 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
04-Jan-2007, 10:42 PM
|
رقم المشاركة : 52 | |||||
|
يازلمه محد وجه لك كلام الظاهر له لسان يرد
|
|||||
|
|
|
|
|
|
|
|
|
05-Jan-2007, 12:44 AM
|
رقم المشاركة : 53 | |||||
|
ياعقاب العنزي
اول شي المثل (( تشبها بالشيح وتعرضها الريح )) ثاني شي انت بعد ماوجهة الكلام لك انا موجهه لأبناء عتيبه اللي يعرفون تاريخهم وبعدين انا قلت بمشاركتي انا ماقصدي اثير فتنه انت الظاهر مضيع الجاده ترى الموضوع هذا بالذات مالك فيه لاناقه ولاجمل وهذا اكبر دليل على لقافتك وهذي الامور تاريخ والتاريخ مافيه شيئ وانت الظاهر مالك خبره بالمنتديات وجديد عليها يبو الشباب انا بالمنتديات منذ مبطي وادخل منتديات مطير والقى فيها تزوير للحقائق بحق جميع القبائل وتزوير طبعا ً من السفهاء وليس من عقلاء قبيلة مطير وهذا سبب سؤالي لربعنا شبابه عن هذا السؤال واذا انت ماتعرف شي لاتهرف بمالاتعرف وهذا اكبر دليل على انك اللي تغلط وابن العم عناد عز الله انك صادق شحارقن رزقه مدري كلام بين اهل نجد وقبايلها عتيبه وحرب هو وشدخله وبعدين لقب راع العرف انا فعلي على اسمي واللي يحكم المتابع ورايك ياعقاب مايمثل الا تفكيرك الشاذ والرجال تعرف قدر الرجال .......... تحياتي لأبناء عتيبه اللي انا متأكد انهم فاهمين مقصدي بسؤالي ... الله يبيض وجيهم ويكثر خيرهم والمتطفلين مالهم بينا مكان ......... اشكر منتدى عتيبه الهيلا على حسن استضافته لي والله يبيض وجيههم .. وارجوا ان نقاشي يليق بمنتدى قبيله بحجم عتيبه الهيلا................. تحياتي راع العرف |
|||||
|
|
|
|
|
|
|
|
|
05-Jan-2007, 02:13 AM
|
رقم المشاركة : 54 | |||||
|
والله يااخ راع العرف
اذا فيه متطفل فهو انت انا لم اتحدث بحرف في اي موضوع لايخصني لكن انت اكثر عضو بالمنتدى معارض واكثر عضو تدخل نفسك وتحاول تثير اشياء من الاساس اكل عليها الزمن وشرب ولو انت ماتدخلت كان انا سكت ولانطقت بحرف لكن اللي المفروض تعرفه ان الغلط محد يرضى فيه وودك الرجال يقيس الامور بعقله ويوزنها بمنظورها ولو ترجع للصفحة العنوان وتشوف وش مكتوب ( الرجاء الدخول ياطحاطيح عتيبه ) يعني الرجال حدد الحين بنظرك منهو المتطفل؟؟؟ يعني ماقال ياطحاطيح عتيبه + راع العرف لكن هذا انت وهذي سياستك تحب المعارضه والظاهر انك تجد متعه في ذلك ورح شف المواضيع اللي انت رديت عليها وش كلامك مثل القافله تسير وال000 تنبح ومثل لايضر السحاب نبح ال00 في موضوع مارق والضبط وموضوع الثعاليه يقتلون اشهر فريس حرب الحين ابي اكلمك بكل واقعيه انت اسمك راع العرف حلو زين ان الشخص يسمي نفسه بالاسماء هذي لكن للاسف بالمضمون ماتحمل العرف ولاانت حوله ولا فيه احد يتكلم بالمفردات هذا وهو راعي عرف؟؟ ياخي ترى ماجنا عليك الا لسانك والغلط محد يرضى و(التطفل ) <وركز على الكلمه الاخير |
|||||
|
|
|
|
|
|
|
|
|
05-Jan-2007, 04:48 AM
|
رقم المشاركة : 55 | |||||
|
عقاب العنزي
منتدى قبيله بحجم عتيبه الهيلا يرحب بالجميع وليس حصر على فئه معينه فهذه القبيله اهل كرم واهل شجاعه من قديم الزمان يمشون على درب اللآباء والأجداد وكرمهم لامحدود وكلامك لايغير من نهجهم شيئ ابدا ً ولو حاولت ان تغيرهم علي فلن تستطيع ابدا ً لأنك ضعيف الحجه ... انا ماقلت امور أكل الدهر عليها وشرب ترى العضو اللي كاتب الموضوع عتيبي وحنا في منتدى اسمه معارك وبطولات يعني قديمه واذا عندك كل قديم اكل عليه الدهر وشرب فهذه الطامه الكبرى ثانيا ً ليس بالضروره ان اتدخل في موضوع يخصني فهذا نقاش ونحن عرب ولسنا بعجم فتاريخ عتيبه يهمني كونهم عرب وتاريخ مطير يهمني كونهم عرب وتاريخ حرب يخصني لأنها قبيلتي ويحق لي اتدخل اما انني لااتدخل الا في مايعنيني فالحمد لله انا لاادعي انني لااتدخل الا في مايعنيني بل ادخل جميع موضوع فيه شجاعه ورفعة الرجال في الماضي واكسب معرفه ولكن انا لااحب ان اتقوقع واحب ان اطلع