شــهـر رمـضـان - الهيـــــــــــــلا *** منتدى قبيلة عتيبة

ضاوي الشيباني · 23-Jul-2011, 11:52 AM

السلام عليكم أعضاء وزوار منتدى الهيلا

أقدم لكم هذه القصيده واعذروني على القصور لآني ساع كتبتها

مابـاقي الا ثـمان أيام دون رمضان=يالله تعيـن العبـاد وتقبل صيامها

شهـر العبادة وشهر الخير كل الزمان=الناس تعـطف وتـرحم عاجز ايتامها

فيه الشيـاطين تحـبس بالخفا والبيان=نزلـت به اذكار والقرآن قدامها

اليـال بين الدقايق واختلاف الثوان=بالخـير ويـا الدعـاء ياحـظ من قامها

من قـامها بشـروه بخير غير الجنان=يختار فالاخـره من حالي أنعامها

الصـوم ماهـو تصوم عن الاكل حيـن كان=الصوم له واجبـات وطبـق أحكامها

الاذن والعـين وايـضا اللمـس غـير اللسان=عن كل شي(ن)محـرم واجـب أكـرامـها

لكن بعض العرب شفـته بشهـر رمضان=طبـيعته ماتغيـر مـدت أعـوامها

فاليـوم نايـم ولاينهـض لياوحـى الاذآن=وفـاللـيل عيـنه عـن التلفاز ماشامها

حتى التراويـح ماصـلى وعان الضمان=يتابـع الغرب ويركز على أفلامها

لكـن هـذي نصيحة واستـمع يافـلان=الغرب هـذي اسـلامك ماهو أسلامها

رح واعتـكـف فالمـساجد لايـفوت الآوان=لاتـتـبع اهـل الفسـاد تحقـق أحـلامها

حنا هـل الدين والتوحيد وأطـهـر مكـان=نبينا المشـركين يكسـر أصنامها

الشكـر لله رب البـيـت والامتنان=اللي رفع دولـة الاسـلام وأعلامها

العمـر رحـله ودنيانا تـراها أمتحان=مادامها الله لحـد ياخـوك مادامها

القبـر لا مـت فـيه الضيـق وارضه طمان=يطبـق ضـلوعك ضـلع ويكـسر أعظامها

اما عمـلك الفـضـيل الحـظ بالخير زان=ولا عمـلك القبـيـح الـنار وأشعامها

يـوم الحشـر فيه خـلان الرخا والخـوان=ماعاد احد يعـرف الجـدان واعمامها

وختـامها دعـوتي بالسر ويـالعلان=يالله تعيـن العـباد وتقـبل أصيـامـها

وسـلامتـكـم

ضـاوي عـبدالله الـعـتيبي

سيف نت · 23-Jul-2011, 11:57 AM

صح لسااااااااااااااااااااانك

ضاوي الشيباني · 23-Jul-2011, 12:12 PM

اقتباس:

المشاركة الأصلية كتبت بواسطة سيف نت

صح لسااااااااااااااااااااانك

صح بدنك ولاهنت ياسييف

عثمان الثبيتي · 23-Jul-2011, 12:31 PM

العمر رحله ودنيانا تراها امتحان

الشاعر ضاوي الشيباني صح السانك لين ترضى

التوقيع

انكان طاب الوقت وانكان ماطاب=مايختلف نهج الشجيع وطموحه

اما اقبلوني هكذا سلب وايجاب = والا ودعاً والعذر والسموحه

اذا انقفل باب انفتح غيره ابواب = وكلً على ما قالوا ادرى بروحه