قصيدة شايب في دار المسنين...؟

[أبو طالع العتيبي]

بسم الله الرحمن الرحيم


قصيده تتحدث عن رجل كبير بالسن ضحى بكل شيء من أجل ابنه

حتى كبُر بعدها جعل جزاء والده دار المسنين




... ليت الزمن يرجع ...

ليت الزمن يرجع ويرجـع زمانــي
ودي أطفـــي جمــرة داخــل الـــروح

واقتص من شخص عزيزٍ كوانـي
واصبح فـؤادي من فعايلـــه مجـــروح

قاســي ظلمنـي والله المستعـانــي
من بعدها وانا اسهــر الليـل وانـــوح

شايب ضعيــفٍ مالـي الا لسـانــي
خارت قــواي ولاقدر آجـي ولا اروح

مرجوم في دار غدت هي مكانـــي
غابت بها كل ابتسـامـــات وامـــزوح

مالي بهم ياخوك قاصــي ودانـــي
كلٍ على فــراش التعاسـات مســـدوح

المشكلــه باللــي معاهــم رمانـــي
أقصد ضناي وزود اــلروح بجـــروح

لاواحسايــف فرحتــي يـوم جانـي
زانت به الدنيـــا مســـرات وفـــروح

بنيت فــي بالــي جميــل الأمـانـي
وشـيـــدت له بالقلب بنيان وصــروح

ومن موت والدته وحنـا خوانـــي
تــركـت لجلـــه كــل زيــنٍ ومملـــوح

مابي يكدر خاطــره شخص ثانـي
وش عاد لو يقفي حلا العمـر ويـــروح

كنت ارتجي نفعه إذا الوقت شاني
لاضعف حالي واصبح الصوت مبحوح

يظفنــي لاصـــار سبعــي ثمانــي
ويصيـــر ظلــي عن سمايم ولافــــوح

واليـوم يـوم انـي بغيتـه جفـانـي
قـــام وتنكــر لـــي ولاهـــوب مبيـــوح

يالله عســـى تبــلاه باللـي بلانـي
اشــوفـــه مــن الهــم والغـم مطـروح

يـذوق ونـاتــي خبيـث المعـانـــي
يفـــوح قلبـــه بالألم والحـــزن فــوح

مايـهتنـي بدنيـاه لـوهـي ثوانـــي
يشوف ماشفته قبـل طلعـــت الـــروح

وختامها ياجعـل هاللــي وطـانــي
ياطاه ولاني قايــلٍ يــــوم مسمــــــوح


الله المستعان قصيده مؤثره واعتذر عن قساوتها نقلتها للاتفكر والحذر
من عقوق الوالدين..


اليوم نبكي على اللي راحل ٍ عنّـا
وكل ٍ : على فقد غالينا يواسينـا
ولابد من يوم ندفن فالثـرى حنـا
ولا عاد باقي لنا الا ذكر آسامينـا
ما كن جينا على الدنيا .. ولا كنا
الا .. ليا مرّ بين النـاس طارينـا

[سعود بن سعد الحافي]

صح لسااااااااان الشاعر

ولاهنت أخي الكريم

*****************