ياسمي الذيب

[عساف بن محيا]

ياسمي الذيب يازبن الجـــــــــــــوالي""
ياوسيع العرف ماتوخذ كـــــــــــــــذيّا""

لي شهر والجو غايم ماصـــــــــــفالي""
وأنت جالس ياصحيـــــــــبي وسط فيّا""

وأنفجر بركان شعري بالجـــــــــزالي""
وشفت بنت الفكر للــهاجس تهيــــــــّّا""

يوم روس القوم ولّت ماتبــــــــــــالي""
أنفجر راسي على الوقفه حمـــــــــــيّا""

من حلم أنه وصل فوق الجبــــــــــالي""
قول له هامــــــــــــــــورنا فوق الثريّا""

ماأرتكى للحمل ياكود الجـــــــــــمالي""
شالت أكبر من جبل سلــــــــمى وطيّا""

ياوجودي كل ماهمـــــــــــــي طرالي""
وجد من يونس على الخفـــــــــّاق كيّا""

وارث"ن" مجد"ن" تليد وراس مالي""
نكسب الطيّب وتهميــــــــــــش الرديّا""

من يفرّق فالحـــــــــــرام من الحلالي""
بعد شفت الناس تجمعـــــــــــهن سويّا""

فالقضـــــــيّه مالــــــنا أيّت مجـــــالي""
أعتزلنا من هنــــــــــــــــاك ومن هنيّا""

بعد ماكافحـــت في سود الليــــــــــالي""
بيــــــــرق الجزلات رفرف فالعـــــليّا""

جعــــــلها ياصاحبي من طيـــــب فالي""
لو بقلــــــــبي من عنا همــــي بلـــــــيّا""

والسلام ختـــــــام في آخر مقـــــــــالي""
والصلاة نقـــــــــــولها لســــــــيد البريّا""

[صقر العداوين]

اخي الغالي:
أتق الله فيما تنشر النص للشاعر منصور بن مشعل العدواني عيب هالكلام مايصير....
أنا نزلت شكوى فالأداره وأعطيتهم ايميلي ورقم جوالي بحكم قربي من الشاعر بأمكانك التواصل معي
وزودت الأداره بروابط القصيده فالمنتديات الأدبيه وتاريخ نشرها وهذي تعتبر امانه وملك أشخاص آخرين لايحق لك نقلها باسمك دون ذكر انها للشاعر الفلاني أتمنى تجاوب الداره.....

[عساف بن محيا]

انا اسف للاني ماكتبت منقول وحقك علي

[صقر العداوين]

طيب ياالغالي:
هذا القسم أسمه قصائد الأعضاء أعتقد أنه واضح الأسم أتمنى من الأداره نقل هالقصيده ألى قسم الشعر المنقول ووضع أسم شاعرها اللي بلاشك وله الفخر بأن توضع قصيدته في هذا الصرح صرح الهيلا الكريم....

[ولدعساف]

بيض الله وجهك ياصقر العداوين .. وبيض الله وجهك يابن محيا على الأعتذار !!

,,

وهذا قسم للأعضاء الذين يملكون عضويات بالهيلا فهم ينشرون قصائدهم هنا .. أما القصائد المنقوله فلها قسم أخر !!

,,

صح لسـآن العدواني .. ودمتم بود !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[صقر العداوين]

ووجهك طال عمرك الشهاده لله اني حبيت أنبه للأمانه ولأنها مسؤليه والا الهيلا غنيه بشعارها وتاريخها...

[ولدعساف]

المشاركة الأصلية كتبت بواسطة صقر العداوين

ووجهك طال عمرك الشهاده لله اني حبيت أنبه للأمانه ولأنها مسؤليه والا الهيلا غنيه بشعارها وتاريخها...

أولاً : حياك الله بإسمي وأسم إدارة وأعضاء منتديات عتيبه الهيلا !!

,,

ثانياً : بيض الله وجهك على التنبيه وعلى حفظ حقوق صاحب القصيده !!

,,

ثالثاً : قد يكون بن محيا رأى أن القسم قسم شعر وظن أن وضع القصائد المنقوله في قسم قصائد الاعضاء أمر عادي .. ولكن بيض الله وجه أعتذر وإن شاء الله الإداره تنقل القصيده لمكانها المناسب !!

,,


وحياك الله يالعداوني و ياهلا ويامرحبا بك مره ثانيه وإن شاء الله تفيد وتستفيد !!

[صقر العداوين]

الشرف الكبير لي ياولد عساف وبيض الله وجهك مليون مره على هالرقي اللي مو غريب عليك