اخواني هذه القصيده مدح في الشيخ طويق الحافي وكان الاخ فايح
مجهزها ليلقيها في حفل الشيخ طويق ولاكن طرى للاخ فايح ظرف حال دون ذالك
رفعت الراس عالي يالعتيبي والعلم منشور=كسبت الطيبه ياتاج راسي وانت راعيها
شريت الوضح باسعار الذهب واقهر لها المقهور=لايازان الزمان بنجد تشرب من خباريها
ياذخر الشايب الي جعل قبره روضتاً من نور=على مد البصر شوفه ونفس العبد مرضيها
عساه بجنت الفردوس يسكن مع بنات الحور=رفيع المنزله يوم البشر تحشر لباريها
كريماً راس ماله في الصحن والطيبات احضور=ورثها من شيوخ العزمايقدر يخليها
تنقيت الجزيله من بيوتن جاتني طابور=واخذت الاوله والثانيه تبقى لباغيها
كتبت الشعر من هيض المشاعر والعدو مقهور=نبي نمدح عقيد القوم فاولها وتاليها
قطفت الورد من ريضان نجد وجوها الممطور=على شان الرفيق طويق نجمعها ونهديها
يشوش الرجل لاشاف الشجاع الطيب المذكو=سوات طويق ابن مقعدقليل الي يسويها
هذا عز القبيله والقبيله فعلها مخبور=ولااسب القبايل كل داراً حقها فيها
امارتكم قديمه فالزمن يوم الرصاص يثور=ولاتكمل عتيبة بالوفا من دون حافيها
متاريس البلا لالي يشوف النفس والمغرور=اكعام المعتدي في حاضر الدنياوماضيها
زحازيح الحفاه دروعنا عند الصعاب وسور=سلاطين الرجال الي بعيداتن هقاويها
تفاخر بك عتيبة فالمواقف لو تضيق اصدور=يموت الحاسد الي ماقدرها عاجزاًفيها
عسا عمرك طويل وبيتكم بالمرجله معمور=ياراع الوفيه ريف الهزالا يامعشيها
ونختمها بذكر الله ندعي الدعى الماثور=عساربي يعز الدين وارض الدين يحميها
الشاعر/ فايح بن مشحن العصيمي
آخر تعديل أبن حشيان يوم 05-Mar-2012 في 04:05 AM.
« آخـــر الـــمـــشـــاركــــات »
05-Mar-2012, 04:02 AM
الشاعر: فايح العصيمي/ مدح
العرض العادي