واعرف سوالف القبايل الثانيه اماانت تحاول ان تنسب لنفسك امر هو بعيد كل البعد عنك انت تقول انك لاتتدخل في مالايعنيك وهناك اكثر من ممسك عليك في تدخلك في مالايعنيك واولها معركة المليدا التي تدخلت بها وهي بين حرب وعتيبه وتدخلت وهي معركه ليس كهذا موضوع عام وانا فيه استفسر لاسبيت عتيبه ولاسبيت مطير ومع ذلك انت تدخلت بمعركة المليدا وسبيت وتكلمت وحذف الموضوع بسببك .. وموضوع البدراني ومآخذه على منديل الفهيد رحمه الله فهو يخص قصيده لشليويح العطاوي اللي هو عتيبي والبدراني اللي هو حربي انت تدخلت وأخذت ورديت ولااحد قالك شي من ابناء عتيبه ولامنا حنا ماقلنا لك مالك دخل ولاقلنالك انت متطفل ولاقلنا لك شي بل ردينا عليك وأخذنا معك وردينا ... برايك الحين مين اللي يتطفل انا ولاانت ... يعني الحين بتسوي فيها راع عرف انت ولا كيف طيب فيه مطيري دخل بهذا الموضوع وتكلم ولااحد من عتيبه قاله شي توقع ليه ؟؟؟؟؟؟؟؟؟؟ انا اقولك ليه واعتقد جميع اللي لهم خبره بالمنتديات يعرفونه وانت تجهله ربما لصغر سنك او لانك توك داخل بالمنتديات وطايح فيها لأنه واضح من مشاركاتك اللي حول العشرين واول وحده معروف وش قلت فيها اما السبب لأن المنتدى لأبناء عتيبه وغيرهم من ابناء القبائل ويوجد فيه حرية رأي لأنه بالعربي الفصيح انترنت ولابد من الاخذ والرد وشرح وجهات النضر ولو فيه اي مشاركه لي غير لائقه على قولتك كان جا احد المشرفين الله يطول عمارهم وشالها وبعدين انا ماتدخلت لين شفت احد الاعضاء ينسب مقتل الشيخ شليل ابن نجم لمطير ورد عليه العكام ولا حظ معي ماقاله الاخ العزيز العكام ماقاله انت مالك دخل اوانت متطفل ولاقاله اي شي ولا اي واحد من الكاتبين في هذا الموضوع حاول يستنقص من اي عضو لأنه غير عتيبي بالعكس ياخذون ويردون ويناقشون ولافيها شي لكن انت تحاول زرع الفتنه وتحاول تهييج اعضاء المنتدى من عتيبه علي لااعلم مالسبب هل لأنني كشفت بعض ادعاءاتك الله اعلم و بنضرك هل انت موكل من قبل اصحاب الشأن لتتحدث عنهم ام انك تحاول ان تدور علي الاخطاء لكي تثبت لأحد الله اعلم مين انني مخطأ اسمحلي اقولك انك كشفت نفسك بعدين ياعقاب >>>> لاتحاول ان تتقمص دور المراقب فهناك مراقبين فيهم الخير والبركه ومشرفين يخافون الله عز وجل واي مشاركه غير لائقه يقومون بحذفها وهذا مما يسعدني اما تدخلك انت لااعلم ماسببه .... 1- لماذا لم تتدخل عندما جاءت مشاركت الاخ المطيري وقال ان شليل قتلته مطير لماذا لم تقول له انت تسبب حزازيات بين ابناء القبلتين لماذا لم توجه له اي لوم ؟؟ الحقيقه لااعلم تدخلك وتطفلك بمشاركاتي ماسببه ؟؟؟ اول قل لماذا ماقلتله مثل ماقلت لي بردك ومشاركتك ليه ماقلت للعضو المطيري هالكلام انت قلت لي العنوان (( ياطحاطيح عتيبه ارجوا الدخول )) ماقالو (( ياطحاطيح عتيبه + راع العرف )) هذا طبعا ً كلامك طيب ليه بس قلتها يوم قريت مشاركتي اللي مامستك بشي ليه ماقلتها للمطيري اللي الاعضاء من عتيبه ماقالوله شي ليه ماقلتله العنوان (( ياطحاطيح عتيبه ارجوا الدخول )) ماقالوا (( ياطحاطيح عتيبه + المطيري )) ......... عجبي من بعض العقول ...... 2- لماذا لم تكتب بعد مشاركت الاخ العتيبي اللي صف اكثر من خمسة عشر اسم شيخ من مطير قتل على يد عتيبه وكذلك شيوخ من حرب ؟؟ لماذا لم تتدخل وتقول له انت تسبب حزازيات بين عتيبه ومطير او بين عتيبه وحرب ؟؟ لماذا لم تقول له ذلك ؟؟؟؟ انا اعرف اجوبة هذه الاسئله لكن لاأريد ان اجاوب عليها لأترك الجواب للمتلقي الواعي.. مع العلم ان الاخوان من عتيبه ذكروا في هذا الموضوع اسماء شيوخ من حرب ذبحتهم عتيبه ومع ذلك لم آتي بأسم شيخ من عتيبه ذبحوه حرب ؟؟ هل لاحظت لماذا ؟؟ المشأله سهله هذه الامور (( قسمه ضيزا )) بين القبائل ولايحزن منها الا ضعيف النفس ولم يغضب منها عقلاء عتيبه ولاعقلاء مطير ولاعقلاء حرب ؟؟ فما شأنك انت ... الآن فقط عرفت انك تبحث عن خطأ ولن تجد فالاخوان يعلمون جيدا بحياديتي وابتعادي عن المشاحنات قالو في هذا الموضوع بمقتل شيخ من حرب واثنين وثلاثه ولم انطق بحرف ولم اقل حنا قتلنا من عتيبه كذا شيخ او كذا شيخ بل استفسرت منهم عن قضيه تدور بأحد المنتديات وابناء عتيبه يعلمون عن قصة هذا المنتدى فقط هذا ماقلته اليس ذلك فيه من العرف الشيئ الكثير اذا ً انا راع العرف وكلامك شاذ لايمثل الاعقلك الشاذ والذي ان استمريت على توجهاته سوف يرسلك الى مالاتحمد عقباه .... ارجوا ان نقاشي كان يليق بمنتدى قبيله بحجم عتيبه الهيلا اهل الكرم والجود ومكرمين الضيف والجار وعندي هالبيتين بعتيبه .. ياعتيبه ياطويـــــلين اليـــــمين ** مكرمين الضيف واهل الشاذليه يوم وقت ٍ فيه ضرب ٍ بـــاليدين ** محتمين دياركم بــــــــــــالمقدريه غصب ماهو طيب ولابالمارتين ** بالسيوف الحدب حامين الـــرعيه وسلامتكم ياعتيبه الهيلا تحياتي راع العرف |
|||||
|
|
|
|
|
|
|
|
|
06-Jan-2007, 08:15 PM
|
رقم المشاركة : 56 | |||||
|
السلام عليكم
مساكم الله بالخير جميع عقاب العنزي منتدى قبيله بحجم عتيبه الهيلا يرحب بالجميع وليس حصر على فئه معينه فهذه القبيله اهل كرم واهل شجاعه من قديم الزمان يمشون على درب اللآباء والأجداد وكرمهم لامحدود وكلامك لايغير من نهجهم شيئ ابدا ً ولو حاولت ان تغيرهم علي فلن تستطيع ابدا ً لأنك ضعيف الحجه ... <كلام راع العرف ههههههههههههههههههههه شوفوا شلون لف السالفه هههه عزالله انك فتنه ياخي للدرجه تحسب عقول اللي بالمنتدى صغيره ولا انت تقيس على عقلك؟؟ ياخي كلامي واضح ليه تلف وتدور وتزور السالفه انا ماشككت بطيب وشهامة عتيبه ولو معزتهم ماكان سجلت عضو بمنتداهم الاشكال كله على تطفلك يوم دخلت بموضوع مالك فيه لاناقه ولاجمل لكن ماقول غير (ومايلفظ من قول الا لديه رقيب عتيد ) صدق الله العظيم ثانيأ ً \ لاتقيس دخولي في موضوع معركة المليدا بخصوص افتراءات البدراني بالموضوع هذا انا يوم اني تدخلت من حقي تدري ليه لأن البدراني ماافترا على عتيبه بس حتى على عنزه ولا تبيني اسكت مثل مالك حق تدافع دون ربعك غيره له حق وله حق انه يعبر عن وجهة نظره لكن انت تدخلك يختلف 180 درجه لأن كاتب الموضوع وضع عنوان ( الرجاء الدخول ياطحاطيح عتيبه ) ركز بالعنوان جيدا ً يعني ماوجه لك دعوه اضافيه مع العتبان لكن انت من النوع اللي كثير حتسي وتحب تقط وجهك بكل موضوع ( من تدخل بما لايعنيه سمع مالايرضيه ) ثالثا ً \ بخصوص كلامك اني ليه ماتكلمت على المطيري يوم انه تدخل بالموضوع سوف اجيبك المطيري له حق تدري ليه لأنه هو الطرف الثاني لأن السالفه بين مطير وعتيبه عرفت الحين؟؟؟ مثلك انت يوم انك تدافع عن ربعك بمارق الضيط وبموضوع الثعاليه احد عارض عليك او انا جيت عارضت ؟؟ تدري ليه لان فعلا لك حق تدافع لانهم ربعك ولك حق تقول وجهة نظرك لكن مالك حق انك تدخل نفسك بموضوع بين مطير وعتيبه رابعا ً \ بخصوص كلامك ان عمري عشرين او حول العشرين سنه انا اقول اللي على راسه بطحه يحسس عليها ههه وبالرغم اني تجاوزت العمر هذا بمراحل لكن انا اشوف ان الرجل بعقله ماهو بعمره واكبر دليل قيس عمرك ياراع العرف على عقلك سوف تجد هناك فرق شاسع وانا ماجبت الشيء هذا من فراغ لكن من خلال تعارضاتك الكثيره ومن خلال كلامك على اكثر من عضو آخرهم الدعجاني حينما قلت القافله تسير وال 000 تنبح وحينما قلت لايضر السحاب نبح 000 ؟؟ ابي اسألك الحين شلون تمدح المنتدى واعضاءه وانت قاعد تسب واحد من معازيب هالمنتدى ؟؟؟ اريد اجابه واضحه بلا لف ودوران تشوف كلامك كله متناقض ؟؟ علاوه على ذلك انك اكثر عضو يسولف لكن من غير فايده نستنتجها منك وعلى فكره ترى خير الكلام ماقل ودل تحياتي لجميع المحترمين واستثني من غير ذلك المتطفلين |
|||||
|
|
|
|
|
|
|
|
|
08-Jan-2007, 02:07 AM
|
رقم المشاركة : 57 | ||||||
|
اقتباس:
