قصة الدوسري والاسد

[طيرشلوى]

هذي القصة واقعية وكتبها واحد من الربع في مجالس الصقور0 ونقلتها لكم لجمالها وروعتها0
هذي القصة جرت علىأحد أبناء قبيلة الدواسر رواها للوالد جارنا الدوسري وهو ابن أخت بطل القصة
كان الدوسري أحد اخويا واحد من الأمراء وذهبو مع الأمير في رحلة الى حديقة الحيوانات وعندما عادو من رحلتهم جلسوا يسمرون ويسولفون مع الأمير 0
فقالوا للأمير:يا طويل العمر الأسود المصاوب هذي من الي يجيبها
فقال الأمير مازحا:هذي يجيبونها رجال من الشمال 0
قال الدوسري ليه يا طويل العمر ومافية رجال الافي الشمال يعني مافية
في الجنوب0
قال الامير فيه رجال في الجنوب لكن ماشفنا فعلهم قال الدوسري
خلاص يا طويل العمر لارحنا بكره للحديقة بوريك فعل هل الجنوب(كفو)
قال الامير مازحا خلاص بكره نشوف فعلك يافلان
المهم جا الموعد لين الرجال مصمل فحاول الامير انه يثنيه عن قراره لكن الرجال عيا الايوريهم فعل هل الجنوب كلموه اخوياه وابنا عمه مافية فايدة المهم يوم شاف الامير انه مافية فايدة قال ميد الدوسري
اكتب لنا انك بتسوي فعلك هذا برضاك المهم كتب الرجال انه بكامل قواه العقلية انه اقدم على ذالك بإرادته0فقال الامير اذا انتصرت على الأسد لك الجيب الي واقف برى فقال الدوسري أنا مانيب مصارع الأسد عشان سيارة ولا جايزة أنا بصارعة لاجل اوريك فعل هل الجنوب
المهم يوم ادخلوا الحديقة نصوا(اتجهوا)لشبك الأسد
قال الامير للعامل افتح الباب حق قفص الأسد
عيا العامل الابعد محاولات فتح القفص ودخل الدوسري وصكو عليه القفص وكان الدوسري لابس بصطار فلمى دخل على الأسد فز الأسد وهجم على الدوسري فقام الدوسري بوضع ابهاميه بين فكي الأسد من داخل فمه فلم يستطع الأسد أن يطبق فمه 0
فقام الدوسري يضرب بطن الأسد بالبصطار والأسد يضرب جوانب الدوسري بمخالب يده المهم ضلوا على هذه الحال حتى سقط الأسد والرجل على الأرض واسقط الاسد ذيله فقال العامل خلاص انتهى الأسد اذا طرح ذيلة هذا يعني انه استسلم فنتصر الدوسري على الأسد 0
ومكث في المستشفى عدة اشهر وتماثل للشفاء0
وشكرا"
بس للاسف لاتوجد لها قصيدة 0

[بن مسعر]

الاخ العزيز طير شلوى الرجال هذا معروف

وله قصه ثانيه

كان مره عند ابله في البر

وذهب الى احد الطلح بجاني البيت ليربط بها رباط البعير

وكان مشغول بربط الحبل وكان البعير هائجاً

فهجم عليه البعير فصاحوا عليه اهله يافلان البعير جاك

فلتفت ورئى البعير ولم يوليه اهتمام بل استمر في ربط حبله في الشجره

وعندما قرب البعير منه مسك رقبة البعير وحطها في زغنه ( ابطه)

وحط يديه من خلف الشجره وستمر ممسك به حتى برك البعير متعباً


يعني ماحول على الاسد الا خابر في نفسه خبر

[عتــ بلجيك ــيبة]

بيض الله وجهك على القصة..
الدوسري هذا مصيبة المصايب..
أنا حقيقة سمعت القصة لكن بروايه مختلفة..
وهي أن الأمير غضبان على الدوسري..وأراد قتله..
فخيره بقتله بالمسدس...ولا يدخله على الأسد..
فقال الدوسري..
المسدس حتى المره تشيله وتذبحبه..الرياجيل..
لكن دخلني على الأسد..
والباقي مثل سالفتك...
والله العالم..قد أكون غلطان ياطير شلوى..
ولكن لاهنت على القصة الأكثر من جميلة..
تقبل تحياتي الأخويه..
ولاتحرمنا روائعك..
أخوك..:
عتـــ بلجيك ـــيبة