابن الاصيلي=وقول باعلى الصوت عبر الجهازي
ياكاسب الناس اوقفو يازميلي=بيني وبينه فرقو يابو غازي