في البدايه تم تحضير درع تكريم الفارس وليد الغربي
صورتين للدرع المقدم من إدارة وأعضاء منتديات الهيلا
كما تم وضع شعار منتديات الهيلا في منصة الاحتفال
وبعد صلاة العشاء توجهنا الى الحفل المقام في قاعة اليخت للاحتفالات
قصر اليخت بعدسة الهيلا
بعد الاستقبال الحار من منظمي الحفل تنقلت عدسة الهيلا بين الحضور لنجد الاعلامي مبارك العصيمي مع وليد الغربي في التحضيرات النهائيه لبداية الحفل
بعد ذلك توافد الضيوف على الحضور
راعي الحفل
صاحب السمو الملكي الأمير عبدالله بن فهد بن سعود آل سعود - نائب اتحاد الفروسية السعودي
الشيخ عمر بن عبدالله بن عمر بن ربيعان
وليد العتيبي يستقبل مدير قناة الصحراء ابن حثلين
مثعي الغربي رئيس مركز الغرابه
رجل الاعمال زيد الغربي بجانب والد الفارس
رجل الاعمال المعروف مشعل العطاوي
رجل الاعمال المعروف الشيخ صالح ابن موطان العتيبي في يسار الصوره
المستشار الاعلامي نايف عبدالرحمن الرويس وابنيه عبدالعزيز وسلطان
مهنا العتيبي والشاعر محماس ابن شميسان
صوره لأحد الضيوف
الذكري بجانب الفارس وليد الغربي
فرسان الصحراء في صور حصريه
وفي الساعه التاسعه والنصف بدأ الاعلامي المميز مبارك العصيمي فقرات الحفل
في بداية الحفل كان النصيب الأوفر للقصائد المنبريه
خالد محمد وقصيده نالت استحسان الحضوور
بعدها توالت القصائد من فرسان الصحراء
عبدالله بن مرهب البقمي وقصيده رائعه
الذكري وقصيده اخرى مميزه
شاعر اخر من الفرسان
مشاري وهايف العتيبي بين الحضور
زبن القاضي وحمدان العصيمي وتصفيق لإحدى القصائد
الشاعر الكبير حمد الاسعدي كان من بين الحضور
بعد ذلك تم عرض فلم وثائقي عن الفارس وليد خالد العتيبي
ثم توزيع الهدايا والجوائز على الحضور
ابن حثلين يستلم الدرع من راعي الحفل
الدكتور شالح القحطاني يستلم الدرع من سمو الامير
رجل الاعمال زيد الغربي لحظة استلام الدرع
تكريم الاعلامي مبارك العصيمي
فوزي الرشيدي
التميمي يستلم الدرع من راعي الحفل
عبدالله بن مرهب
وليد العتيبي يستلم درع التكريم
نايف الرويس يكرم الفارس
مهنا لحظة تكريم الفارس
منتديات الهيلا تكرم فارس الصحراء ومدير المنتدى هايف العتيبي
صوره جماعيه لبعض المكرمين مع سمو الامير
الفارس مع راعي الحفل
وبعد العشاء بدأت المحاوره الشعريه
المورقي في الصف
مبارك المطيري
زبن القاضي عضو منتديات الهيلا
الرائع حمدان العصيمي عضو منتديات الهيلا
الشاعر نايف المرشدي
فوزي الرشيدي كان مشاركا في المحاوره
فلاح المورقي عضو منتديات الهيلا
الشاعر الشاب فهد الشيباني وصوت راااااائع
في نهاية هذه التغطيه نهديكم هذه الصور الحصريه والخاصه
الفارس في اهداء خاص
فارسنا مع عضو من اللجنه المنظمه للحفل
المورقي وابتسامه لعدسة الهيلا
الشاعر سعود الكرشمي يقول ان فلاح من المعجبين بشعري وبسمح له يصور معي
القاضي قبل المحاوره
حمدان ولحظة شرود
ابن مرهب ولقطه حصريه وخاصه
المميز عبدالرحمن حمدان الدغيلبي من اللجنه المنظمه للحفل وسهل لنا الكثير
متعب المجيولي في يسار الصوره
الدرع المقدم لمنتديات الهيلا
وهنا القصائد التي قيلت في الحفل
خالد محمد العتيبي
يامرحبا ماذعذع الغرب وانقاد=مزن تلاعجبه بروق الوسامي
الاودندنبه من الخير رعاد=واروت ذعاذيعه كبود الضوامي
