من روائع قصايد عتيبه

[هداج المخامر]

قصيدة الشاعر خالد بن ملافخ



احب مطالع البوش الولايف

ليا ردت مصاغيره وفلى

واحب من النساء بيضاء عفعيفه

طويله عنق والقرن يتدلى

واحبك ياصبى نجد العذيه

امضي فيك وقتي واتسلى



قصيده الشاعر رشيد الزلامي


اليا جهلت انشد ترى مابها عيب

لاتنخدع للجهل وانت السبايب

العيب ترك ملزمات المواجيب

وفعل الردى ومجالست كل خايب


احد شعراء عتيبه


يامل قلب يلوعه لايع الفرقاء

كما يلوع الحمام الورق شيهانه

ان حولن حولت وليا رقن ترقا

متعليتهن وهي حدبا وجيعانه


قصيده الشاعر نمر بن صنت الحافي

اه ياقلبي اللي كن فيه المواسم

من عماهيج نجد مساهرات الهقاوة

قاسيات القلوب سخيفات المباسم

لو عطنك من اطراف اللسان الحلاوة



قصيدة الشاعر محمد سحلي التويجر

يانجد والله يلولا فجوجك اوساعي

نسج معها ليا جا بصدورنا ضيقه

ماعاد ندرى خطاك وقل الاسناعي

والصبر لازاد عن حده من يطيقه