من عنده هذي المحاورة كامله ( حبيب العازمي وزيد العظيله )

[أبـوحرب]

السلام عليكم ورحمة الله وبركاته


هذي مقتطفات من محاورة بين زيد العظيله وحبيب العازمي عام 1425هـ هي عندي لاكن ماهي كامله ناقص فيها كم موال واللي توجد عنده كامله يرسلها لي مشكورا



حبيب العازمي :

قــــــوم يازيد العظيله وأحتــزم بأصغر خوانك
وإن لقيــــــت أكبر خوانك لاتحرك من مكانك
وإن غلطت بلاسبب نذرن علي لقطع لسانك
وإن بغيـت الصدق مايبني البيوت إلا عمدها


عسى ليلن جمع زيد العظيله والسمي حمود = يعـود ولايعود إلا بعــــــــد عامين هجـــــــــريه



زيد العظيله :

أعتــــزمنا وأنت وين العلم الأقصى ياعتيبه
والعلوم اللي تجي من يمكم ماهي غريبه
تحــــسبن إلسان زيد أدناة من جابه يجيبه
وإن بغيـت الصدق مايبني البيوت إلا عمدها


عسانا نجتمع في كل ليله والعــــمار تزود = مع اللي فيه خيـــــر ويعرف الحسنه من السيه




حبيب العازمي :

خابــــــــر إنك من مطير اللي منازلهم قديمه
في طرف كشب الموقر قبل يعطون الخريمه
وإن لحقــــــــناكم جريمه وإن تركناكم جريمه
وإن بغيـت الصدق مايبني البيوت إلا عمدها


مادام إنا عرفنا منهو الطارد من المــــــطرود = لويـــــــش إنطرد المطران................النعيريه





زيد العظيله :

أنت تذكـــر شي لاكـــــن فيه شي ماذكرته
يوم رحنا مـــن طوارف كشب كم راس قبرته
وأذكر البيرق وراع البيرق اللي أنا كسرته
وإن بغيـت الصدق مايبني البيوت إلا عمدها


حبيب ياحبيب حجــــــــتك عميا بدون شهود = لاكن أنــــــشد من الشيبان شايب صافي النيه




حبيب العازمي :

يمكن الأســــماء صحيحه لاكن القصه محاله
محـــــــدن قادر يصدق فالخبر من شان حاله
دايم المــــــــــــــطران دايم مايكبون النذاله
وإن بغيـت الصدق مايبني البيوت إلا عمدها



ورى ماأطلقتم اللي بالغصيبه حبلها معقود = وهي فالصنف رقم إثنين واللوحه خصوصيه

[الجـذع]

تستاهل من يتعنى على شانك يالحربي

وتفضل هذي المحاوره كامله بالصوت من اليوتيوب

لكن المعذره بدون الشيله

[أبـوحرب]

الله يعطيك العافيه يالجذع وماقصرت وكل عام وأنت بخير

[الجـذع]

وانت بخير وصحه وسلامه

[كحيلان الهيلا]

المحاورة موجودة كامله عندي


شريط كاسيت وفيديو اعطيته صديق لي


اتوقع انه موجود



ابشر بعزك



ياولد حرب


علشانك وعلشان راعي الصوره المرحوم ملك الفن

[أبـوحرب]

تسلم ياكحيلان