مـــركـــب الاحـــزان

[سيف ال راشد]

السلام عليكم ورحمة الله وبركاته

اخواني اعضاء منتديات عتيبه الهيلا

اطـــــرح بين ايدكم هذه القصيدهـ والتي اتمنى ان تنال اعجابكم



القصــــيدهـ
سافــــر فمــــان الله ياعـز محبــــوب
عسى السعاده في حياتك تجــــدها

ياصاحبي لــــو كل ممنــــوع مرغــــوب
ماغطت العـذراء العفيــــفه جســــدها

ياوجــــدي حالي كل ما افتر دالــــوب
وجــــد المليــــك اللي ديــــاره فقــــدها

تشتيــت شمـل وضيعت دروب وقلــوب
ونهــــايــــةٍ حتــى العــــدو ماحمــــدها

والفرحــــه اللي عمرها دوب يــــادوب
ياهاجسي ماتـــت وهــــي في مهــــدها

للحـــزن غيمه كلها سحب ونصـــوب
تشــــوف بارقهـــا وتسمــــع رعــــدها

دمع الرجال اللي على الخــــد مسكوب
ماهــــو ب ضعــــف أو ذل أمــر وادهــا

زلزال هــز الارض في ساعـــة غروب
مقيــــاس ريخــــتـــر قوتــــه مارصــــدها

مشاعــري والعقــــل صولات وحـــروب
ومعــــاركٍ صارت ولا احدن شهــــدها

الّمها من صـــوب...تنهـــار من صــــوب
همّ ٍ يصــــبّحــــها...وهــمٍّ هجــدها

((ملح السنيــــن))الماضيــه شفتـه يــــذوب
قــــدام عثــــرات الزمــــان ونكــــدها

و((حلم السنيــــن)) المقبله دونها طــــوب
اللــــه يسامــــح مــن بديـنـهــــا عقــــدها

يامركب الاحزان والحزن مكتوب
نواخـــذك قـــل: وش سبايب رمــــدها؟؟

إلا طعــــون اصحـــاب واحباب واقــــروب
أطيبهم اللــي وقـــفــــتي لــــه جحــــدها

إن كانها زلــــه فانا أوعــــدك ماتــــوب
لو كــــل عقــــال العــــرب تـنـتقـدها


وإن كانها هفــــوه فانا كلي أذنــــوب
اللــــه يغفــــرها.. ويغــــفــــر بعــــدها



اخوكم\\سيف ال راشــد

[ابن صنهوت]

صح لسانك ياسيف قمة الابداع لاهنت

[علاي الحافي]

صح لسانك



صح لسانك

[سيف ال راشد]

بن صنهوت


لاهنت على المرور الجميل

[سيف ال راشد]

عابر سبيل

صح بدنك


لاهنت على المرور الجميل