المشكله اللي بين حبيب وبن شايق

[ابو شرف]

بسم الله الرحمن الرحيم
يالربع نطرح الموضوع بكل جديه ونتناقش فيه بعيدا عن المهاترات والعلوم اللي مالها لزوم وبعيدا واهم شي عن العصبيه القبليه.
دخلت منتدى قبيلة قحطان ويقولون المشكله اللي بين حبيب وبن شايق هي في حفله عند القحاطين بعد زواج السامر موجود فيها بن شايق ومستور العصيمي وحبيب العازمي وقام بن شايق وزهم مستور في معنى البيت يقول بن شايق لمستور تعال يالثعلب انا سمعت عواك قام حبيب وقال على طول بعد بيت بن شايق قال يالربع الثعلب صوته عواء ولا الذيب قالو لا الصوت للذيب قال هي اكرمكم الله وسرى هو ومستور.
القصه صحيحه يالربع واللي يعرفها يعلمنا بها وينقل لنا محاورة حبيب وبن شايق اللي في زواج السامر مع تفسيرها.
الله لايهينكم.
ودمتم بخير وصحه وسلام.
مــــــــــودتـــــــــــي...

[%%%المقاطي%%%]

علمي علمك يبو شرف
ونشالله الاخوان يفيدونك
تقبلوا خالص تحياتي
أخوك المقاطي

[شبل الغبيات]

والله علمي علمك

[مالك الذيابي]

الله يعطيك العافية يابن العم

وانشالله الشباب يفيدونك

[ابو شرف]

اشكرك على المرور يالمقاطي.
تــــــــحــــــــيــــــــــاتــــــي.

[ابو شرف]

شبل الغبيات اشكرك على المرور وننتظر الرد من الربع.
تحياتي..

[ابو شرف]

ابن نجم الذيابي اشكرك على المرور يالغالي.
تحياتي..

[ابو شرف]

ها يالربع علامكم..

[محمد سعيد القحطاني]

القصه اللي قلتو بين مستور العصيمي و عبدالله بن شايق فقط

حيث ان مستور سب ابن شايق بدون سبب ببداية المحاوره وفي

حفلة العتبان وبن شايق مدعي ومعزوم وليست حفلة السامر

فرد ابن شايق برد متمكن اذكر منه الشطر الاول حيث قال :

حنا سمعنا صوتك يا ذيب يا نباح 0000

فقام مستور بقطع المحاوره وقال ياجماعه الذيب يعوي ماينبح

واللي ينبح الكلب وانا ماني بكلب فقط هذا ما دار بكل امانه 0

00000000000

اما سالفت احبيب العازمي و عبدالله بن شايق فهي غير

فقد اللتقو بحفلة المغتره ولم يسبق للشاعرين ان تلاقو من قبل

والحقيقه الغايبه عن الجميع ان الشعراء المشهورين مثل حبيب

بذالك الوقت حينما يسمعون بظهور شاعر قوي جديد يتحاشون اللعب

معه بتاتاً ( وهذه طبيعه الشعراء اغلبهم ) حتى لا يتمكن الشاعر

الجديد من الطلوع وظهوره كنجم خصوصا لو كان من قبيله اخرى

بل ويتامرون عليه و يهبطو من عزيمته وقدراته لكن الشاعر القوي

وصاحب النفوذ يجبر هاؤلا الشعراء على اللعب معه ثم يظهر لانه

لو بقي يلعب مع الصغار لظل صغيرا هذه الموامرات والمنافسات الغير

شريفه معروفه للقريبين من الساحه الشعريه0

ولكن في حفلة المغتره تم الاختيار من راعي الحفل وطلب مقابلة

حبيب العازمي ضد عبدالله بن شايق وكانت محاوره قويه جداً

وهي كا لاتي دون نقص او زود :




حبيب العازمي
سلامي على آل سعود وضيوف ال سعود = سلام بمسك العود نسمة هبوبه
وطنا وطنا منبع العز والجود = ودحر المعادي كان شبت شبوبه

عبدالله بن شايق

انا بالنيابة قمت والخير موجود = عن الاسره الي ضيفهم رحبوبه
بلدنا مجندنا وحنا له جنود = على السلم سلم وللمشاكل عقوبه

حبيب العازمي

ترا العاقل الي يعرف النقص والزود = قبل مايعرف الدار يعرف دروبه
بذلنا على وضح النقا كل مجهود = لكن انت لابدك تلاقي صعوبه

عبدالله بن شايق

ترا العاقل الي ياخذ الحق بشهود = ونفسك على الطرقه ماهيب مغصوبه
ليا صار فالميدان حاوي ومردود = انا اصل العرب واصلي يعرف العروبه

حبيب العازمي

ليا قلتها قلت الك مانيب محدود = ولاكن داب الغار ينفخ ذروبه
زمان مضى والناس طارد ومطرود = كثير العرب ناخذ شماغه وثوبه

عبدالله بن شايق

توقع ترا فالعب نار وبارود = وراع العيوب اصد مكشف عيوبه
وانا اقول ليلن قربك جعله يعود = وانا عارف قلبك يحسب ذنوبه

حبيب العازمي

رصاص المقمع صفر مافيه عبرود = ولا يشفي الغازين لو حاربوبه
وانا قول صعبه طقت العود بالعود = ولكن حاسب والعلوم محسوبه

عبدالله بن شايق

كثير العرب لو مات ماهوب مفقود = وانا يوم جيت السوق شفت الجلوبه
اشهد عليك احمد وحماد وحمود = ارويك وانت تصد منته بصوبه

حبيب العازمي

ياراع المنيحه ردها لاخر الذود = تبي تحتلبها بس جتك محلوبه
زمان الهوايل يجمع البيض والسود = واشوف الهوايل جات والوقت دوبه

عبدالله بن شايق

ياويلك من الي صار والباب مسدود = ترا راعي الساحل يعرف الرطوبه
انا لي يمين ودين ووعود وعهود = لا اقوم اتعجبك واحطك عجوبه



0000000000000000000000


ومن بعد هذه المحاوره ,, والبيت الاخير من ابن شايق

يشترط الشاعر حبيب العازمي على صاحب الحفله

عدم وجود الشاعر / عبدالله بن شايق القحطاني

عند حضوره وان وجده سوف يغادر الحفله ولن يعيد شي من المبالغ

المدفوعه للمكتب مسبقاً 0

آخر تعديل محمد سعيد القحطاني يوم 20-Oct-2007 في 08:48 PM.

[ابو شرف]

يالسنحاني مساك الله بالخير.

القصه قلتلك حفله بعد زواج السامر والحفله اللي نقلتها انت هي بين حبيب وبن شابق في زواج السامر.
تحياتي وارجو ان تتاكد من الموضوع..