مبيد الشعراء :)

[جمال منير]

.
.

السلام عليكم ,,

ياشفّي اللي زاد عن كل الشفوف= اليوم ينقص مستواه ولايزيد
ما فات من شيٍ مانلحقه الحسوف=حنّا أولي الأمجاد والعزم الشديد
شعّار وزعتنا ما هي وزعة ضغوف=النا السنام ان صار ابه وزعة قصيد
ياما دحمنا به ملايين وولوف=على النقا واللي يريد الله يريد
مير المصيبه صدّرت نفسي عيوف=وأسبابها ما تقبل المد الزهيد
اظروف لأن العذر في وقت الظروف=مقبول عند اللي لهم رايٍ سديد
راح الشعر مابين حاذف ومحذوف=كلٍ يقول انا الهلالي أبو زيد*
ويحط له مانشيت في صفحة*قطوف=ومكتوب تحته شاعر الشعر الفريد
ووظيفته مغير تجميع الحروف=اما اقتبس من شي والاّ *له يعيد
ثم قام يوزنها مثل وزن البلوف=ويقولها لا قيل له هات الجديد
على المنصه يقرع اقراع الدفوف=واسلم وسلم لي على المجد التليد
عبد الحميد ايصفق لعبد الرؤوف=وعبدالرؤوف ايصفق إلعبد الحميد
ثم فك ازاريره وهزهز بالكتوف=وعزّي عن اللي منه يبغى يستفيد
قصير هامه ويتعلّق بالكتوف=وعظمه رخو محتاج فالقومه عضيد
وليا وقف من بعده شفقه فالوقوف=وصاروا جماهيره وراعينٍ وغيد
*مال الرجال أهل الجميلات امعروف=سيّد على شعر النبط والناس سيد
*ياكل دراهم عقب مايأكل خروف=وبطنه كبير يشيل في وسطه وليّد
ويحول مابين المعزّب والضيوف=يبي المعزّب وحده وضيفه وحيد
الأوله تطوف والأخرى تطوف=ودايم يجيب العيد لو مافيه عيد
لو كان لي كلمه لا قالوا*وش تشوف ؟؟=قلت أكثر الشعّار يبغي له مبيد !!

وسلامتكم ،،

[عبدالمجيد الثعلي]

عبدالحميد يصفق لعبدالرؤوف=وعبدالرؤوف يصفق لعبدالحميد

تصفيق حار لهذه الرائعه بعيداً عن تصفيق المذكوين أعلى ههههههه


صح لسانك وبيّض الله وجهك

[محمد الذيابـــي]

صح لسااااااااااااااانك مليووون


ولا هنت يالغالي

التوقيع

التوقيع محمد الذيابـــي

[الغضنفر]

صح لسسسسسانك ياجمال ولاهنت