نبض الأشواااق...

[منصور البقعاوي]

لا تدق فـنعش حبي مساميـر الصـدود=العزا في موكـب البعـد يورثنـي جـدا
وأنت تدري كيف قلبي على مابه يجـود=ليت قلبك مـن خفوقـي تبصـر وأقتـدا
كان مابه دون شوفك محاذيـر وحـدود=يوم بانت رغبة النفـس والحـب أبتـدا
يا أجمل أحلامي ليا نمت وإن عفت الرقود=يا أعذب الحب إن تماديت بجنون وهـدا
كل شوق يقطع البيـن لعيونـك يـزود=وكل جرح دامي منـك فـي قلبـي فـدا
قدرتي فيما أقتضته الظروف من الجهود=ماذخرته كـود لرضـاك والبـال يهـدا
مارضيت ابلـغ مقـام يهولـه الحسـود=وتنقطع فيه الحقايق على جرف الـردى
في مكان مقفر القـاع ودروبـه جحـود=وفي زمان ينتهى فيه صوتي والصـدى
والاماني اللي على نبـع تفكيـري ورود=صدّرت مع جملة اللـي تجنـى وأعتـدا
مانستني لين جدّت محاصيـل الصمـود=وإن سليت فـجدب الأيـام خافيهـا بـدا
وإن حملت الصبر مستظهر عزم القعـود=نوخت سود التهاويل..صبري مـا حـدا
ظاعن وأنضته الأحمـال والعلـة تكـود=والقطيعه قوسها اللـوم وسهـام العـدا
ياحبيبي نبض الاشواق بالـراي معقـود=فالعواقب قبل ما تصبح النظـره سـدى
لاتهاب من الظمـا دام بالخافـق رعـود=في وصالي يسبق الغيث قطـرات النـدى
وينهمي وابل حنانك على جال الوعـود=ونزدهر لاهيمن الشوق بآفـاق المـدى

[محمد العتيبي]

الله الله
صح لسانك يامنصور قصيده رائعه معبره
تسلم يديك .
...

التوقيع

للتواصل عبر twitter تويتر al_bargawy@

[محب الهيلا]

صح لسانك

مشكور وماقصرت

[منصور البقعاوي]

شاعرنا ابو مشعاب

صح بدنك يالغالي والله لا يهينك

تقبل تحياتي

[منصور البقعاوي]

أخوي محب الهيلا..

صح بدنك ..والله لا يهينك

تقبل تحياتي

[فهد النفيعي]

صح لسانك

دام جديدك