السلام عليكم ورحمة الله وبركاته وبعد ... ياأخوان اسمحولي ارد على الاخ عقاب العنزي ولو أطلت فأرجوكم تحملوني لأن هناك حقائق لابد ان تبان وان بينتها راح تعذروني الله يبارك فيكم ............. .................................................. .................................................. ......................... ههههههههههههههههههههه شوفوا شلون لف السالفه هههه عزالله انك فتنه ياخي للدرجه تحسب عقول اللي بالمنتدى صغيره ولا انت تقيس على عقلك؟؟ ياخي كلامي واضح ليه تلف وتدور وتزور السالفه انا ماشككت بطيب وشهامة عتيبه ولو معزتهم ماكان سجلت عضو بمنتداهم الاشكال كله على تطفلك يوم دخلت بموضوع مالك فيه لاناقه ولاجمل لكن ماقول غير (ومايلفظ من قول الا لديه رقيب عتيد ) صدق الله العظيم <<== هذا كلام عقاب العنزي تقول انك رجل كبير وعقلك كبير وهل من المعقول رجل كبير وعقله كبير تصدر منه هذه الكهكهه الساخره لا وبعد تقول انك ماتستفيد من سوالفي شي اجل الحين هالكهكهه استفدت انا منها شي ؟؟؟ الحمد لله على نعمة العقل وزينته ,,وايضا ً اعضاء المنتدى لايستفيدون منها شيئ مير الله يثبتنا بعقولنا ,,,وانا ماقلت انك شككت بمنتدى عتيبه الهيلا لماذا انت تشك بنفسك دائما ً وعلى العموم اللي في بطنه ريح مايستريح ومن ناحية موضوع مالي فيه لاناقه ولاجمل ارد عليك واقول انك كشفت نفسك وانت ماتدري اول شي جا لحرب طاري بهالموضوع واسمع الطاري على شان ابين لك لقافتك بدون ماتتطلع على الموضوع والردود كامله .. وهذا فقط ولو ترجع تلقى غيره اقرى وفتح عيونك زين : يقول الرجم النايف وهو طبعا ً مطيري وباامكانك الرجوع لمشاركته اللي ماشفتها ولاتدري عنها يقول: (( وشليل ابن نجم امير الغبيات ذبحه ابن مدلج العوني)) << هذا كلام الاخ المطيري ورد عليه الاخ العكام وقاله  ( وين وين يابوي وين رايح الشيخ شليل عند حرب وش دخل مطير في ذبحته))<هذا رد الاخ العكام عليه وهو الصحيح وانا ماجا ردي ومشاركتي الا بعد هذين الرديين فقط لأني شفت مقتل الشيخ شليل ابن نجم منسوب لمطير وهو نفسه ماقرأته بمنتدى مطير ونزلت بعدهم مشاركتي مباشره وأضن ذلك لايوجد فيه تطفل نهائيا ً خصوصا ً انه جاء ذكر لحرب وتزوير واضح لامجادها اضن فهمت الحين .......... ثانيأ ً \ لاتقيس دخولي في موضوع معركة المليدا بخصوص افتراءات البدراني بالموضوع هذا انا يوم اني تدخلت من حقي تدري ليه لأن البدراني ماافترا على عتيبه بس حتى على عنزه ولا تبيني اسكت مثل مالك حق تدافع دون ربعك غيره له حق وله حق انه يعبر عن وجهة نظره لكن انت تدخلك يختلف 180 درجه لأن كاتب الموضوع وضع عنوان ( الرجاء الدخول ياطحاطيح عتيبه ) ركز بالعنوان جيدا ً يعني ماوجه لك دعوه اضافيه مع العتبان لكن انت من النوع اللي كثير حتسي وتحب تقط وجهك بكل موضوع ( من تدخل بما لايعنيه سمع مالايرضيه ) ^ ^ ^ ^ معركة المليدا رديت عليك ووضحت لك وحذف الموضوع بسبب تدخلك وهو مشابه لهذا الموضوع كثيرا ً وفيه فرق شاسع وهو كالتالي: معركة المليدا لم يأتي ذكر لعنزه اطلاقا ً ومع ذلك تدخلت ولم ننبذك ولم نقول انك متطفل رديت عليك واخذت معك وعطيت ... وهذا الموضوع جيئ بذكر لحرب مثل ماجاء ذكر لمطير ومع ذلك لم اقول نحن قتلنا الشيخ الفلاني من عتيبه مثل ماذكر الاخ المطيري بل قلت سؤال لم تدخله فيه حرب وهو عن هذين القبيلتين العربيتين عتيبه ومطير.... ومن ناحية العنوان اللي يقول (( ياطحاطيح عتيبه ارجوا الدخول )) ونعم .. ارجع واقولك ذكروا مقتل شيوخ من حرب على يد عتيبه وذكروا مقتل شيوخ من مطير على يد عتيبه ودخل الاخ المطيري ودخلت انا فلماذا لم تقول للاخ المطيري انت متطفل وعندك الموضوع رح للصفحه الأولى وتلقى الردود اللي فيها شيوخ وفرسان من حرب وبعدين من ناحية قطة الوجه فأرجع واقولك اصحاب الشأن مرحبين بالردود ومرحبين بالاعضاء أنت ماشأنك وش حاشرك والله انك انت رأس الفتنه وتحاول تهييج الاعضاء ولكن لن تستطيع بعدين اقط وجهي لاوالله ماقطيت وجهي والدليل اقراه بردي وانا وضحت الاسباب للذهين واتوقع ان الذهين فقط يفهمها ومن ناحية مالايرضيني فانت لم أسمع منذ دخولك شيا ً منك يرضيني أول مشاركه لك أخذت تشتم قبيلتي وحذفوا المشرفين الموضوع ولم اتدخل حينها بل انت المتطفل ........ ................ ثالثا ً \ بخصوص كلامك اني ليه ماتكلمت على المطيري يوم انه تدخل بالموضوع سوف اجيبك المطيري له حق تدري ليه لأنه هو الطرف الثاني لأن السالفه بين مطير وعتيبه عرفت الحين؟؟؟ ^ ^ ^ هذا كلامك شكلك وانت تكتب نمت على الكيبورد وزلقت وانت ماتدري كيف تقولي انضر للعنوان جيدا ً (( ياطحاطيح عتيبه ارجوا الدخول )) وتقول انه يخص عتيبه وانت ياراع العرف متلقف وبعدين تقول المطيري له حق يتدخل لأنه الطرف الثاني والسالفه بين مطير وعتيبه ؟؟؟ وين راح العنوان اللي صاجني فيه .. واذا انذكروا الشيوخ اللي انذبحوا من مطير فترى انذكروا الشيوخ اللي انذبحوا من حرب يعني جا طاري لحرب اول شي جا لحرب طاري بهالموضوع واسمع الطاري على شان ابين لك لقافتك بدون ماتتطلع على الموضوع والردود كامله .. وهذا فقط ولو ترجع تلقى غيره اقرى وفتح عيونك زين : يقول الرجم النايف وهو طبعا ً مطيري وباامكانك الرجوع لمشاركته اللي ماشفتها ولاتدري عنها يقول: (( وشليل ابن نجم امير الغبيات ذبحه ابن مدلج العوني)) << هذا كلام الاخ المطيري ورد عليه الاخ العكام وقاله ( وين وين يابوي وين رايح الشيخ شليل عند حرب وش دخل مطير في ذبحته))<هذا رد الاخ العكام عليه وهو الصحيح وانا ماجا ردي ومشاركتي الا بعد هذين الرديين فقط لأني شفت مقتل الشيخ شليل ابن نجم منسوب لمطير وهو نفسه ماقرأته بمنتدى مطير ونزلت بعدهم مشاركتي مباشره وأضن ذلك لايوجد فيه تطفل نهائيا ً خصوصا ً انه جاء ذكر لحرب وتزوير واضح لامجادها وهو نفسه اللي انكتب بمنتدى مطير فحبيت اسأل اصحاب الشأن عتيبه لتبان الحقيقه فقط لاغير اضن فهمت الحين .................................. مثلك انت يوم انك تدافع عن ربعك بمارق الضيط وبموضوع الثعاليه احد عارض عليك او انا جيت عارضت ؟؟ تدري ليه لان فعلا لك حق تدافع لانهم ربعك ولك حق تقول وجهة نظرك لكن مالك حق انك تدخل نفسك بموضوع بين مطير وعتيبه <<< تكرار واضح لضعف في الحجه وجوابي عليه تجده قبل هذه الاهزوجه مباشره .... ............................ رابعا ً \ بخصوص كلامك ان عمري عشرين او حول العشرين سنه اقول اللي على راسه بطحه يحسس عليها ههه <<== انا قلت ان مشاركاتك حول العشرين وليس عمرك اقرى زين بعدين رد ,,,,,,,يااخي الكريم خلك واثق من نفسك ولاتقولني مالم اقوله وبالنسبه لـــ(( ههه)) فوالله انها تدل على ان عمرك ماضنيتني قلته.......... , ............................ وبالرغم اني تجاوزت العمر هذا بمراحل لكن انا اشوف ان الرجل بعقله ماهو بعمره واكبر دليل قيس عمرك ياراع العرف على عقلك سوف تجد هناك فرق شاسع وانا ماجبت الشيء هذا من فراغ لكن من خلال تعارضاتك الكثيره ومن خلال كلامك على اكثر من عضو آخرهم الدعجاني حينما قلت القافله تسير وال 000 تنبح وحينما قلت لايضر السحاب نبح 000 ؟؟ ^ ^ ^ لااتوقع انك تجاوزته ولكن ان كنت فعلا ً تجاوزته فكهكهتك تدل على انحسار في التفكير والاخ العزيز ماجد الدعجاني لم اقصده بهذه المقوله ولكن لي مآرب منها لايفهمها الا العقلاء وان كنت انت لاتثق بنفسك وهذا واضح من ردك وتخبيصك بالكلام فلاتقيس على غيرك وتحكم فقط فهذا الاخ ماجد الدعجاني رجل بمعنى الكلمه واذهب انضر الى ردي عليه وستجد صحت كلامي وهو واثق من نفسه الى درجه كبيره ويكرم عن هذا الكلام وانا لااقصده وهو يعلم هذا الشيئ جيدا ً واذا اخطيت على العزيز ماجد الدعجاني فأنا مستعد للأعتذار بكل اريحيه وكل سعاده ولكن ياعقاب لاتتحدث بألسنة الجميع وتضع نفسك بمحل المشرفين والمراقبين ولاتتعدى نطاق عضويتك فبذلك تعدي على صلاحيات الآخرين ..... ............................. ابي اسألك الحين شلون تمدح المنتدى واعضاءه وانت قاعد تسب واحد من معازيب هالمنتدى ؟؟؟ اريد اجابه واضحه بلا لف ودوران ^ ^ ^ انا ماسبيت اي عضو بالمنتدى واي واحد فاهمني غلط يبشر بالحق ومايلحق والله ل ارضيه لين يرضى ورقبتي سداده ان كنت مخطي بحق احد ونا عند كلامي ... لكن انت تحاول سحبنا الى فتنه والى اثارت النار الخامده سامحك الله واعطاك على نيتك .... ................. تشوف كلامك كله متناقض ؟؟ علاوه على ذلك انك اكثر عضو يسولف لكن من غير فايده نستنتجها منك وعلى فكره ترى خير الكلام ماقل ودل ^ ^ ^ ذكرتني بالمثل اللي يقول (( الحر تكفيه الاشاره والع..)) مثل قديم والحر اذا اشرت له يفهم على طول والنعامه تدس راسها بالارض ولو تشر ولا ماتشر مافيه فايده ........ وعلى قدر استيعاب الشخص الذي امامك يكون كلامك فمنهم من تكفيه كلمتين ومنهم من لايكفيه اي كلام بلاعدد ........ والمثل لاينطبق الا مع اهل العقول اللبيبه .... .................................................. ...... تحياتي لجميع المحترمين واستثني من غير ذلك المتطفلين<< كأنك تتحدث عن نفسك ....... ............................... ارجو ان يكون نقاشي لائق بمنتدى قبيله بحجم عتيبه الهيلا ولااتوقع الاان ازداد تعقلا ً في هذا المنتدى المحترم الذي يحترم جميع القبائل بدون استثناء فألف شكر لجميع من يشرف عليه وألف شكر على حسن الاستضافه ودمتم ابناء عتيبه الاكارم ........ تقبلوا تحيات اخوكم راع العرف .......... والسلام عليكم ورحمة الله وبركاته ياعتيبه ياطويـــــلين اليـــــمين ** مكرمين الضيف واهل الشاذليه يوم وقت ٍ فيه ضرب ٍ بـــاليدين ** محتمين دياركم بــــــــــــالمقدريه غصب ماهو طيب ولابالمارتين ** بالسيوف الحدب حامين الـــرعيه وسلامتكم ياعتيبه الهيلا تحياتي راع العرف ......................... |
||||||
|
|
|
|
|
|
|
|
|
09-Jan-2007, 05:26 PM
|
رقم المشاركة : 58 | |||||
|
السلام عليكم ورحمة الله وبركاته
بخصوص ربطـ موضوع الضحك وموضوع عمري انا اعتقد الضحك ماهو محصور على عمر معين عاد اذا عندك اعتراض لانستغرب لأنك اكثر عضو بالعالم كله معترض لايعجبك العجب ولا الصيام في رجب وانا اقول لو ترشح نفسك للفيتو راح تلقى قبول لأن الفيتو تعريفه بالعربيه ( انا اعترض ) انت الله العالم بكرا ماتلقى احد يعارضك ثم ً تعارض نفسك انا مااطلب من الله سوى الشفاء بااسرع وقت لك عزالله اني جيتك بااسلوب ذرب في جميع المواضيع السابقه بس ياخي كلامك ينرفز يعني تجبر الشخص انه يتماشي على نفسك نمط كلامك بالرغم اني ماوصلت للمستوى كلامك كا القافله تسير 00 ولايضر السحاب 000 لأني ارفع من هالكلام السوقي لكن حبيت اني احسن من ملافظك لكن للاسف جميع محاولاتي باءت بالفشل يالليـــــــد ربـّـط شيــاطينك وحيـلك فـتور .... لاتخــمك ام العــــبـيد وتسـوي سواتـها خلك على ماتبيــه وماتـــبيه وانت شــور .... وانت البـطل والمواقـف شخـت جولاتها يالليـد عفيه (ياأمحبوبي ) ليه دمك يفور .... اذهــن لايــلقـــاك عاقـــلها وشمـــاتهـــا قد قالها من يفــــرق بالطيـــور والطيــور .... ياليـــت بعــض الآوادم يبــطي اسكاتها يابلشة اللي على اية حال تبغى الظهور .... من كثرت هروجهم ( ماتبـــردألهــاتهـا) منا دبش ومنا دبش ترعى دبش ماتثــور .... ماتعرف الذيب غير أليا كــــلا شاتــــــها ياحظــك بساقطة خضرى بعرق وجــذور .... واهل القرى تعرف اللي في قريــــاتها ياطامع ٍ بــ جون منت بلاقي ٍ غير خــــور .... وسكان بعض السواحــل فوق لـ نجاتها من زاويــه ثانـــيه مثـــــال كـــوره وكـــور .... يلعـــب بهــا ميــر لامن مــــلّها شـــاتـها ( الله يعــينك على حالك ) تلــــف وتـــدور .... ( لاتـامــن الوقـت والدنيــا ونكبـــاتـــها) اصحى التجــاذب ركيك وينصفــع بالنفــور .... ومـــداحة الــــذات ترميهــا هـــوالاتهــا يالله عسى مرضتك هاك الليالي طهـــور .... يوم ان نفسك حديث ( الغطرسه ) لاتها ( تدري متى الطيب الوافي يضيع ويبور ) .... ان كـــان مايقــدر لنفســـه ولـــذّاتـــــها يابلشــت العالـــــم العقّال عند ( البزور ) ..... ( بيض النوايا ) تجازى ( سود نياتــــها ) واهل (الفتن ) والدسايس لو تلف وتدور .... تنهـــــان بعض البشــر من كبــر هقواتها تحيه للجميع ... |
