تل قلبي تل غرباً تروح ابه وتجي ...حايلا تقفي وتقبل على قامة سجا

[آلاد غنـــام]

تل قلبي تل غرباً تروح أبه وتجي=حايلاً تقفي وتقبل على قامة سجا
والضوامي جاين الها على العد علجي=وردها ما وافق الورد في ليلة دجا
والسبايب صاحبٍ راح ما اطرالي مجي=ومن طرف معوادها قاطع حبل الرجا
ما بقا الا التيل يبرد فوادي ووهجي=كل ما كلمتها خففت جرح لجا
ان دلهت شوي عيني تنام وتسهجي=وأن ذكرته شب له نار في القلب وهجا
أتذكر صورته وأتذكر مخرجي=ويوصل الهاجوس قلبي جبل سلما وأجا
اتخيل لي جدايل عليها دلجي=والنحر والخد براق والعين دعجا
لو اطيع الرجل يمه تشل وتدرجي=مير من يتبع هواء النفس منها ما نجا
ويش اسوي يا ابو خالد بهاك العسوجي=أنت الي في الازماللي يكلفني حجا
فيه نوع من الدعاوي يضيعٍ حججي=والله اللي يقضي الشان واله الملتجا

للشاعر / مقحم بن دحيم الغنامي

[عبدالمجيد العطاوي]

الله الله ياسلاااااااااااااام ياسلاااااااااااااام وين هالشاعر عنّا يالاّد غنــّام ..

ماشاء الله عليه والله انّه يسخرها سخر ,,, صحّ لسااااااانه مليون ولاهنت على النقل يابن العمّ ,,

[البريماني]

صح الله الساانه قصيده جززله


لاهنت يابن غنام

[ابو ضيف الله]

سلمت على النقل يا الاد غنام
وصح لسان ابن دحيم مدد بلا عدد

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[آلاد غنـــام]

عبدالمجيد العطاوي

صح بدنك بالنيابه وعافاك الله وابشروا بالجديد

[محمد العتيبي]

فعلا .. درر ثمينه .. لله دره

ماشاء الله عليكم يالغنانيم .. بحور في الشعر ..

تستاهل حبة خشم

تحيتي
...

التوقيع

للتواصل عبر twitter تويتر al_bargawy@

[آلاد غنـــام]

الوفا طبعي حياك الله انت طيب

[آلاد غنـــام]

ابو ظيف الله عافاك الله

[آلاد غنـــام]

محمد العتيبي انت طيب واصلك طيب ماعلاك زود شكرا