الطارف الله يحيه

[فارس المورقي]

سلام ياللي تدوّر بدعت الطاروق والقاف
القاف يبغى جمل والمعرفة تبغى جماله

نبا نسولف مع الشعار والميدان ميقاف
واللي يغرّ الطريق المستنع يقعد لحاله

[سند العتيبي]

يا مرحبا في محلك والعرب تحتاج عراف
و فارس المورقي يمناه ما تكسر شماله

سولف عسى ما يسولف غاركم ف قصور الاشراف
ووليد عمي لزوم اساعده وارفا خماله

[فارس المورقي]

دام البقى ياسند واللي دخل باب الحرم يطاف
يكمل الواجب المكتوب والدنيا سهاله

اليوم وضع العرب يحتاج له سيارة اسعاف
احدن شكا من وجع كبده وآحد يشكي طحاله


.

[سند العتيبي]

هههههه

عاين طريق الزمل واللي مشوه اثقال وخفاف
لا بد ما تلحق الحمله على راس الشكاله

لكن قلي علامك ما حسيت افراش والحاف؟!
وانته تعرف الشمال وهبَته يوم تعنى له!

[فارس المورقي]

الحمدلله مامن مشكلة واخلاف ماش خلاف
العلم فى الراعي اللي فالخلا ضيع حلاله

ياصاحبي لا توصي رامي للشاح شواف
يمشي على جرة السرحان والموتر وكاله

[سند العتيبي]

القدر يضهر خوافي طبخته يا عنك مغراف
والجم ينزع بماه من الرشا فوق المحاله

يا ذيب ياذيب لا تعوي على الغره بمشراف
واحذر من الشاوي اللي فيك قد وصى عياله

[سند العتيبي]

المعذرة ابطيت علي وتو شفت ردك

[فارس المورقي]

لا والله الا ديار المقطعه ماهي بمصياف
شدو هل البّل منها واستوطنتها العماله

مرحوم يامطلق ومستور والعيّة وصياف
لو ان بعض العوض ياصاحبي فيه استحاله


هههههههه

صح لسانك شرفت وامتعت
لو يساعد الوقت ما ابطينا عليك
ان شاء الله في الجايات نصادف بعض
ونخليها حاضر بحاضر

لاهنت

[سند العتيبي]

هههههههه

صح لسانك وصح بدنك

الى اللقاء