اختيار تصميم الجوال
|
|
|
« آخـــر الـــمـــشـــاركــــات » |
|
أدوات الموضوع | انواع عرض الموضوع |
|
|
15-Dec-2002, 12:28 AM | رقم المشاركة : 1 | |||
|
0000قصائد رثاء امير عتيبه00000
هذه قصائد في الفقيد
امير قبيلة عتيبه سلـــــطان بن جهجاه بن حميد يقول الشاعر معيض الروقي العتيبي ياموت مادورت لك غيـر iiسلطـان ماشفت لك ياموت شخـص iiبدالـه ماهو اعتراض لحكمة الرب iiسبحان سبحانـه المعبـود جـل iiجـلالـه لاوالله الا ضيقـة البـال iiواحـزان في خاطـر مهمـوم ماهـوب دالـه جانا الخبر في شهر رحمة iiوغفـران لعل رحمـة والـي العـرش iiفالـه الحزن عم النـاس حظـر iiوبـدوان شرق وجنوب وغرب نجد وشمالـه تبكـي فراقـه نجـد دار iiوسـكـان وطويق الادنـى والحجـاز iiوجبالـه وعتيبـه الهيـلا شبـاب iiوشيبـان ترثي وريـث المعرفـه iiوالشكالـه وسلطان ابو فيصل سلايل iiكحيـلان عون لمـن وقتـه وطاه..وشكالـه موسوعة تمشي على هيئة iiانسـان من كل علم وعلم لـه فـي iiمجالـه في حق ربه مكمل خمـس iiالاركـان وزود عليهـا ريـف للـي iiعنالـه كل شهد له جود وايمـان iiواحسـان تنفق يمينه مـادرت عـن iiشمالـه في العرف له صيت ومكانه وله شان وعلم النسب والشعر له فيـه طالـه له كلمة يرجـح بهـا كـل iiميـزان كـنـه ليامـنـه تكـلـم iiلحـالـه عساه عند الرب في نعيـم iiوجنـان ويجبر عزانـا والبقـا فـي iiعيالـه الشاعر معيض الروقي العتيبي وهذه ايضا قصيده رثائيه للشاعر فارس العصيمي العتيبي آلا يـا مـدرج الأفـلاك iiبيـده عزيز الملك يامحصـي عبيـده إيلاه الكون عـز وجـل شأنـك ورب الخلـق مبديـه iiومعيـده آلا يـارب يامشكـاي iiلطـفـك وثبتنـي علـى نهـج iiالعقيـدة ومن به ضر ترفع عنـه ضـره ومن به خير من خيرك iiتزيـده أنا مؤمن وماض ٍ فـي iiحكمـك وتفعـل ماتشـاه ومـا تريـده آلا يـاالله تصبّرنـي iiوتجـبـر مصابـي ياإيلاهـي iiفالفقـيـدة فقيدة جمعنـا وأكبـر iiخسـارة عسى روحه بجناتـك iiشهيـدة أبن جهجـاه سلطـان المسمـى زعيم المجـد والعـز iiوعميـدة فقدنـا مقـدم الهـيـلا لعـلـه بوسط أنهار وإجنـان ٍ iiنضيـدة ويشرب شربة الكوثر iiويـروى ومن خيراتك الجـزلات iiزيـده وتجعل له خليفـة مجـد iiمثلـه وتجعل عروته عنـدك iiجويـدة بعـد فقـدان سلطـان المكـارم فريـد الجـود وفعولـه iiفريـدة أعزي بعـد ماعزيـت iiنفسـي جميع أهل التواريـخ iiالمجيـدة أعـزي مملكتنـا فـي iiغيابـه وأعزي به حكومتنـا iiالرشيـدة وأعزي روس روق وروس برقا وأعزي كل فـرد مـن iiالبديـدة وأعزي نجـد بغيابـه وأعـزي فيافي نجـد وأشجـاره iiوحيـده وأعزي فالحجاز ربوعنـا اللـي ليا طقـت حديـدة فـي حديـدة نصيناهـم و ننخاهـم iiونفخـر وراعي نجد