قالوا نذاله

[زياد المزرمي]

بسم الله الرحمن الرحيم

اخواني اعضاء منتدى الهيلا الشامخ انزل هذه القصيده

بين ايديكم وهي الدفاع او الرد على من يتهم قبيلة مطير بالنذاله

فبما ان الشعر رساله وانا شاعر وامثل قبيلتي فلي الحق ان

اذود عنها واي شخص يتعدا على اعراض الناس سواءا قبايل او عوايل

اعتتبره ضعيف وبه نقص

ابدأ بذكر اللي به النـاس يبـدون = ربي عظيم الشـان جـلا جلالـه
يبقى وكل اللي بهالكـون يفنـون = الكامل اللـي مايوصـف كمالـه
يالله طلبتك قاف وافي ومصيـون = من الخلل ومن الزلـل والهزالـه
وأن يسر الله نكتب البيت مـوزون = مافيـه زود ونقـص ولا ميالـه
اما يجـي ياكنـه اللـول مكنـون = ولا علـى ماقيـل نكتـب بدالـه
في خافقي علمٍ له سنين مدفـون = واليوم صغته في قصيدي رسالـه
ياوقتنا ياللي بك الحـق مطعـون = والله يستـر لايسـبـب زوالــه
اشوف بعض الناس قاموا يزيـدون = من الخطا والكـل ياخـذ مجالـه
قالوا مطيري نذل من عدة قـرون = وأصل النذاله فالمطيـري جمالـه
هاتوا لنا البرهان ياللي تهرجـون = ماتثبـت الحجـه ياكـود بـدلالـه
وان كانكم من غير نيشان ترمون = هاذي جهالـه مابعدهـا جهالـه
ألا هبيتوا ثـم هبيتـوا وتخسـون = ياهل الردى في كل حولن وحالـه
حتى الدجاج اليوم صاروا يطيرون = من عقب ركب ريش وجناح شاله
لكن حنـا ترتقـي مانجـي دوون = ولاينثبر بالنـاس غيـر الحثالـه
قال المثل يانـاس يلـي تعرفـون = من طاول اطول منه ويبطي ماطاله
حنا هل الطالات وبليـس ملعـون = والنذل من يطلـق علينـا نذالـه
رجالنا بالعـز والطيـب مفتـون = وكلن على النوماس وصى عياله
اسم الوفا والطيب فمطير مقـرون = ولا ينذكر اسم المطيـري لحالـه
وحنا هل الوقفات والناس يـدرون = والي جهل ماني وصـي بضلالـه
وحنا عدود الطيب والناس يـردون = اسمع كلام العبدلـي يـوم قالـه
وحنا خذينا ونعم والسيف مسنون = يـوم انهـا ماتنوخـذ بالسهاالـه
يوم الحرايب فالجزيره لها كـون = ماعاش غير اهل السطر والشكاله
واليوم دارت واستدارت مية لـون = ولا عاش غير الي يقدس ريالـه
ان كان ورثوا من المـال مليـون = والكل منهـم راح يبـذخ بمالـه
حنا ورثنا المرجله بين هالكـون = ورحنا انتناقلهـا سلالـه سلالـه
ماينكر الريجيـل ياكـود مجنـون = ولا صديع زاد ربـي خبـالـه
ولايعطي الشرهات من كان مديون = ولايارد الـي قاصراتـن حبالـه
هذا الصحيح وقولوا اللي تقولـون = وهذا كـلام العبدلـي يـوم قالـه

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[هايم العتيبي]

صح لسانك يازياد ..

..

..

[زياد المزرمي]

المشاركة الأصلية كتبت بواسطة هايم العتيبي

صح لسانك يازياد ..

..

..

صح بدنك يالذيب

ولك خالص تقديري واحترامي

[حاكم الغنامي]

وحنا خذينا ونعم والسيف مسنـون
يـوم انهـا ماتنوخـذ بالسهاالـه



وحنا خذينا ونعم والسيف مسنـون
يـوم انهـا ماتنوخـذ بالسهاالـه



وحنا خذينا ونعم والسيف مسنـون
يـوم انهـا ماتنوخـذ بالسهاالـه


ونعم ونعم ونعم ونعم

صح لسانكـ يازياد

اعجبتني القصيده بكل امانه

التوقيع

سبحــــان الله وبحمدهـ hakem81@live.com

[زياد المزرمي]

حاكم الغنامي


صح بدنك يالقررم


وتأكد ان اعجابك بما نكتب هو هدفي


تقبل جل احترامي

[معجب العتيبي]

كفو يازياد



قصيده رائعه

وقبيلتك تستاهل منك اكثر


صح لسانك

التوقيع

[سلطان المفرجى]

زياد كفو وصح الله بدنك يا لذيب وافي من قبيله وافيه

[مرزوق حمدان العتيبي]

وحنا خذينا ونعم والسيف مسنـون
يـوم انهـا ماتنوخـذ بالسهاالـه




..
صح لسانكـ يازياد انت كفو وربعك كفو
ولا على كل القبايل زود ..
يعطيك العافيه ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[زياد المزرمي]

معجب العتيبي


صح بدنك يالقرم


وماعلاك زود يا معجب


ومرورك شرف يا بعدي


تقبل جل احترامي

[عز العرب]

قالوا مطيري نذل من عدة قـرون//وأصل النذاله فالمطيـري جمالـه
زياد العبدلي
صح لسانك
ولك الحق في الدفاع عن قبيلتك

وعلى قول الشاعر ... المدح مايرفع براس الهابي ,,,,والسب مايطرح عمامة جيد