محاوره بين الشاعر حبيب العازمي و الشاعر نامي السلمي - الهيـــــــــــــلا *** منتدى قبيلة عتيبة

الذيب الاشقر · 20-Feb-2007, 07:49 PM

(اخواني مشرفين واعضاء وزائرين وكل القائمين على منتدى قبيلة عتيبه الهيلا
السلام عليكم ورحمة الله وبركاته
اخوكم الذيب الاشقر واول مشاركه له في هذا المنتدى الكبير واتمنى ان أول مشاركة لي تحوز على رضاكم وتعتبر بداية خير ان شاء الله)
هذه محاورة جرت بين الشاعر حبيب العازمي والشاعر نامي رفيع السلمي بتاريخ 28/10/1426هـ بحضور الشاعر مستور العصيمي وعوض الله(ابو مشعاب) وصقر سليم
وإليكم المحاورةفي ما يلي
نامي
يامرحبا باسم الرجال اللي لهم شان(ن) عظيم** العزوة اللي من قديم الوقت عامر دارها
يالعازمي جابك كريم الوجه في واجب سليم** وسليم قوم(ن)فالمواقف ماتطفى نارها
حبيب
دام البقا والله يعينك يالكريم بن الكريم** تقدر العالم وتعطيها على مقدارها
حنا نقابل فالمواقف من جديد ومن قديم** وصدورنا مهما هرجنا ماتبيح اسرارها
نامي
إليا مشينا الدرب خلك فالطريق المستقيم** لايختلف ممشاك والخطوة لها مسعارها
انا خصيمك ياحبيب غير انا مالك خصيم** والله يبارك فالرجال اللي تحكم شارها
حبيب
انته توصيني تحسب اني على الدنيا غشيم** اظن هذي ماتخارج مير دور غيرها
يامكثر الاخصام حين تعدهم والله رحيم** والله يبارك فالجمال اللي كبار ازوارها
نامي
حنا ترانا مانغيرها عن النهج السليم** يالعازمي قدمك رياجيل(ن)ط وال اشبارها
وان كان ماتدري عن الشجعان ياعبدالحلي م** انشد عن الشجعان يالطيب تجيك اخبارها
حبيب
مع دورة الايام مدري من يشد ومن يقيم** وسليم نعرفها ونعرف كم عدد شعارها
والله يحمانا ويحماكم من ابليس الرجيم** بليس رايه يدفن الحفرة على حفارها
نامي
مع دورة الايام ياحبيب لعلك للنعيم** وسليم هم قوم اللزوم كبارها وصغارها
والله يكافينا بليس ابليس عيا يستقيم**وا لله يجنبك المصايب كلها واخطارها
حبيب
ابحث عن الحكمه وتلقاها مع الرجل الحكيم** والدلة اللي ماتفوح مايفوح ابهارها

والسلام عليكم

ابن نميان · 20-Feb-2007, 08:33 PM

لاهنت يالذيب الأشقر

على هاالمحاورة الرائعة

:::
...

مودتي

التوقيع

’,’

,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

[ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

ابو براك · 21-Feb-2007, 03:03 AM

لاهنت يالذيب الأشقر على المحاوره

الذيب الاشقر · 22-Feb-2007, 01:34 AM

(تسلم اخوي ابن نميان على
مرورك واطلاعك ولاهنت )

(اخوي ابو براك تسلم على اطلاعك ولاهنت
اتمنى ان هذه المحاورة نالت على إعجابكم ورضاك)

اخوكم الذيب الاشقر