والليل هذا عندنا ثالث اعياد = من عيد ذا الحجه وعيد الصيامي
له فرحة بصدورنا تنفح الكاد=فرحة ملب شاف باب السلامي
بمشرفين الحفل وبنوك الامجاد=اضيوفنا روس الرجال الحشامي
احلاف واصحاب ومحبين ونداد=من كل لابة والوفا مايضامي
ولافية فرق فالقبايل والاجواد= الا اختلاف الامكنه والاسامي
هلا مهل اهلال وهلال هلال هاد=قلب ايتحرى شوفكم ياكرامي
انوب فيها عن مطوعت الاضداد=ربعي مصابيح الهدى فالضلامي
حماية الماقف مجندلت الاجناد=هيلا تهايلها عن البحر طامي
تلزم بنا القصره ويلزم بنا الراد=والا الخوي عده براس السنامي
وبحفل من فوزه لنا شي معتاد=فارس ومن فريس يوم الزحامي
ياما تعلوا قبله اجداد واجداد=سرد عليها من وصوف الادامي
يومنها بالهند وسنان الاعواد=ودهم الفرنج محطبرات العظامي
يتلون شيخانن لهم جذر وشداد= وحداد فيهن الخبروالعلامي
واهل الثنا من قبل مادح وقصاد= واهل القنا ومعزلين الجهامي
والحمد للي قشع الشر وانباد = والخوف ولي مثل ذكر الحلامي
في شرعة المولى وفي سنة الهاد= عليه ماصلى المصلي سلامي
يامرحبا في مرحبا كر وجداد=بضيوفنا روس الرجال الحشام
قصيدة الشاعر: د.شالح بن سفران الخنافر القحطاني
اقبلي يا هجوسي وارحبي يا قصايد=مايليق بعتيبه كود جل القصيد
اطبعي يا مجله وانشري يا جرايد=واعلني يا قناة الشعر قافٍ جديد
القصايد بها سبعاً تسمى فرايد=مثل ماقال عنتر وابن الابرص عبيد
بنضم اللي بعدها مثل وصف القلايد=في نحر بنت شيخٍ صيت ابوها حميد
شيخته يوم ضرب السيف فعل الوكايد=طامح عينها للشيخ والا للعقيد
في حفل متعبين الخيل شاعر محايد=جا ملبي لدعوة مشعلين الوقيد
يا الله انك تجنبني هروج النقايد=عندكم يا عتيبه سقم عين الضديد
يا عتيبه موردة الرهاف الحدايد=ماتزحزح ليا جاها النذر من بعيد
تذبح الحيل يوم الوقت ماهوب جايد=تلطم الحفَّّ يوم السيف قص الوريد
فوق قب السبايا يوم قدح الوقايد=ما تغيّب عتيبه في نهار الوعيد
لانصيت العتيبي زال عنك النكايد=يرتكي للثقايل راسيٍ ما يحيد
يا خوال النبي واهل العقول الرشايد=الـه هوازن على الشدات باس شديد
مجد حافل حوى الابطال فارس وقايد=مثل تركي ومسلط وابن صمه دريد
باسم قحطان ربعي محزمي فالشدايد=لاتمالت مربية الغنم بالشديد
ستر شقح البنات منقضات الجعايد=في نهارٍ شنيع يشيب منه الوليد
يسهجون الديار بصبح والا هجايد=شعر حسان بن ثابت لذلك شهيد
كان مسَّت سروج الخيول الجوايد=مصر تهتز منها والعراق العنيد
رفرفي يا بلاد العز واهل العوايد=واسجعي ياحمامه فوق خضر الجريد
دام ابو متعبٍ للدين امامٍ ورايد=اخو نوره حصن للدار رايه سديد
سل سيفه بشرع الله خير العقايد=مثل ماسل سيفه خالد بن الوليد
انتهض مثل حرٍ حي ذيك الصوايد=والخوارج كما ريش الحباري بديد
مايجي من ورى الارهاب غير المكايد=يكفّرون الامام ويجهلون المفيد
كلنا في ذراه مكبرين الوسايد=عين ذيب السرايا ما تنام وتهيد
دام به طفل يشكي من زمانه ضهايد=بشره بالفرج والفيصلي له عضيد
ماخلا وجه ربي كل مخلوق بايد=قالها قبلنا شاعر يسمى لبيد
بسم ربي ختمنا مفردات القصايد=له نصوم ونصلي كلنا له عبيد
قصيدة فوزي بن مربح
في ملتقى جمع النشامي والامثال= سلام واللي عندنا نبتديبه
