مــــــــاذا يعشــــــــــــــــــــــقن : : : :

[عقاب الحويماني]

كما تعلمـــون ان النساء شقائق الرجال وهن كالرجال في بعض

الصفات كالعشق وغيره ................؟




ومن هذا المنطلق اردت ذكر بعض الصفـــات في الرجال التي تعشقها النساء :

	مـــــو يضي البـــرازيه :

وهي تعشق السيطره التامه على الرجل وتطويعيه في خدمتها وما تحتاج اليه . وهذه النوعيه من الرجال


قال فيهم الشاعر ذعار بن ربيعان ( المحرول ) :

وباقي الرجال فحول نسوان ورعاه = ضباط مال وحافظين السروحي .

* اما مويضــــي فتقـــــول في وصف زوجها :

مانيب غاويتن رجال الشجاعه = ودي بهم مير المناعيــــر صلفيـــــن
ابي بمدنسن وسط الجمـــاعه = يرعى غنمهم والبــــــــهم والبعارين
وليا ندبتــــه قال سمعا" وطاعه = يقـــول ياهاف الحشــا ويش تبغين
وليا نهمــــته صار قلبه رعاعه = عجـــــل " يجيــــب القدر ويا المواعيـــن
ولو اضـــربه مشتدتن في كراعه = لاهوب شاكيـــــــني ولا الناس دارين

	ســــاره بنت ابن رخيـــص : _

وهي تعشـــق الرجل الشجاع




فقد انشدت تتغنا بصفـــات محبـــــوبها : _

ياراكب" فوق لاحاقه = حمــــراء" مثل واشع الدمي
اسلم وسلم على شفاقه = واللاش لايرســــــــــله يمي
حلفت انا ما اخذ العاقه = لو اقضي العمــــــر عند امي
الا لمن يحتمي الساقه = لادرهم الجيـــــــــــش والتمي .

	هيـــا الحـــــربي :_

وهي تعشق في الرجل الكرم والسخاء ........ وشخصية زوجها تذكرني بالبيت القائل : _






قالـــوا هبيل وقلت جايزلي هبالي = هبال طيب ولاصحاوة رخامــــه ..







وتقول هيا في وصف صفات زوجها : _

يامل عينن حاربة سوجة الميل = على عشيرن شب في الجوف ضـــوه
عليك ياللي طبخته نصها هيل = ياللي تحوش الطيب من غير قـــــــوه
المال مايغني عفون الرياجيل = والفقر مايعجــــز رجال المـــــــــــروه .

[من أخوان ميثاء]

أخوي (عقاب )



هذول(ن)

منذو (مبطي ) الله يرحمهن إنشاء الله ويعافي الحيه منهن

بس بنات هلحين أكثرهن يبن ( الخكري ) والناعم يااااااااي

يبن مسكر بابه .... ؟


وتسلملي الغالي

[حفيد مجول]

لا هنت ياعاشــــــــــــــــــــــــــــق البنت
ومشكـــــــــور على الموضوع
مع خالص تحياتي

[حمد العطاوي]

والله اعجبني من الا اخوان المشاركين على قول بنات الا يام يبن الخكري

والله انك صادق بنات اول راحا ومشكور وانا اخوك على الموضوع الطيب والله يوفقك