يافهد يابوك ضاق البال ضاقي

[ابو عبيــد]

يافهد يابوك ضاق البال ضاقي
يشتعل في مهجتي مثل السعيره

لا بغيت الصبر تاق القلب تاقي
من غلاكم ضاق بي شبه الجزيره

استريح احيان لا تم التلاقي
وبالوداع يصير بالتفكير حيره

من عنا الايام وسنين الفراقي
والعمار قصار والدنيا حقيره

في زمان العولمه مثل الطراقي
والدروب طوال والخطوه خطيره

والثلاث مع الثلاث ألها بواقي
والثمان الجبر في سيرة مسيره

سيرةً باقي لها يابوك باقي
تتعب الطحوط في خافي ضميره

يلبسون ألها الحزام مع الطماقي
والمهار الشقر والشلف الشطيره

والله انك راقي(ن) بالفعل راقي
جعل يفداك الردي خادم عشيره

في كنفها ساجعً مثل العراقي
ثور خوراً ساذجً مافيه غيره

في هوا محبوبته فيه اصتفاقي
ومع رجال المعرفه يشبه سميره

يشفط البراد مع شين المذاقي
وفي سلوم الناس يشبه للعميره

سرسري(ن) بالمذاهب مايطاقي
مذهب الصفار ملعون السريره

والسلام ختام مع طيب اشتياقي
والشهد مع در معطاراً نضيره

عيد بجاد ابن شده

[عزارم]

صح لسسسانك

[بن ابنين]

صح لسانك
ابوفهد ولاهنت

[ابو عبيــد]

صحت ابدانكم جميع