تبت يدين الحسود

[سـعـد العصيمي]

السلام عليكم

ابيات للتواصـــــــــل

اليا اقبل الليل عيني تلتفت يمه = بيني وبين السهر موعد وميثاقي
ياقلب لا تحزن وسم الطلب سمه =بشرب زلا ل القراح وبترك الباقي
الشعر اله وقت والطاروق انا عمه = والله لسوق القوافي لين تنساقي
ان جفت حياض غيري ما ردي جمه=تخضر عليها الغصون ويدرج الساقي
الصبر اله حد والرجال اله همه =لكن طول الصبر ماهوب ينطاقي
مبحث ورا الشهرة ولا دور القمه =يكفيني اليا قصدت ارضيت عشاقي
مهما تجاوزت اللي مذهب واللي ذمه =اعز نفسي ورزقي عند خلاقي
تبت يدين الحسود ومات من همه=لو بيده الرزق قطع كل الارزاقي
راع الحسد والردا لو كبر العمه=معروف ما شغله الا زور وانفاقي
يومي شليله ويلهث نافذٍ كمه =وعلى هروج القفا والكذ ب سباقي
ياميت النار ليه تضيع اليمه =لو طال راسك ترى للروس حلاقي
لااحساس لا شعور شخصٍ فاسدٍ دمه =كاا لحنضلة طعمها ما هوب ينذاقي
لاصرت ما تعرف المدحه من الذمه =لاتخدع الناس بالكشخة والاخلاقي
تصبح على مطمه وتمسي على مطمه =وتقول انا الفاهم اللي منزلي راقي
عكس اتجاه الرياح افكار شرذمه =يا عنك قلبي لهم ما هوب يشتاقي

وسلامتكم

[سعد بن مطلق المقاطي]

صح لسانك والله يبيض وجهك

التوقيع

ديــــــــــــــــواني

[ذعير العالي]

صح الساااااااااااااااااانك

[محمد الذيابـــي]

,,

صح لسانكــــ,,


قصيدة رائعه ,,

كل الشكر لك يالغالي,,,,

التوقيع

التوقيع محمد الذيابـــي

[محمد مطلق العتيبي]

صح لسانك حتى ترضى
تستاهل كلمة
شاعر

[سلطان قومه]

صح لسانك



جزل جزل وابيات جزله

[حمود بن خيشوم العصيمي]

صح لساااااانك سعد العصيمي


تحياتي

[عايض جزاء العصيمي]

صح لسانك مليون ياااااااااااااااااااااااااااااااااااااااسعد
تحياتي

[سعود بن طلق]

صح لسانك يا سعد

دائماً اجد المتعه في نصوصك المميزه

شاعر جميل بكل ماتحمل الكلمة


احترامي لك