جينا على شان الوفا قدر وجلال = والخوه اللي شانها ينحكيبه
واللابه اللي فعلها للفخر نال= اليوم وعصور النجيب والنجيبه
عزاً تسلسل من هوازن ولازال= اعتيبه الهيلا مكانه وهيبه
لاهنت ياشاعر وفارس وخيال=ياطيب من طيب مجناه وطيبه
وليد مجد بعيد يامعرب الخال= ياللي ورثت أمجاد ماهي غريبه
ربعك هل الخيل الاصايل بلا جدال= واهلى النقى والطيب في كل صيبه
قومن من الحره ليا العارض اجبال= اجبال حد الخيال شمن عريبه
صوارمن قاسيين كان الدهر مال= مثل الرواسي بالظروف العصيبه
وان جات للفعال للخصم زلزال= عدو عينك حربهم يبتليبه
من غب حمراهم بعد فعل وقتال= تعم بيضاهم كتيبه كتيبه
وان جات للفزعه رهيين ورجال= اهل المواقف والصدور الرحيبه
وان جات للجيره بهم عز وظلال= الجار عده واحداً من عتيبه
أمجادهم تاريخ يكتب وينقال= بسما المعاني والفعول العجيبه
لوجيت اعد أمجادهم شرحها طال= جف القلم والقاف يعلن مشيبه
ماني منقص لاهل الطيب مكيال= فعلاً كما نور القمر ينسريبه
شاعر ولي بالعرف مخرج ومدخال= والطيبين اخوان طيب وذهيبه
واللي الردي يبقى ردي خله الحال= يكفيه بدنيا رداوة نصيبه
يقولها فارس نقيين الفعال= في سلم والاكون حامي لهيبه
ربعي سلايل عبس بفعال وقوال=بني رشيد مطوعين الصعيبه
قومن لهم في ذروة المجد منزال= واللي يروم افعالهم تعتليبه
قصيدة عبدالله بن دماث
خيل القصيدة سرجها والجامي=جهزتها واركض بها قدامي
عنانها في يدي وانا مسرجها=واخذبها سجة عطيشٍ ظامي
اطمح بها للمركز المتفرد=يعجب بها متذوقٍ واعلامي
لذا طموحي للمعالي دايم=في ذا الحياه اللي بحرها طامي
اعشق هل العليا واحب اجيهم=اللي لهم فالطيب مركز سامي
وارافق الطيب بعيد الهقوه=واكره مرافق كل خبل خمامي
سلام يا عتيبه ثقال العزوه=تاريخكم تتعب عنه الاقلامي
اهل الفخر والعز وهل الهيبه=من سالف الازمان والايامي
دعوة حضوري يلزم البيها=تاج وفخر ناموس لي ووسامي
لبيت دعوتكم للحفل الليله= في حفل تكريم الفتى الضرغامي
تفخر عتيبة فالوليد الغربي=فارس ومغوار وبعد مقدامي
لامه روح وامتطى لجواده=تبدل الجو الخلي بكتامي
ماهي غربيه والجدود عتيبه=اهل االخيول مقسمه الاقسامي
وانا نيابه عن عوال الشايب=درعي وجنبي مسندي وحزامي
قحطان مزبن من لجا زابنهم=عوق الخصيم ومزبن المنضامي
نيابةٍ عنهم احب ابارك=للغربي وربعه هل الاقدامي
وصلوا على المختار خاتم رسله=رسولنا المبعوث والإمامي
قصيدة عبدالله بن مرهب
خلت الخيال اللي على العارض تشع ابه البروق=قلت السحاب عيال روق وحفلهم براقها
تقول كن الشمس غابت ثم عادت للشروق=اغيابهم بغيابها واحضورهم باشراقها
والليلة المضمار حامي يا مسخرة الطروق=وكل ٍ يقدم سابقه حتى يحين اطلاقها
وانا معي بنت الكحيله لاحتمى الموقف سبوق=اللي على الاول مضريها بخوض سباقها
من مربط سهوم المنايا اللي لها بالمجد طوق=ومن الفخر والعز تمشي ما تلم اشناقها
بقوم لاعد الفخر نفرق ليا جت للفروق=كان النجوم الها فلك حنا ترانا افاقها
سوق الذهب غالي وحنا كلنا جلاب سوق=واهل العراق ادرى بسلعتها وسوق عراقها
والهاجس اللي من غثى الساحه يفوق ومايفوق=لين اندثر جل القصايد واختلط برقاقها
يصحي ليا جا موقفه لاني على الخوه شفوق=ولايحكم اهل الوفا غير الوفا واخلاقها
