ياحبيبي لاتقول أني سليت

[فهد الدعجاني]

السلام عليكم ورحمة الله وبركاته


ياحبيبي لاتقول أني سليت // لاوربي عنك قلبي ماسلا

لاذكرتك ياهوى بالي بكيــت // دمع عيني لو نزل روض امتلا

ولو بغيت انساك ساعه ماقويت // بعد ماحبك على قلبي اعتلا

مابغيت البعد عنكم مابغيت // غصب عني بس قلبي مبتلا

ابتلابك بس عني مادريت // قل مسى الخيرات اقولك ياهلا

كان انت بالتحيه ماسخيت // قولها باالرمش ويزول البلا

انت تعرف ويش مرامي لو بقيت // اللقاء وياك لنام الملا

لارقد حسادنا معك التقيت // تكمل الفرحة ويزداد الغلا

وانت تدري طول عمري ماهويت // غيرك انت وعنك قلبي ماسلا


وسلامتكم

اخوكم

فهد

[راعي المغاتير]

مبدع والله يالدعجاني في منتدى القبيلة وفي منتدى قوافي
وصح لسانك جزله من راس جزل

لكن ياخوي توقيعي فلاش يطلع في منتدى قوافي ومنتدى عتيبة مااطلع

شكلك ماعرفتني >>المهم تراني احد مشرفي منتدى قوافي ؟

تقبل تحياتي وخالص احترامي وفائق تقديري

[شليويح العطاوي]

صح لسانك اخوي فهد قصيدة جميلة جداً ورائعه وفي انتظار الاجمل
اخوك شليويح العطاوي

[فهد الدعجاني]

صح بدنك اخوي راعي المغاتير ومشكور على الرد والتعقيب لكن ماعرفتك ياخوك انت الشاعر العضياني


اخوك==== فهد

[فهد الدعجاني]

صح بدنك اخوي شليويح والف شكر على تعقيبك ومتابعتك الطيبة



اخوك===== فهد

[راعي المغاتير]

عيارك في محله يالذيب

اي نعم .. انا سلطان العضياني مشرف منتدى الفكاهي <<لي شهرين ماشفته

لكن .. ماوصلتني الافاده عن الفلاش .. ننتظر الشرح وشاكرلك ياابن العم

[الصويت الثبيتي العتيبي]

صــــــــح لسانـــــــــــــــك

وبيض الله و جهــــــــــــك



تقبل خالص تحياتـــــــــــي



الــــصــــــ الثبيتي ويــــــت