|||||
|
|
|
|
|
|
|
|
|
10-Jan-2007, 11:53 AM
|
رقم المشاركة : 59 | |||||
|
بسم الله الرحمن الرحيم .. وبه نستعين في البدايه اشكر القائمين على منتدى عتيبه الهيلا على إتاحة الفرصه
لي بالرد على من يحاول الايقاع بي في الخطأ وأنا بعيد كل البعد عنه ومحترم لهذا المنتدى الشامخ بأاعضاءه المحترمين وهذا غير مستغرب على عتيبه الهيلا وابناءها احفاد الفرسان والشجعان الكرماءوتحيتي لهم جميعاً .............................................. بخصوص ربطـ موضوع الضحك وموضوع عمري انا اعتقد الضحك ماهو محصور على عمر معين عاد اذا عندك اعتراض لانستغرب لأنك اكثر عضو بالعالم كله معترض لايعجبك العجب ولا الصيام في رجب وانا اقول لو ترشح نفسك للفيتو راح تلقى قبول لأن الفيتو تعريفه بالعربيه ( انا اعترض ) انت الله العالم بكرا ماتلقى احد يعارضك ثم ً تعارض نفسك انا مااطلب من الله سوى الشفاء بااسرع وقت لك ^ ^ ^ اخي الكريم عقاب العنزي ارجوا انك تتفهم كلامي بالحجج وليس بالضغينه ,, الضحك بالمواضيع الجاده اذا أتى من شخص صغير السن لايستغرب لانه صغير لااحد يعترض عليه ولكن إذا اتى من شخص كبير بالسن فأنه يكون في محل النقد والاعتراض ولايكون في معزل عنه فالضحك تعبير إما للسخريه أو للتهكم وهذا في النقاش غير جائزويدل على العجز في مقارعة الحجج بالحجج واعتراضي في محله ومن نضرتي هو علمي بحت ... اما ان تقول اني اعترض فانا لااوافقك الرأي فأنا اناقش والكلام اخذ وعطى أما أن تريدني أن اسلم لك وأنت بعيد عن الحقيقه فهذا لايوجد عندي ولكن تجده عند المدلسين اللي ( يبرحون لك ) واذا ماتبيني اعترض عليك جب علم يطلق الوجه وانا معك .. الحمد لله اعتراضي على حق ولو يلاحظ المتصفح الكريم المنصف يجدني رديت عليك بالحق ومقارعة الحجه بالحجه ولن تجد اختراع من عندي بل جميع اعتراضي على اطروحاتك المجانبه للصواب لاتقذفني بالمعارضه من اجل المعارضه فقط فانا لامقصد لي الى الارتقاء بالنقاش فقط .... ......................... انا مااطلب من الله سوى الشفاء بااسرع وقت لك ^ ^ ^ اما ان تدعوا لي بالشفاء فجزاك الله خير لكن انا ماني مريض بمثل هذي الأمور ولله الحمد لكن ان كنت تقصد معارضتي فهي والله ليست بمرض واذا كان قول الحق وعدم السكوت عن الحق ( فقط) هو مرض بوجهة نضرك فالله لايشفيني من قول كلمة الحق ......... ........................ عزالله اني جيتك بااسلوب ذرب في جميع المواضيع السابقه بس ياخي كلامك ينرفز يعني تجبر الشخص انه يتماشي على نفسك نمط كلامك بالرغم اني ماوصلت للمستوى كلامك كا القافله تسير 00 ولايضر السحاب 000 لأني ارفع من هالكلام السوقي لكن حبيت اني احسن من ملافظك لكن للاسف جميع محاولاتي باءت بالفشل ^ ^ ^ ^ مره تقول ان هذي العبارات اقولها لماجد الدعجاني الله يطول عمره ومره تقول اني اقولها لك يوجد في كلامك الكثير من المتناقضات واذا كنت تبغى تلصق نفسك بما وجهته لغيرك وانا مااقصده فيه طبعاًولكن بشكك بنفسك حطيته له اذا كنت بتلصق نفسك بكلامي لغيرك فهذا اكبر دليل انك تدور الخطا مني حتى لو يكن لغيرك وان لم تجد تحاول ان تضع الاساءه لغيرك اساءه لك ولو لم تكن اساءه وانا انسان ولست ملاك لكي لااخطأ فسوف تجد مني أخطاء ولكن بكل ماذكرت لن تجد وان حاولت لأن كلامي اوزنه قبل لااطلعه اما انت تكتب وبعدين تورط نفسك وبما أنك سلمت لما ذكرته انا فهذا دليل انك اقتنعت بكلامي ولكن بطريقة الكريم الذي لايقبل وان قبل بطريقه فريده كطريقتك هذه ونعم والله فيك ياعقاب .. اما بخصوص القصيده ان كانت لك وان كانت لغيرك فهاك الرد : سلام ياللي جبت لك كم قاف وســـــــــطور .... سوالف ٍ يتعب كل من يجمع