انا اخاف عيني لاانتهى الدمع تنزف دم

[مبارك السبيعي]

انااخاف عيني لاانتهى الدمع تنزف دم=مادامن طويـلات المبـادي معازيبـي
تخم الخطى رجلي لراس الطويله خـم=مقاع الحصى لااقبلـت كنـه يهليبـي
الا ياعذولي طول الهـرج طعنـي قـم=تراني من علومك تدانـت محاضيبـي
انـا اقـول عـذال المحبيـن ماتفهـم=مثلهم مثل من يسهجـون المواجيبـي
جريح الهوى لو طول الوقت ما يسلـم=لو انه دلـه فتـره بيجيلـه عواقيبـي
يقـارب خلـوج البـو لابـد ماتزهـم=بصوت تلاحيـه الضلـوع المحاديبـي
الليا شاف طرقن تطرق الرمش لا سلهم=تجـر القلـوب العاشقـه بالكلاليبـي
على اول نهدها في بدايت صباهـا زم=صخيف ثمرهن يشتكي حست الجيبـي
وعنقن طويل وعين نجلاء وخـد وفـم=ليا شافها العاشق عوى عويت الذيبـي
الا بري حالي كان عيى الشمـل يلتـم=وانا غيرها ماابغى جميـع الرعابيبـي
اسولف ليا جيته ولا رحت عنه اطـرم=عسى اللي بلانيبه مايقطـع مطاليبـي
وجودي وجود صغيرن في ولاية عـم=ضعيفن حياته في سمـوم ولواهيبـي
يقوده مثل قود الطلي في فـم الاسحـم=من غله عليه يطـق رؤس العراقيبـي

[عمر الدغيلبي]

يا سلام يا مبارك


صح لسانك مدد بلا عدد


نص جميل استمتعت بقرائته


ونشكرك على طرحه هنا


ننتظر جديدك يا أخ مبارك ومتشوقين لقرائته


احترامي

[عبدالرحمن الهيلوم]

صح الساااااااااااانك

مبدع

يا أبن الغلباااااااا

[مبارك السبيعي]

عمر العتيبي

عبدالرحمن الهيلوم

صح ابدانكم وتسلمون على مروركم وتعليقكم
شهادة اعتز بها
والجديد قادم بعون الله

حفظكم الله