ياشاربين التتن بالله على الهون..ترى الليال السود..

[عايض بن زوير]

كالمعتاد ,, متواضعه أضعها

بين أيديكم..

متمنيا وطامعا

في أن تنال الرضى

ياشاربين التتن بالله على الهون=اليا متى والنفس تتبع هواها
اليا متى بالحال والمال تقنون=المهلكه.. سقم القلوب وبلاها
ياشاربين التتن لن كان توحون=ترى الليال السود يدرج رحاها
وترى العمر لو طال ماهوب مضمون=لابد في ساعه تلحف ثراها
يغويكم الشيطان وبليس ملعون=يمشي مع العالم ويبحث خفاها
وبعض العرب حبله مع أبليس مقرون=مطية لبليس يركب علاها
ويسوقها,, من دون, في دون, في دون=وليا حداه الوقت ..يمه حداها
ياشاربين السم وش تستفيدون=من سلعة للنفس تجلب غثاها,؟
كود الوهن والهم والغم وغبون=والعله اللي ما عرفنا دواها
اخذوا العبر من ناس فيها يعانون=وبين الحيا والموت يومي رشاها
كم واحدن همه فالأضلاع مكنون=ومن زايد الجلطات زايد.. عناها
لو تجلط قلوب البعارين..من دون=شكه تبا ترثع,, ويلعن ثواها
وترى الحياة دروس وعلوم وفنون=ومن لا تغداها بيمسي عشاها
والكيف ياهل الكيف ماهوب غليون=ولا سقارة سم تونس شقاها
الكيف واهل العرف لا شك يدرون=برية للنفس تروي ضماها
في دلة تجدى على الجال بالهون=من وارد البغداد قرم قناها
وبهارها المسمار.. والهيل موزون=واحلى من البير المسماه ماها
وياما حلا المجلاس, مع جرة لحون=يطرب لها المهموم لا من حداها
في مجلس فيه النشاما يهدون=مثل الحرار اللي هوت من سماها
مقعادهم عن سكة النقد مصيون=ماكر حرار القوم.. واللي لفاها
هذي غناة الروح,, والروح بالشون=كلن يدور في حياته غناها
وختامها تكفون, تكفون, تكفون=ترى الليال السود تدرج رحاها

[نواف العصيمي]

كم واحـدن همـه فالأضـلاع مكنـون =ومن زايـد الجلطـات زايـد.. عناهـا

والله ونعم يالمقاطي وصح لسانك قصيده رائعه بعجاله قريتها ولي وقفه ووقفات



دمت للإبداع والجزاله

التوقيع

[الغضباني]

مقاطي الحجاز

مدري اقولك الحرف الواحد عن كتاب
ولا البيت الواحد عن الف بيت

جزل الله لا يضرك

وصح الله لسسسسسسانك

على هالقصيده يالذيب

والله يبعد عنا هالسم

تحياتي لك
وبأنتظار جديدك

[عايض بن زوير]

الغضباني

والله الا الجزل مرورك يالغالي

اشادتك وسام


وصح بدنك في كل مرور

,,

,
أخوك..

مقاطي الحجاز

[زبن الدخيل]

،
،،

صراحةً ماله حيلة اللي
يقول ان عتيبة زعام الشعر
هنا نص عملاق هنا نص رائع
هنا أختلط الدين والعلم والتراث
هنا حلقنا في سماء الابدااع و
الجمال هنا الشعر الحقيقي
هنا (( مقاطي الحجاز )) هنا
مررت وسأعاود مروري وهنااا
نهاية ردي

(( صح لسااانك مدد ))

[عايض بن زوير]

زبن الدخيل

,


صراحه ماله حيله اللي يقول انك مبدع..


أشكرك على الاطراء

وصح بدنك



في

كل مرور


أخوك.. مقاطي الحجاز

[مرزوق حمدان العتيبي]

.
..
نص فاخر وموعظه بليغه ...
لافض فوك ...
والله يهدي و يشفي كل من ابتلى بالدخان ...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عايض بن زوير]

مرزوق يامرزوق يامرزوق


مرحبا مليون


ولا

يسدووووون


...

وبالنسبه لقولك (لا فض فوك) ..والله مدري وش ردها

مار ( تسلم وأنا أخوك )



..
ولك خالص التحاياااااا

[معجب العتيبي]

وختامهـا تكفـون, تكفـون, تكفـون=تـرى الليـال السـود تـدرج رحاهـا

مبدع كلمه قليله في حقك
جزاله تستحق ان تكتب تحت نصك

يرفع للفائده من جميع النواحي

تثبت تكريما لها ولقائلها

التوقيع

[عايض بن زوير]

معجب العتيبي ( شارح البال )

الجزل

مرورك العطر يالغالي

وتأكد ان اشادتك


وسام تتويج


,,

,

صح بدنك ولك خالص تحياتي

..أخوك..


مقاطي الحجاز