معركه الصواي بين قعدان بن درويش الشاطري والسياحين والجذعان

[شايم العتيبي]

معركه الصواي بين الشيخ قعدان بن درويش الشاطري ( حامي المتلي )والسياحين والجذعان
-------------------------------------------------------------------------------


وسببها أن رجلاً من مطير يقال له مانع الدوده من الموازين من ذوي عون من مطير ومعه أبنه جار عند الشيخ علوش بن فرج بن مسيلم شيخ السياحين وقام كل بيت من السياحين بإعطاه ناقه وجمعوا له حلالاً وبعد مده ذهب أبن مانع لمطير واخبرهم أن السياحين لديهم حلال كثير وهم بعيدين ومتطرفين عن الروقه وباقي عتيبة فلما أخبرهم تجهزوا مطير وكانوا بقيادة الشيخ قعدان بن درويش الشاطري وبعض الموازين فلما انتصفوا الطريق من منازل السياحين ليلاً والقوم يصيحون لبعض ويسولفون حتي لايتفرقوا ويقول بعض الرواه أن مانع الدوده وقيل ابنه هو اللي أنذر السياحين ولما وصل الخبر الى الشيخ علوش بن مسيلم وأستشار السياحين قال البعض نندب على غالب بن زريبه لأن الجذعان هم أقرب الروقه منازل الى السياحين وبالفعل تجهز غالب بن زريبه وعلوش بن مسيلم هم وفرسان الجذعان والسياحين والتقوا هم ومطير في الصواي
فبداءت المعركه ونكسرت مطير

وتم أسر بعض المطران عند السياحين والجذعان فأكرموهم واطلقو سراحهم بعد ذلك


وقد قالت الشاعرة بركيه بنت مسلم السيحاني مفتخره بفعل ابناء عمها السياحين والجذعان قصيدة طويلة منها هذه الأبيات :


بالغيث يا عدّ(ن) زمت لي هضابه = أسقاك ربان السحـاب المراويـح

يرعاك شول(ن) كل يوم بحزابـه = يقـداه جهيّـل العيـال المفاليـح

يا ليت من يوصل جوابي عتابـه = من فوق حيلن مبعدات المصابيح

رجنا عليهم مثـل روج السحابـه = من فوق صفرن زاهيات اللواليح

دوك المطيري نوّخت به ركابـه = ويقول أعانيكم على هبت الريـح

جمع ابن درويش اللي يروع التهابـه = راحت أركابه يم حايل مشاويـح



ويقول احد فرسان مطير واصفا حاله بعد الهزيمه........

لاوالله اللي باد شرك نعالي//// وانا مع العبله وراء عكليه


خذوا ركايبنامحتمين التالي //// عقب طمعنا مشينا رجليه


ليا سلم( حام الثبار التالي)/////// واركابنا وسلاحنا عاريه

حامي المتلي : لقب مشهور للشيخ قعدان بن درويش الشاطري