مساجلة بين منصور بن جدعان ومحمد صلاح الحربي

[ابن جدعــان]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مساجله بين ابن جدعان ومحمد صلاح الحربي

البدايه لمحمد

قال من تله وعله بالدجى هوجاسه=طاري[ن] له طاري
وانشغل في طول ليله ما قرب لدروسه=ليلة اختباره

ما إكتفى همه بقلبه ، طامع[ن] في راسه=جمره السماري
همه الي عاوده بزيارة[ن] منحوسه=غربله بزياره

قام واستدنى القلم واركى على قرطاس=بالمساري ضاري
ناوي[ن]يكتب عن الي بالصدر محبوسه=عن لهايب ناره

واسند المعني على الي تفتخر به ناسه=يخبره بالجاري
مسنده للي بطيبه ضافي[ن] ملبوسه=وعالي[ن] مقداره

انت ياريف النشاما يا سعد جلاسه=من عنا لك ساري
وانت تدري بالمولع وش تكون اهجوسه=والظروف اسواره

وكيف ما تدري بمن هو غارق[ن] في ياسه=دام كل[ن]داري!
علته يابن الزيادي خنجر[ن]مغروسه=بالحشا جزاره

قاله الي ما تهنى من سبب هوجاسه=طاري[ن] له طاري
شاعر[ن]مسند قصيده قافيتها حوسه=مثل بعض افكاره

وكان ردي عليه:

قال من جته المثايل حركة نوماسه=كل قاف اجاري
يا محمد هاض فكري والبحر بأقوسه=واتبع البحاره

كل رجال[ن] فهيم وعارف[ن] مقياسه=في مزاده شاري
والدروب مؤمنه ياصاحبي مقيوسه=سوق من تجاره

ان ملوه من الذهب واضفو عليه الباسه=كسبوه اجباري
وكان فيه المهزله متوفره متروسه=ما . تعس امطاره

وانت ياذيب الغداري لو يحد اضراسه=وقتك الغداري
لا تخاضع لا تخاضع لو يحد ضروسه=سنته دواره

مثل ما ذقت العذاب وذقت لفظ انفاسه=حكم ربي جاري
بامر ربي يخبرونك بالعلوم اعسوسه=عقب قطع اخباره

ما يصح الا الصحيح ولو ضريت اخماسه= قوة الطواري
ما تطفي نار جوف الي سكت مكبوسه=لو تذوق امراره

صدق من مثلي ومثلك من قراء قرطاسه=كان ما هو داري
قال شعار ومعاني كل خشم اتبوسه=سوق من تجاره
[/poet]