قصة جعيلان بن سويط والفراوي المطيري .....

[مخاوي الليل والنهار]

	بسم الله الرحمن الرحيم السلام عليكم ورحمة الله وبركاته بعد التحية الشاعر فجحان الفراوي من قبيلة مطير الشهيرة رجل ذو كرم وشجاعه وكان صديقا مقربا من الشيخ ابن سويط شيخ قبيلة الظفير الشهيرة ، وبسبب قربه منه وصداقته اعطاه العيافه والعرافة وهي نوعين اما ان تكون مقتصرة على الشخص في حياته وبعد مماته تنقطع ، وأما ان تكون في نسله الى الابد ( والعيافه والعرافه هي عهد يعطى لشخص معين بنصرته وارجاع حقه ومساعدته بكل مايطلب ). وبعد وقت طويل توفى الشيخ ابن سويط شيخ الظفير وحل ابنه محله في المشيخه وهو جعيلان بن سويط ، وحصل ان بعض من فرسان الظفير هجموا واخذوا ابل فجحان الفراوي ، وكان يقود الهجوم الفارس جازع ابا ذراع الظفيري ، وبعد ان علم فجحان الفراوي توجه الى الشيخ ابن سويط واخبره بأن ابن عمه جازع ابا ذراع قد اخذ ابله ، وانشد ابيات يصف بها حاله امام الشيخ ابن سويط ويخبره بأن ابوه قبله قد اعطاه العيافه والعرافه فقال : انا الى منه بدا اللازم أبدي انصا الشيوخ اللي تعرف المبادي جيت الشيوخ وجيت حر وعبدي ورجعت للي مثل طير الهدادي والله مايبرد لهيب بكبدي الا تقول الذود ماهوب غادي فسأل الشيخ جعيلان ابن سويط الحاضرين ، قال : هل ابوي فعلا معطيه العيافه الى الابد والا فقط اثناء حياته ، قالو الحاضرين انه معطيه اياها الى الابد ، قال ابن سويط : ابشر بها ويقصد الابل ، وفعلا تمت اعادة الابل لفجحان ماعدا ناقة واحدة فتضايق فجحان فأنشد يقول : لقيت شي مالقوه القبايل ماخبرت الوالد عطاه الجنيني اللي مجالسهم بروس النثايل ياعنك ماحطيت منهم خديني شي يشوش يودع الرأس مايل مثل الزهر في عرض خطو البطيني ابا عرفه في وسط مبدا الرسايل واعرف صديقي من عدو يبيني ان كان يلقاني بما قلت عايل ابيه ينهاني كمانه فطــيني قواد ذاود المهار الاصايـــل اللي لمن جاء عندهم مكرميني ناره وبـيـتـه للمعـنى دلايـل ونجره على الهجعه يجي له دنيني ربيع خضران القلوب الهبايل يما كلو في ربعته من سميني جازع لقح من عقب ماهوب حايل بطنه عليكم يالسويطي بـديني من ذاق هسات الامور الاوايل يصيـر بالتالي عليكم متيـني وعندما سمعها الشيخ جعيلان ابن سويط بحث عن الناقة وردها له. مع اطيب تحية... مخاوي الليل والنهار ...

[محمد الذيابـــي]

مشكور على النقل

والفارس فجحان غني عن التعريف


تقبل مروري يالغالي

التوقيع

التوقيع محمد الذيابـــي

[كاااايد]

والله والنعم ومشكور على القصيده