شــــتاتــــها الآدمـي منهي كذا بــــــس مامــــــــــــــــور .... واللي جناله حنضله ياكل من فــــتــــاتها ياعقاب حاذر لاتقرب هل السبعة بحـــــــــــور .... تـراك تبغى تضيع في وسـط غــــــــباتها ماقلت شي ولاتبى تقول حق وتـــــبـــــــــور .... والناس الاجواد كلمة الحق مشــهاتــــــها مايزعل امن الحق لاجاه غير الـــــــــــــــهذور .... والاٌهـَـــــــــلَ العرف دايم وسيعه مداراتــها واللي مجنبني عسى كل عمره ســــــــــرور .... عسى اللــيالي في حياته توضي مناراتها عساه يسعد بالحياه ولاتلقاه الـــــــشـــــرور .... وراع الــــعلوم الطيبات تبين به شـــــــاراتها لو قلت ابعذرْك ماقالوا الناس امـــــــــــــعذور .... وعلومك اللي قلت ماانت بـْعارْف تجاهاتها شفتك تهبد والهباد اودعك فاقد شـــــــــــعور .... والمشكله ماقلت لك هــــات علومك هـاتها (الخبل) يصبح ماتهنى في رقاده والــــــنشور .... باقي علــــــــــــــى علم ٍ قديم ونمته يقتاتها واللي من اول (ماقوة يمناه تلـــطم للــــحبور) .... ( يحطها مدري )ولكن مااستطاع افلاتها (اليوم قامت للزحول )تناوش الــــــــعلم وتثور .... (ومن طقة الكيبورد قامت تشن غاراتـها) ربعي هل الطالات يوم العلم للناس ا مخــــبور .... يوم انها زرقة رماح وضرب سيف مــــــناتها كم شيخ قوم ٍ طاح وابطى من طياحه مايثور .... وامسى عشى للذيب واقفت ربعه بويلاتها يوم الرجال اوزان حنا وافيات الـــــنا الــــشبور .... ولليوم حنا للخصوم وقاضبين الـــــــــهاتها (ولاالخبول) اللي سوالفهم على الشكه تـدور.... ماهمنا تشكيكها( ولاكثرة دعـــــــاياتها) يشهدلنا فعلٍ فعلنا يوم (حزات الــــــــــــعبور)....يوم العرب( شدوا مخافتنا نزيد امـــواتها) وكان الخبال الورث يالله تمحق الورث الدبـــور....وان طولت ماهمنا حاسدها ولاشــــــمْاتها وسلامتكم يالربع .. والف شكر ياشبابه على حسن الاستضافه والتقدير وارجوا ان تستمرو ا على هالمنوال في حرية الرأي وحسن استقباله لأن هذا ديدنكم من قديم وأنا من وجهة نضري أنكم اكثر منتدى يرحب بالآراء لاتوافق الكثيرين فمهما يكن هذه آراء ومناقشات وانا متأكد من أمانتكم بعد ان جربت الكثير من المنتديات فملاحظاتي هي أنكم لاتحذفون المشاركه الا اذا كانت غير لائقه عرفيا ً وهذه سياستكم جميله فهي تتيح للعضو الراحه في الكتابه فهو لايتعب وبالأخير تحذف مشاركته الا اذا كانت فيها تجاوزات وشتيمه لأحد الاعضاء وهذا سر نجاحكم وانا معجب شديد الاعجاب بمنتداكم اللي معطيني راحتي طبعا ً بحدود الأدب والف شكر مره اخرى ياادارة المنتدى الاكارم ............... اتمنى ان نقاشي يليق بمنتدى قبيله بحجم عتيبه الهيلا وانني التزمت بادب الحوار وكثر الله خيركم ياعتابه ..... تقبلوا تحيات اخوكم راع العرف .......... والسلام عليكم ورحمة الله وبركاته ياعتيبه ياطويـــــلين اليـــــمين ** مكرمين الضيف واهل الشاذليه يوم وقت ٍ فيه ضرب ٍ بـــاليدين ** محتمين دياركم بــــــــــــالمقدريه غصب ماهو طيب ولابالمارتين ** بالسيوف الحدب حامين الـــرعيه وسلامتكم ياعتيبه الهيلا تحياتي راع العرف ......................... نرحب بالجميع ونتيح حرية التعبير لكن أي إساءة لقبيلة عتيبة أو أحد القبائل الأخرى أو الشخصيات التاريخية المعروفة لن نسمح به وسنقوم بحذف المعرف . كذلك نتمنى عدم الخروج عن الروح الطيبة في النقاش وعدم الإساءة بشعر أو بغيره واحترام وجهة النظر الأخرى. قد يكون هناك حذف لبعض المشاركات السيئة فا عذرونا. الإدارة / الهيئة الاستشارية |
|||||
|
|
|
|
|
|
|
|
|
14-Feb-2007, 10:40 AM
|
رقم المشاركة : 60 | |||||
|
اضافه بسيطه بعيد عن اللغط والشد والرد
ذكر احد الاخوان (( برغش بن طواله قتلته عتيبه )) برغش بن طواله ذبحوه النمارين من الغزايله من البصصه من المقطه من برقا من عتيبه |
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض العادي
