(لاتــــزيــــد النقــــاشـي)

[خالد الصفياني]

كم هو ثمن حبك ليا صرت مابغاك=واعطيك مبلغ حبك اليوم كاشي
خلاص قلبي قرر اليوم ينساك=وارجوك بالله لاتزيد النقاشي
اول على درب الهوى تابع ارضاك=واليوم روح للقلوب الغشاشي
روح وتلقى فالهوى من تمناك=والعب على فكره ترى الفكر ماشي
اليا نطقت بكلمة(ن) قال لباك=اعقولهم فالحب كبر الفراشي
لا قلت الو من هاتفك قال حياك=يعطيك مطلوبك بوقت المعاشي
يقول انا مالي من العالم اسواك=يكذب على حظرتك كذب(ن) بلاشي
وتصدقه عامين مع دور الافلاك=وباكر تبا ترحل بخرقة قماشي
وقدمك عذاب القبر والنار تدعاك=وجلدك على عظمك يجيه انكماشي
=خالد عتيق النفيعي

[فيصل المسعودي]

هلا بخاااالد

من طول الغيبات يالغالي جاب الغنايم

غبت وصافحتنا بهالرائعة

صح لسانك ابو عتيق

على هالقصيدة الجميلة بدون مجامله

في انتظار جديدك بكل شووووق

تحيات

اخوك

فيصل المسعودي

[أبو نجر النفيعي]

..

الله الله .. يا خالد ..

صح لسانك واعتلا شانك ..

قصيده جزله ومعبره بلا شك .. ومن اجمل ما قرات ..

وفي انتظار جديدك القادم ......

.

أخوك.

التوقيع

.....

[ابن دسمان]

صح لسانك وبيض الله وجهك