ربعي هل الهيلا لراسي عصابة - الهيـــــــــــــلا *** منتدى قبيلة عتيبة

مازن بن سعد بن شبلان · 08-Oct-2007, 10:57 PM

بسم الله الرحمن الرحيم

هذه قصيدة كُتبت رداً على من تكلم وحاول أن يعيق مزاين عتيبة الذي سيقام بعد أيام بحول الله ونسأل الله أن يجعله إجتماع خير وبركة وأن ينفع به أبناء القبيله ووجهائها إن ربي على ذلك قدير...

ربعي هل الهيلا لراسي عصابة

ياللــــي غــزيتـــونا بحـــبر الكتابـــة **** وقمتوا تصبّون الحجج والروايات

هو ودكـــــم يوقف مـزايـن عتابــــة **** تبطون والله مير هيهات هيـهات

خـل الحسود يـموت من حــــرّ مابه **** ماهمنّـا حاسد وكاتب وشمّــــات

وشخصٍ يجي ويروح محد(ن) درابه **** مثله اذا هو حي مثله ليــــا مات

وشخص(ن) لـه بالأرض عز ومهابة **** تخضع له أرقاب المعـادين بالذات

هـــم ودّهــــم تقطع جذور القرابة**** هم ودّهم ينسى زمانٍ مضى فات

ولاّ قهـــرهم لاننــــا خيـــــر لابــــه **** ربعي عتيبة كاسبه كل الأوقات

ربعي هل الهيلا لراسي عصابة **** مالي غنى عنهم ليا صاحت أصوات

حنّا حماة الدار ومـــــامن غـــــرابة **** واللي كره عز الوطن فيه هفوات

صحيــح فيه إســـــراف أو مايشابه **** لكنّ فيها لمّــت قلوب(ن) اشتات

فيهــــا التعـــارف بيننـــــا والصلابة **** فيها التكاتف بين شتى المجالات

وفيـــهــا الرجـال ولا يجيها الزلابة **** وفيها هناك أشعار قلطة وشيلات

واللـــــــي نوى منكم يجينا هلابه **** نقـــدمّ الترحيب بأجمـــــل عبارات

شعر / أحمد بن مسفر بن شبلان العضياني

آخر تعديل مازن بن سعد بن شبلان يوم 08-Oct-2007 في 11:00 PM.

متعب العصيمي · 08-Oct-2007, 11:06 PM

صح لسانك يامازن .. وبيض الله وجهك..

ولك فائق الاحترام..

مرزوق حمدان العتيبي · 08-Oct-2007, 11:46 PM

صحيــح فيه إســـــراف أو مايشابه **** لكنّ فيها لمّــت قلوب(ن) اشتات

فيهــــا التعـــارف بيننـــــا والصلابة **** فيها التكاتف بين شتى المجالات

...
.
صح لسانك مليون .... ولله درك يابومسفر .....

التوقيع