الهرج والصمت

[سـعـد الـعـازمـي]

مساء \ صباح الخير


اخواني الاعزاء


اداره . مراقبين . مشرفين . اعضاء . زوار


السلام عليكم ورحمة الله وبركاته


بما ان هذه اول مشاركه لي بينكم

سوف انزل لكم من ما انشئت

وارجو ان تنال على اعجابكم واستحسانكم




الهرج في بعض المواقيف ملعون
والصمت في بعض المواقف شهامه

والهرج في بعض المواقيف طاعون
والصمت في بعض المواقف رخامه

ماكل ماياتي من الهرج مامون
بعض الهروج بعيد عنها السلامه

والهرج ماياتي على الشكل واللون
كل ً على المعنى يركب كلامه

وبعض الهروج الي على طعن وطعون
تصبح على الرجال عيب وملامه

لاصار مايدري عن الي يقولون
يسمع ولايدري عن الي امامه

والفرق بين الي يفسر على ضنون
والي يمشيها بعز وزعامه

واضح من الي نازل ً دون في دون
والي رفع نفسه وعظم مقامه

وبعض الكلام يمر معناه مدفون
راع العقل يدري عنه بافتهامه

والموت لامن جات ماحركة لون
مرة بليد ولا صحى من منامه

والي يلف الهرج من دون مضمون
انا اشهد انه تايهً في ضلامه


وسلامتكم

[أبو مرحبا]

صح السانك يالشاعر سعد العازمي قصيدة رائعه

مع اني تمنيت لو افتكيت من اللعنه في اول الشطر

تقبل أحترامي

أخوك..أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[سـعـد الـعـازمـي]

صح بدنك


بس انا ماقلت شي خطا


الكلام في بعض الاحيان ملعون


واللعن هو الطرد والابعاد عن رحمة الله


والكلام في بعض الاحيان يغضب الله

ويبعدك ويطردك عن رحمته


مثل الغيبه والنميمه الضلم وغير




تحياتي لك

[حفيد المسنحاني]

سعد العازمي صح الله لسانك وبيض الله وجهك

[سـعـد الـعـازمـي]

صح بدنك وجهك ابيض

[العتيبي أبا غيث]

سعد العازمي صح الله لسانك وبيض الله وجهك

[فهد رشيد الزلامي]

صح لسانك يالعاززززززززززززمي

وأحب أضيف لكلام ابو مرحبا مسألة التكرار اللفظي التي لا تخدم القصيده.

تحيااااااااااااااتي.

[سـعـد الـعـازمـي]

المشاركة الأصلية كتبت بواسطة فهد رشيد الزلامي

صح لسانك يالعاززززززززززززمي

وأحب أضيف لكلام ابو مرحبا مسألة التكرار اللفظي التي لا تخدم القصيده.

تحيااااااااااااااتي.

صح بدنك يافهد



كلامك وكلام ابو مرحبا في محله


ومسألة التكرار اللفضي

هو مجرد عكس لفكرة البيت الذي يسبقه


لان الكلام على ماقيل بحر


فيه الزين وفيه الشين


ومسالة التكرار مجرد عكس للفكرة التي فالبيت الذي قبله


وعلى فكره هذه القصيده من اول القصائد


من القصائد القديمه



الي كتبناها في البدايه






تحياتي لك

[فيحان العطاوي]

صح لسانك ياسعد

[سـعـد الـعـازمـي]

صحت ابدانكم ومنورين الموضوع


يا ابا غيث
والعطاوي