صغيرهم مادنق الراس تدنيق**ختم العتيبي صح ماهو تجاري

[ابوتركي العنزي]

يشرفني الانضمام اليكم والتسجيل ومشاركه اخواني اعضاء منتدى عتيبه الهيلا واحببت ان اهديكم هذه المتواضعه في حقكم والا قدركم اكبر فان راقت لذائقتكم فهذا جل مااتمناه وان لم ترق فابشروا بالعوض
================================================== ======
للبيت شاعر والشعر له طورايق
وللحرف كاتب والقلم له قواري
وللبنت عاشق والكرم له عواشيق
والطيب يلقاله من الناس شاري
وناعشقت اهل الكرم والمواثيق
اللي على صيد الضواري ضواري
انا اشهد انه ماعليهم ملاحيق
بيضان الايدي واصلين المحاري
احبهم حب(ن) لزى بالمعاليق
وحب(ن)لغير اهله من الصدق عاري
ومن حقي افخر بالرجال المطاليق
وبعتيبه الهيلا يزيد افتخاري
في برق(أ)ولاروق من غير تفريق
اللي لهم عند المناعير طاري
ذباحه الحايل بوقت(ن)به الضيق
لطامه العايل اذا الدم جاري
ولحد(ن)يشبهم بضلعان وطويق
ذولا مقابيس الوغى بالصحاري
سميتهم شمس العرب بالمغاسيق
والشمس تحرق مكثرين الهذاري
على العدا سم (ن)على فكه الريق
وخويهم ماجاه بالوقت باري
رجالهم يحل صعب المواسيق
وحريمهم مادوجن بالعصاري
وصغيرهم مادنق الراس تدنيق
ختم العتيبي صح ماهو تجاري
وشعر(ن)قصر دون الرجال المطاليق
ماهو شعر لو لبسوه الخزاري



شعر:سعود الجبوري العنزي

[عايض جزاء العصيمي]

صح لساااااااااااااانك ياسعود
ولاعلاكم زود
والله سبعين نعم ياعنزه
تقبل مروري

[ابوتركي العنزي]

المشاركة الأصلية كتبت بواسطة عايض جزاء العصيمي

صح لساااااااااااااانك ياسعود
ولاعلاكم زود
والله سبعين نعم ياعنزه
تقبل مروري

صح بدنك اخوي عايض وشرفتني بمرورك وماعليك زود

[مرزوق حمدان العتيبي]

..
.
.
صح لسانك ياسعود وانتم والله اهل الثناء
والمدح نعم القوم ياعنزه.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابوتركي العنزي]

المشاركة الأصلية كتبت بواسطة مرزوق حمدان العتيبي

..
.
.
صح لسانك ياسعود وانتم والله اهل الثناء
والمدح نعم القوم ياعنزه.

صح بدنك اخوي مرزوق وماعليكم زود وشرفتني بمرورك وردك

[حمد عامر العتيبي]

صح لسانك يا سعود


وبيض الله وجهك وسبعين نعم فيك وفي ربعك يالقرم

[ابوتركي العنزي]

المشاركة الأصلية كتبت بواسطة حمد عامر العتيبي

صح لسانك يا سعود


وبيض الله وجهك وسبعين نعم فيك وفي ربعك يالقرم

صح بدنك ياخوي حمد وماعليك زود وشرفتني بمرورك وردك

[علي الدعجاني]

صح لسانك

ونعم فيك وفي ربعك الاد وايل

[ابوتركي العنزي]

المشاركة الأصلية كتبت بواسطة علي الدعجاني

صح لسانك

ونعم فيك وفي ربعك الاد وايل

صح بدنك اخوي علي وماعليك زود وشرفتني بمرورك وردك الطيب

[طراد العصيمي]

ونعم والله يالعنزي يابن وايل حقك بياض الوجه

وصح السانك ولا عليكم زود ياعنزه


قصيده جزله