لولا وليد ولابته ما جيت وعيوني تتوق=لمصافحة بيض الوجيه اللي تزف اشواقها
عتيبه الهيلا لها صيتٍ على وصفي يفوق=قبيلةٍ يزهى الفخر بافعالها واعراقها
الدم من طيب النبا يطبخ ويغلي فالعروق=علىالكرم والعز والخوه وطيب اذواقها
ان كان تبغى هاجسي يا راعي الحفلة يروق=قولوا وليد اللي له العذراء تلد احداقها
الصعبه اللي في طريقه يوم حمّل ما تعوق=شوق الخشوف اللي على ذكره تطول اعناقها
يستاهل التكريم رجلٍ يرفع الهامات فوق=وركاب عزمه فالمواقف دون ربعه ساقها
يا فارس الهيلا حضوري لك علي من الحقوق=لأن الخوي مثلك حقوقه ما نفك وثاقها
ان كان تبغى الطيب غربي وان بغيت العز روق=من غير قاصر فالقبايل ما نهضم شقاقها
خلت الخيال الي على العارض تلوح به البروق=اثر السحاب عيال روق وحفلهم براقها
قصيدة سامي بن عرسج التميمي
بسم آل عرفج من تميم الهامه=وببسم اعناقر وآل ابو عليان
جينا بارك يا عريب المجنا=ماتم لك يا فارس الفرسان
شرفت روق وبك تشرف برقا=ولاجا قصورٍ منك يا بليهان
العد راهي واللسان مفوه=والبدع حاضر والحصان حصان
والهجس عيده والقصيده مهره=بنت ٍ تخطف الريح دون عنان
ووليد ابو خالد طليق اليمنى=خيالها لاطبت الميدان
يااللي وقفت ووقفتك مشهوده=ما تشبه الا وقفة الربعان
اللي بنوا بالسيف مجد الهيلا=جنايزٍ ترمى على جثمان
هذا بحد السيف وانت بسيفك=فلقت هام الشعر والقيفان
ماهو بعسف الا ببدع وحبكه=حيث انها ورث من الجدان
اللي لهم في ما مضى تاريخٍ=من الفخر تسري به الركبان
حيث الفعول اللي بها طاولتوا=كبد الرشا وسهيل والميزان
وقفاً على الجثري مع العصملي=من سلة الاملح وشقع الزان
من قبل لا يبعث نبي الامه=حتى بن حميد وبن ربيعان
والضيط والعفار واخو سكرى=وخيال البلها معا لوفان
ومعشي الوركا وحامي الساقه=والمعترض ومبلل السقيان
ومسواط بقعى والعمى ومساوي=واليابس وشلهوب مع رغوان
وغيره من الفريس مالا يلحق=وقادات جيش موحد الاوطان
عبدالعزيز المعجزة الادهى=اللي تولاها بدرع وزان
وارسى رواسيها ووحد صفها=على شريعة ناسخ الاديان
قدام يرثها الملوك الندّر=اللي حكموها بمنزل القرآن
لنا على حكم الولي وشرعه=وحنا لهم المحزم المليان
في ظل ابو متعب زعيم الامه=لاشمرت بقعاء عن الذرعان
يقولها اللي جا يبارك باسمه=وباسم العناقر وآل ابو عليان
واللي بقوله بيض الله وجهك=وتستاهل التكريم يا كحيلان
الجود نقد وساير المرجله دين=والعز ساحة حرب والمجد عوفي
والطيب دربه سيد والبخل سيدين=والشح دون تلح ما هو بموفي
جينا وفا للغانمين الوفيين=ربعٍ وفاهم من قديم معروفي
بالحفلة اللي شرفت بابن حثلين=قل للنجوم احيي بليا كسوفي
يا مرحبابك يابو خالد ويااهلين=ياموفي الكيلة ندي الكفوفي
هذي عتيبه لاغدى العلم علمين=ماهي بصف صفوف صفة سيوفي
رجالها يوم الرجوله ميادين=عند الفخر ما يزاحمون الكتوفي
قبيله تضرب جميع القوانين=في جنب اشد جبال نجدك وقوفي
لاجالهم مستفزع ٍ ماله يدين=ما يملكون بوجه تكفى نكوفي
من قدمه وخلفه رياح الخماسين=وفوقه تراكم سحبهم ما تطوفي
من فوق صدره درع وبناظره عين=حتى غسلوه من القهر والحسوفي
لو شافهم من ملحد ما عرف دين=اسلم وقال الدين هذا مخلوفي
ياكنهم لحروف تكفى مدانين=اشدهم بيدين تكفى معسوفي
فيها الحليم يصير اجن المجانين=اليا تعدى الامر بعض الظروفي
والنفس يا اما تستوي لك على الزين=والا اذبحها بيدك ذبح الخروفي
واحيا مواطن بس سلطان بالدين=حتا بنفسك لا عتدت لا تروفي
ولو بختصر محي عتيبه بسطرين=لاقول ما يمليه سمعي وشوفي
عتيبه اولى وباقي الناس بعدين=لا قلت تكفى جت عتيبه صفوفي
يا ليل يا ليل السعد واليوم يا اليوم السعيد=يا هاجسي لا شفت بكرٍ غفل بالله هاتها
ثم احد لين تدرهم البكره على كفين بيد=اللي تعاقبها الخريف الين طرّا نباتها
مشيتها مشي الغنوج اللي تريد ولا تريد=وكحلت مقلة عينها من مرودة كلماتها
ووقفتها في ماقف ماهيب عن مثله تحيد=ولبستها جوخ الحروف اللي عليه اثباتها
ذا الليل وقفة راس لا بالله ما هي وقفة نشيد=في ليلةٍ يغلب حكي شعارها سكاتها
سلام تسليمة وفا والطيب يستاهل وليد=تسليمة ٍ من طيب ظاهرها على نياتها
في حفلكم يا عتابه الهيلا نزيد ونستزيد=وشوف الوجيه الغانمه يزيد في غلاتها
انتم هل الجمع الغفير اللي ليا ضد الضديد=ياخذ م نالارواح ما يغضي على سكراتها
العام يوم المزاين قيم والماقف حديد=حتى مريكا تحتفل معكم على شاشاتها
احلامكم مثل الرواسي لا تميل ولا تبيد=واعزومكم مثل الرياح الموت في عصفاتها
خوال خاتم مرسلين الواحد الفرد المجيد=وعمام وقفات الطنا والطيب من طالاتها
تاريخكم ماهوب ماضي فعل ماجاء له جديد=وجديدكم ينبئ بأن الناس من عاداتها
خاويت منكم من على العسرات يضرب بالحديد=واقرب مثل وليد يوم الناس من قفاتها
وانا من اللي لا احتمى الميقاف فاليوم الشديد=غاراتهم كم من قبيلة كسرت راياتها
سموا البقوم اللي جبرهم لا اعتزى كنه عقيد=قبيلةٍ اكبر من البحر الحمر غاياتها
يشهد لهم ريحان والاتراك واقوال الرشيد=كم سجلت روّاية التاريخ في صفحاتها
والطيب في كل القبايل عد من فعل وقصيد=والناس من سياتها تغفر لها حسناتها
وختامها لا صرت فارس يا عتيبي لاجديد=لنك من الهيلا وهم قبلك علو صهواتها
قصيدة علي الظاهري
اجمل تحيه كل ما هز نسناس=يقولها صاحب بحفلة صحيبه
وليد فارس كفؤ ظرغام قرناس=تقول كن المرجله من نصيبه
هات القلم يبني وماسه وكراس=بكتب قصيده في قبيلة عتيبه
هذا قبيله علمها يرفع الراس=بين العرب من شرقها للمغيبه
قبيلة الهيلا على الضلع نبراس=الشخص بلحاله يساوي كتيبه
الله وهبهم كلهم شدة الباس=من صيتهم حتى اسمهم صار هيبه
لو نجد تتكلم بما تملك احساس=اتكلمت عنهم ولاهي غريبه
لهم مواقف دون قصران بالناس=مع البلد وقت الظروف الصعيبه
مع المؤسس وقتها دقت اجراس=اعطوه عهد مع قبايل مهيبه
حماة موطنهم وهم دوم حراس=يموت شعب ولا تمسه مصيبه
واليوم في ظل الملك طيب الساس=حبه وطنه وشعوب والسر طيبه
نشكر جهوده مثل ماهو بنا حاس=ونعاهده عهد الرجال القريبه
ان اليمن درعه من الراس للساس=يأمر ولبأ كل أبونا نجيبه
هذا شعور انسان من دون وسواس=في شعب وافي والقياده عريبه
تنسيق وتنظيم ومتابعة رئيس اللجة الاعلامية:
متعب المجيولي
اخيرا من لا يشكر الناس لا يشكر الله
نشكر منظمي الحفل على حسن الاستقبال على رأسهم
الاخ عبدالرحمن حمدان الدغيلبي والفارس: وليد الغربي
كما نشكر عضو الادارة المميز في التغطية دائما:
ذيبـــان
وكذلك مشرف شؤون الاعضاء:
مشاري العتيبي
ورئيس ادارة المنتدى:
هايف العضياني