شاعر يتضامن مع سهيل في قضيته مع الست الثريا !!

[سهيل 1]

بسم الله الرحمن الرحيم


هذه قصيدة لأحد زملائي وشعراء قبيلتي قرأ مواضيعي واطلع على قصائدي التي

نثرت حروفها في المنتديات في الشبكة العنكبوتية حول الآنسة ( الثريّا ) فتعاطف مع سهيل

و شاركني همومي وأحزاني حول نجمتي ( الثريا ) وحاول أن يخفف من آلامي ..

ونظم هذه الأبيات الشعرية الجميلة معبرا عن تضامنه مع أخيه سهيل :


لا لاح براق السماء يتبع سهيل
واسهيل يكمل بالكواكب مداره

ويصر عينه بالقفاا والمقابيل
لامر من عند الثريا نهــاره

سلّم وقرب دلته والمعاميل
لعلهــا تجبر لقلبه جبـــارهـ

واعداه من حوله على القال والقيل
كلا يبا لسهيل غبن وخســــاره

والســالفه مابدها زود تحليـل
حبٍ غدى بسهيل واشتب نارهـ


( الشاعر : ولد الديره ) منتدى قبيلتي الخاص ..


وهي - أي الأبيات - محرضة على الرد والمجاراة ..فحاولت الرد ..

وهذا هو ردي السريع على أبيات أخي وزميلي ولد الديرة :


سهيل نجم الصبح والظهر والليل
بين الكواكب ما أحد عارف قراره

لا طل نجم سهيل لا تامن السيل
غطرف مع الوادي و شال الحجاره

ولا الثريّا ما وراها محــــاصيل
ما شفت منها ألا التعب والخساره

بعد فضحتني مع كبار الرجاجيل
قالوا سهيل النجم ضيّع وقــاره

وعداي منهم شفت كل التهاويـل
من حسْدِهم لسهيل جته المراره

وسلامتكم ..

أخوكم / سهيل

[راعي القوافي]

صح لسانك واعتلا شانك اخوي سهيل على هـ القصيده الجزله

[سهيل 1]

المشاركة الأصلية كتبت بواسطة راعي القوافي

صح لسانك واعتلا شانك اخوي سهيل على هـ القصيده الجزله

صح بدنك يا أخي الحبيب راعي القافي

شاكرا لكم مروركم الطيب

[فهيد الايدا المورقي]

سهيل صح لسانك وصح لسان ولد الديره


مجاراه جميله بين الشاعرين


تحيتي

[سهيل 1]

المشاركة الأصلية كتبت بواسطة فهيد الايدا المورقي

سهيل صح لسانك وصح لسان ولد الديره


مجاراه جميله بين الشاعرين


تحيتي

صح بدنك يا أخي فهد المورقي ولا هنت