فحجـازه iiعضيـده وأعز المجد وشيـوخ iiالقبايـل قريبيـن القبـايـل iiوالبعـيـدة وأعزي كـل مطلـوب ٍ iiبدمـه لياقـرب المهنـد مـن iiوريـده ليـا منـه تمنـى لـه iiوجاهـة وعجزت فزعة أنصـاره iiتفيـده وأعزي كـل محتـاج ٍ iiلفزعـة بعد ماضاع حقـه مـن iiيعيـده وأعزي كـل مسجـون ٍ iiمكبّـل حزين ٍ حز فـي رجليـه iiقيـده وأعزي كل من ضاقت iiبوجهـه خطوط الجـو وبحـوره iiوبيـده وأعزي كل مديـون ٍ iiوعاجـز وهو من قبل أبوفيصل iiرصيـده وأعزي كل من يطلـب iiمعونـة ولا ترضيـه مـدات ٍ iiزهـيـدة وأعزي كل أديب وكـل iiشاعـر ليا منـه نـوى ينظـم iiقصيـدة قصيدة مدح طول الدهـر iiتبقـى ويحفظهـا بعـد موتـه حفيـده لهـا معنـى وبرهـان iiودلايـل بقول الحـق وفعـول ٍ iiوكيـده بعد سلطان بن جهجـاه iiمـدري على من هـو يسجلهـا iiبريـده بدون قصور فأهل الطيب iiلكـن ولد جهجاه يفرق عـن ضديـده ليـا منـا رجعـنـا iiللوثـايـق وقرينا كـل صفحـات الجريـدة لقينـا قبـل فعلـه فعـل iiجـده ويصعب حصر فعلـه iiوتعديـده ولقينا فعل أبـوه وفعـل iiخالـه لهم صـولات وأمجـاد ٍ iiتليـدة قرينا لتركي أبـن حميـد iiنبـذة عتيد المجـد وأمجـاده iiعتيـدة يبرهن صولتـه فعـل iiوقصايـد ومحداره بجمـع ٍ هـو iiعقيـده ولقينـا فـارس الهيـلا محمـد ولد هندي وليـدة مـن وليـدة ليا أصتكت على رأس iiالمعـادي يحولهـا ويشعلـهـا وقـيـدة ولقينا عقاب أبن شبنان سطّـر ضروب المجد صولاته iiعديـدة ولقينا لضيف الله العفّار iiسيـرة بها وقفـات وأفعـال ٍ iiشديـدة وتحمـل كلمـة العفّـار iiمعنـى يعفر الشيـخ ويجنـدل iiقنيـده وبعدهـم قـام جهجـاه iiوتربّـع على عرش الزعامـات الأكيـدة وصال وجال في نجد iiوعمرهـا وصارت في حجا ضفه iiسعيـدة وقرينا دور سلطـان iiالمجاهـد سلطان الدين وأفعالـه iiحميـدة سلطان أبن بجاد اللـي iiبفعلـه أذاب الظلـم والجهـل iiوجليـده ضربت أمثال والشيخان iiواجـد وكامل فعلهـم صعـب iiتحديـده من آل حميد وافيـن iiالخصايـل علاقتهم مـع الشيخـة iiوطيـدة شيوخ المجد وشيوخ iiالجهامـة هل الرايات والأريـاء iiالسديـدة كرمهـم دوم للأمثـال iiمضـرب وشجاعتهم على الروس iiالعنيدة وعلى مبداء المروءة iiوالشهامة لهـم وقفـات فالدنيـا iiوحيـدة ومهما قلت في قولـي iiمقصّـر نتيجة بحـث والجملـة مفيـدة وعوضنا بعد أبوفيصل iiبفيصـل عسى أيامه على الدنيـا iiمديـده يلـم بكلمتـه شمـل iiالقبيـلـة ويلحم مجـد ماضيـه iiبجديـده وصلىالله على الهـادي iiوسلـم شفيع الخلـق وإمامـه iiوسيـده للشاعر فارس العصيمي العتيبي رحم الله الامير سلطان بن حميد |
|||
|
|
15-Dec-2002, 12:32 AM | رقم المشاركة : 2 | |||
|
تسلم يانجد ................
