ليه يومني طلبت الود ماقلتي على الله .. مصافحة اولى

[محمد الأسمري]

السلام عليكم ورحمة الله وبركاته

يسعدني ان اكون هناااااا

بين هذه الأسماء اللامعة

مصافحة اولى اتمنى ان ترتقي لذائقتكم


وكل عام وانتم بخير

مـا يهـون الحـب لله لكن الفرقاء تعله=علة الفرقـاء خطيـره لكن العودة عوافي
الغلا لك في محله لكن أنته ما تدله=لو تدله يا رفيقي كان قلبك لي يصافي
قلبي المسكين حبّك ليه يالغالي تتله=يوم بعض الناس خانت في ولاها جيت حافي
يا غناة الروح يا بدري ويا شمسي المطله=لو تزيد طعون قلبي لا حشى ما أقول كافي
كل حرفٍ من قصيدي طيفك الفتان ظله =اثر ماني بس احبك حبتك معي القوافي
ليه يومني طلبت الود ماقلتي على الله=كان ما شفتي خفوقي فوق بحر الهم طافي
تجزلين بمدة الهجران وبوصلي مقله=والشعور اللي تخفى بالحشى ماهوب خافي
ليه حبٍ عاش شامخ بيننا تبغى تذله=حافظٍ حبك بعيني والله انه ما يشافي
حبي اللي لك بقلبي مايبي مني ادله=شف حنانٍ من خفوقٍ يوصلك ماهوب جافي
كان قلبـك ما يبيني ردي الأحساس كله=عاشقك يابنت وافي طالعٍ من صلب وافي
سيف بعدك ياحبيبي طالبك ،، لا ،، لاتسله=لا تماريني بحبك والله ان حبي خرافي
ماتعجب ليه احبك العجب صرتي ممله =ياعذاب اللي تعنا يرتجي احساس دافـي
من حبيبٍ مايثمن تضحيت خلٍ لخله=يلعب بدور الصفا والكذب له دور أحترافـي
جاوبيني جاوبيني كل شي وله محله=مانبي نلعب معك يابنت بالشـوط الإضافـي
كان جيتي لك ورود الحب وازهاره وفله=وان رحلتي ما أضيمك لا تخافي ،، لا تخافي

وسلامتكم

جميع

[سلطان الجـذع]

ترتقي لاذواقنا ونص



صح لسانك وفي انتظار جديدك والشرف لنا بوجودك معنا

[محمد الأسمري]

الأخ سفير الجذعان

صح كلك يالوافي

لا خلا ولاعدم

شاكر حضورك ...

تقبل خالص الود

اخوك محمد الأسمري

[الأمــير]

صح السااااانك يالغالي



نقل رااااائع

[محمد الأسمري]

ذيب الحنابج

حياك الله يالذرب ..

لاهنت

وللعلم ترى ماهي بنقلة .. يا اخوك ..

[أبو نجر النفيعي]

..
.
الله الله الله الله

عليك يا محمد


محمد الاسمري<<>>الابـــــــــــــداع


اسمان لهم نفس المعنى

صح السانك يا محمد

قصيده رائعه وجزله

وننتظر جديدك يالغالي

..
؟

التوقيع

.....

[محمد الأسمري]

الغالي أبو نجر النفيعي

صح كلك يا أخوك

حضورك مكسب وشرف

لاهنت وطاب فالك

الروعه ان تكون هنا

خالص التقدير

[الأمــير]

المشاركة الأصلية كتبت بواسطة محمد الأسمري

ذيب الحنابج

حياك الله يالذرب ..

لاهنت

وللعلم ترى ماهي بنقلة .. يا اخوك ..

اخوي محمد الاسمري

انا عارف انها من ابداع لسان وقلمك

لكن انا قصدي نقلها الى المنتدى


وان كان في خاطرك شي عطني خشمك

[محمد الأسمري]

العذب

ذيب الحنابج

حضورك غالي ولا يدل الا على أصلك الثمين

لا بالله ما في الخاطر الا كل خير

جعلك دوم في غناه

لاخلا ولاعدم يالوافي

[مرزوق حمدان العتيبي]

....
.

الشاعر الاسمري جزاله ... لاتستغرب يالنشمي ..

صح لسانك مدد بلاعدد ...
وياهلا فيك شرفتنا في محلك ..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD