ياللي تنشّد عن علومـي والأحوال =وعلاقتي بالشعر وأقصى هممهـا
اخذ الخبر من صافي القلـب طـوال =هـذي علومـي وافتهـم واستلمهـا
الشعر أجيد طروقه ألوان وأشكال =في كل نوع اكتـب ويبـدع قلمهـا
ومن شان شعري تبرك جمال وجمال =أحثها مـن حيـث حثـت قدمهـا
وعلاقتي فالشعر من عادنـا أطفال =اكبر ويكبر فـي خفوقـي عظمهـا
شاعر ويشهد لي على شعري جـزال =يفخر بها هاجوسـي اللـي نضمهـا
وان كان تنشدني عن العـم والخـال =من لابـةٍ بالطيـب ترقـى قممهـا
كسابـة النامـوس لطيـب مدهـال =تشهد لها عرب البشر مـع عجمهـا
لصحابها عن كل ما تكـره ظـلال =واخصامها تنسـاق سوقـة غنمهـا
خيالهـا محسـوب تسعيـن خيـال =سقم المعادي ويـل منـه خصمهـا
حقايقٍ ما حولهـا شكـوك وجـدال =فـي قمـة التاريـخ رزت علمهـا
وكل القبايل نعم من غيـر تفصـال =أقولها وحقوقهم مـا أهضمها
من ينقص الريجيل ما هـو برجـال= النقص فيـه ولحيتـه مـا حشمهـا
اخذ الخبر مني كما ضرب الأمثال =من شاعرٍ جـزل القوافـي حكمهـا
يسوقهـا للمستمـع سـوق فنجـال =ويذوقهـا قـدام يطعـم طعمـهـا
فنجال كيفٍ كاف عن عشرة دلال = تطفي ضرم نفسٍ تزايد ضرمها
من ريحها تشفيلهـا كبـودٍ إعلال =دار الزمن من فوقهـا مـا رحمهـا
عصرٍ مضى تشرى النصايح بالأموال !!= واللي شراها جوف صـدره كتمهـا
واليوم لا تنصـح وتبلـش بجهـال =اللي نصحهـا يشبـه اللـي شتمهـا
لكن خذ لك بيـت بيتيـن فالبـال =فرصه وحاول فرصتـك تغتنمهـا
الفقر ما هـو فقـر دينـار وريـال =الفقر فقـر النفـس غالـي شيمهـا
لا صار مالك مع هل الطيب منـزال= يعني حياتـك مـا تباعـد عدمهـا
قل الدراهم مـا يعـذرب فالأفعال= هـذي قسايـم والله اللـي قسمـهـا
العيب والله كثـرت القيـل والقـال= ومـرادد علـومٍ محـدر سهمـهـا
ومصاحـب اللـي للهزيـلات دلال =نفسه على زيف الهـوى ما فطمهـا
أما يطيع النفس من حيث مـا مـال =ولا يقلـل فالأدب مـا أحترمها
ما فيهم اللي صـار للحـق معـدال =هـذا ضلـم نفسـه وهـذا ظلمهـا
ولا تستمع لهروج شامـت وعـذال =أخير من سمع الأذن لـك صممهـا
لأن الجبال العالية صـم وجبـال =ما همهـا قـردٍ حصاتـه رجمـهـا
التوقيع |
عز الله اني فالوصل ماني بشي !! = ولا الحقوق .. اقولك عد واغلط !!
دام المواجه حظ .. ويحالف الحـي = لابد مايحصل ( هلاوين وإقلـط )
زيـاد الـمـزرمـي
ziadsm@windowslive.com |