رحم الله امير عتيبه(الشيخ سلطان بن جهجاه بن حميد). رحمه الله رحمة واسعه. واسكنه الله فسيح جناته. وياليت راح من الخمايم فداً له. |
|||
|
|
15-Dec-2002, 12:35 AM | رقم المشاركة : 3 | |||
|
ماقصرت
ماقصرتهم ويالتني شاعر بس وافيتوا ويامل الجنه يابن حميد
|
|||
|
|
15-Dec-2002, 12:38 AM | رقم المشاركة : 4 | |||
|
[
وهذه ايضا احدى قصائد المرثيات في امير القبيله قبيله عتيبه سلطان بن جهجاه للشاعر مرزوق النفــــيعي العتيبي الدمع ما بلّل كموم و مناديل=بلّل قلوب الناس وأدمى حشاها وأصعب بكاء - بكي القلوب المعاليل=وش انت يا ملح المحاجر وماها الدمع - دمع الأفئده والهماليل=من سبّلت كل المحاني مداها ضاقت وسيعات الصدور المداهيل=بالحزن والضيقات لا واعناها لقى عليها الهم باب ومداخبل=حتى تفرعن فالضلوع ورقاها واخذ يرتلها على الضيق ترتيل=حتى إستوت منبر شجون وتلاها للحشرجه وسط الصدور المواويل=وألاّ الذيابه يوم تقنب عواها والموت هدام الملذات والحيل=وخنّاق الأنفس لا دنا واعتراها في كل يوم يحط فالناس ويشيل=ولا نشد عن غيضها من رضاها والناس ماهي للخلود التماثيل=مدامها حيّه قفاها فناها بس الفقيده في رحيله بهاذيل=وسلطان موته كسرةٍ ما وراها ( ما مات رجّال وتعوضه رياجيل )=ماتت بلاد إب مدنها وإب قراها ومن السما طاحت بموته قناديل=وخفت من شموس المكارم سناها ومن الصخاء شلّت اكفوف ومكاييل=ياما بجزلات العطايا ملاها ومن الفضيله مالت أبراج والميل=حل بديار الجود واربك حجاها في غيبته عزّا الجدي مطلع اسهيل=وعزّا النجوم المرقبات وسماها وعزّت عليه الخيل مرابط الخيل=وسروجها وأرسانها وامْعداها والقود تخلج والثمر والمحاصيل=سنبل بها حزن الرحيل وطواها وألاّ السيوف المرهفات القواتيل=سلاّتها تنعى القضاء في حداها وعزّت به ( الهيلا ) بعضها مغاليل=وعزّت به اجناب الرجال اقرباها وعزّا الحجاز جباله السود والسيل=عزّا الحجيج وبادلته بدعاها والورد وأزهار الشفا والأكاليل=على فضاء الطايف عزاها شذاها ونجد الشكاله والكرم والمشاكيل=عزّت قبايلها على ما دهاها مجالس الاجواد عن كل تعليل=يرودها حزن الفراق وحكاها وامست تسامر ضيمها والمعاميل=واحسن عزانا الله واحسن عزاها فاللي حياته مدرسة جيل عن جيل=نتاجها حمد الرجال وثناها له فالحناجر كل ما ينذكر قيل=نعمٍ يردد فالحناجر صداها ( سلطان بن جهجاه ) والسيره النيل=وبجاله غصون المديح ونماها على ضفافه للشواهد دواليل=ومن الشجر طيب العروق وزكاها عليه زاحمني كلام وتفاصيل=وإليا ارتبط فيه الكلام يتباها كن الكلام البيد واذكاره السيل=والسيل لا مر البسيطه حياها من يمّه الطاري مزايا وتبجيل=والطيب والكف الجزيل ورهاها ومن يم جدّانه فمي يمتلي هيل=وأرمي عقالي للفعول وطراها كم سرّجوا للمعضلات المشاويل=وكم درّجوا على المهانه رحاها بأرماحهم جاء للمنايا مراسيل=من زرقها تلقى الضواري عشاها لطّامة العيّال ذبّاحة الحيل=مقادم ( عتيبه ) وقادة لواها تاريخهم جغرف اديار ومنازيل=يوم الديار اديار للي ولاها وشهودهم منها حيود وغراميل=يحكي حصاها ويتكلم ثراها لقبورهم غيث الحيا والمخاييل=ولعظامهم برد الجنان وجناها للشاعر مرزوق النفيعي العتيبي |
|||
|
|
17-Dec-2002, 01:17 PM | رقم المشاركة : 5 | |||
|
رحم الله الامير رحمة واسعة والله يسكنه فسيح جناته
وصح لسان الشعراء اللي قاموا يرثون في الامير هم السابقون ونحن الاحقون والف شكر لك يانجد |
|||
|
|
17-Dec-2002, 03:55 PM | رقم المشاركة : 6 | |||
|
رحم الله الشيخ سلطان وهون على اهلة وقبيلتة المصاب على فراقة ورحم الله اموات المسلمين.
وتسلم يانجد والله يعطيك العافية. |
|||
|
|
18-Dec-2002, 04:54 AM | رقم المشاركة : 8 | |||
|
رحم الله الامير رحمة واسعة والله يسكنه فسيح جناته
وصح لسان الشعراء اللي قاموا يرثون في الامير هم السابقون ونحن الاحقون والف شكر لك يانجد |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|