محاوره عبدالله الميزاني وفيصل الرياحيي, يافيصل يمت القبلة تقبل للصلاه وصّـل

[العقص]

الســلآم عليكم


محاورة جميلة بين سوار الذهب وابو بدر الله يرحمه


عبدالله الميزاني

يافيصل يمت القبلة تقبل للصلاه وصّل=وسبح للعظيم الي ملايكتـه تسبح له
ليا ودك تبا الجنة هذا اول حل واخر حل=ولن واجهة ابن جرشان يذبح لك وتذبح له

فيصـل الرياحي

سلام الله على الحضّار قبل انقض وقبل افتل=ويبقى الي يرحبي وعبدالله بلمح له
الخير واجد والله اعطا الخلق ما بخل=عطا الطير وعطا الذيب وعطا النمل وعطا النحلة

عبدالله الميزاني

عن الي في قلوب الناس شي من الكلام يدل=عسى ربي يعافي عبده الصالح ويصلح له
سمعنا دعوة الداعي وراعي البل مايبتل=لياليه الجداد تصافح والا تصلفح له

فيصـل الرياحي

كلامك صح وان غنيت لك بالصح لا تزعل=ترا كل العيون الرمد ماتصلح لها الكحله
انا عابر طريقي واعرف الاعلى من الاسفل=ومن يسمح له بالخطا يا كيف نسمح له

عبدالله الميزاني

بداية يانهاية واعلم ان الشمس غير الضل=ومن لا كد قطع كرت الصعود تفوته الرحلة
قريت الجملة الاسمية الي حرفها معتل=وبن منصور مدري نبرحه والا نبرح له

فيصـل الرياحي

ياعبدالله عسى سلم الوفا يكمل=ومن لا يعرف سلوم العرب حنا نوضح له
يقولون الكلام احسن وانا اقول السكوت اجمل=ليا طارحت حظك ثم غلبك بقوته طح له

عبدالله الميزاني

جهاز مخابرات اكراد يستقبل ولا يرسل=واكيد الي تلقيه العلابي منت منصح له
علومك نازله متنازله ياخل لا تنخل=لكن الي تشوفه قدم عينك لا تصيح له

فيصـل الرياحي

انا احبك محبه كنها السكر على الفلفل= ابيك تصير مسلم وان لقيت السلم تجنح له