يا عمري ... كتبتها لأعز صديق.. فهو موجود حاليا في لندن..

[فارس المورقي]

يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك ألأحزان

فديت أعيونك الحلوه تبسم لو على شاني

حبيبي صار لي مدة أشوفك تايه وحيران

وانا والله لا شفتك حزين تزود أحزاني

أنا احبك ولا ودي تعيش بدنيتك ندمان

ترى ألأيام محسوبة وتالي ها لعمر فاني

تصدق بسمتك والله تفرح خاطري الولهان

يطير من الفرح قلبي واصير بعالم ثاني

والى من شفتك بضيقة أحس اني انا الغلطان

أعاتب نفسي بنفسي ولو ما كنت أنا الجاني

غلاك بداخل أعروقي ولا يوصل غلاك انسان

يمر الوقت ويثبت لك غلاك ان الله أحياني

أضحي بعمري لعيونك تنام انته وانا سهران

ونادي جروحك لقلبي تجي واحد ورى الثاني

تحياتي ...

[ذو الخمار]

والله يشافي رفيجك كان يتعالج والله يوفقه كان يدرس يعني من الصوبين
وتسلم
ودمتم

[ابن مشيب]

تسلم يافارس العتبان على هالبيات الرائعة والله يعطيك العافية.

[ذو الخمار]

؟

[الصويت الثبيتي العتيبي]

صــــــــح لسانـــــــــــــــك


وبيض الله و جهــــــــــــك



تقبل خالص تحياتـــــــــــي



الــــصــــــ الثبيتي ويــــــت