يقول حقي يالمشاكيل مفروض = على الرجال مبعدين الحراوي

[مطلق الحويقل]

الشعر عارض له من الناس عاروض = عقب الجزاله صار معناه هاوي
من عقب ماهو في معانيه منهوض =ومعززينه طيبين الهـــــقاوي
اللي يحبون الجزاله عن الخوض = وكلامهم دايم كلام نقاوي
مافي مثايلهم من القيل ملحوض = طرايف يروي بها كل راوي
طرايف ماجابها هزل ونقوض = بنايها عزمه وفكره رهاوي
واليوم صار الشعر ماهوب محضوض = تعرضوله من نظرهم دناوي
ومماحصّله يشكي عضاه ممروض = يشكي وينخا طيبين العزاوي
اللي لهم بالطيبه والوفا نوض = وأفكارهم ماتنتج ألا علاوي
مافي غزايزهم من القول مخفوض = دايم ومعناهم رفيعٍ سماوي
ويقول حقي يالمشاكيل مفروض = على الرجال مبعدين الحراوي
اللي تسد النوب وتقوم وتعوض =ارجي وانا لازلت فيهم رجاوي

[ابو محمد الدعجاني]

صح السانك اخوي مطلق ولاهنت

واليوم صار الشعر ماهوب محضوض تعرضولـه مـن نظرهـم دنــاوي

[معجب العتيبي]

قصيده تتحدث بلغة الحقيقه


شكرا لك

وصح لسانك


مبدع

التوقيع

[مطلق الحويقل]

شكرا اخواني على المرور
وشكراآ على الإطراء
ولكم خالص تحياتي..