السلام عليكم ورحمة الله وبركاته
أخواني أخواتي أعضاء منتدانا الشامخ أسعد الله أوقاتكم بكل خير
هذه قصيده وهي تعبر بما في داخلها عن مافي داخلي ,,, عباره عن مصافحه بعد الغياب
أتمنى أن تحوز على رضاكم..
يازمانٍ ضيّقه ضيـق المكانـي=واهنـيّ اللـي تسلّـى واهنيّـه
ياغزالٍ من كثـر حبّـه ملانـي=وصّلوا له من سلامي والتحيّـه
الغـزال اللـي تبسّـم بالثمانـي=في جماله والحـلا مافيـه زيّـه
لانظر بالعيـن بالنظـره كوانـي=كن في عينـه مركـب جاذبيـه
يعزف بقلبي كما عزف الأغانـي=لو أبا اوصّفْـه مايوجـد حليّـه
جادلٍ من وصفها شيءٍ عشانـي=وردةٍ مقطوفـةٍ مـن مزهريـه
لو تطبّ الملعبـه والمهرجانـي=كان ما للبيض يبقى مـن بقيّـه
لوّ ما للقلب الأقـواس الحوانـي=كان من ماضي زماني حال فيّـه
ثمّ أبا اجيب القضيّـه بالمعانـي=واخذها ياراعي الفطنـه وصيّـه
لو يجيني قول غامض ماخفانـي=ماتمـرّ الخارجـه والداخلـيّـه
إن قبلناهـا وجاوبنـا هـوانـي=ون سمعناها وصدّينـا قويّـه!!
الزمان اللـي قريتـه ماقرانـي=ثار بارود العتب ماقوى دويّـه!!
يازامانٍ ياكثـر ماهـو هجانـي=كن من بيني وبينـه عنصريّـه
جيت أبا آجاريه فالرفقه رمانـي=والله أعلـم لاتثـور البندقيّـه!!
أشهد إنّ الوقت درسٍ وامتحانـي=مدرسه صعبه على كـل البريّـه
ماتجاوزها شمالي مـع يمانـي=غير من طاع الله وسنّـة نبيّـه
لو يطول العمر بالإنسـان فانـي=والبنـادم ينتهـي عنـد المنيّـه
لو يزيد يعيش من بعد رمضانـي=فيه ذابح يذبحـه لـو فالضحيّـه
وادري إنّه ماعلى الدنيا ضمانـي=يعلـم الله بيّنتـهـا والخفـيّـه
راقب الله سرّ وألا فـي علانـي=واحسن النيّه ترى النيّـه مطيّـه
فيـه كُتّـابٍ سـواة الترجمانـي=ماتغـادر لاكثـيـر ولا بلـيّـه
لا يغرّك لـو تحلويـت اللسانـي=كم عـلاجٍ ماوجـد فالصيدليّـه
كمّ رجـلٍ تقتلـه كثـر الأمانـي=لو عقول الناس صارت عبقريّـه
فيه هادم للبيـوت وفيـه بانـي=مانقابـل مـن يجينـا بالرديّـه
أبتعد من قبـل لايهـدم كيانـي=والله إنـا مارضينـا بالخطـيّـه
شفت شيءٍ واكتشفته في زماني=مايفيد الرجـل لاعـذرب خويّـه
إن تكبّـر ثـم قفّـل فـالأذانـي=ماتعرّضته و لو نصحـه هديّـه
ون تعذّر صاحبـي وألا نصانـي=فالتسامح والعـذر حـقٍ عليّـه
ماتكلّـم غيـر بعلـومٍ سمانـي=ولا قصدت ألا العقول الجوهريّـه
من صغر سنّي واخذت اللي كفاني=العقل والصدق والنفـس التقيّـه
من يدوّرني على العـزّه لقانـي=ما نلفّ مـع الـدروب الدائريّـه
إن غزينـا فالمعـارك مانهانـي=ون تصيّدنـا الطيـور بوارديّـه
الشريف يعيش مايرضى الطماني=كل وقته عز صبح وفي عشيّـه
عن طواريق الضعوف الله حداني=فيـه للعاقـل دروبٍ رئيسـيّـه
والله اللي عزّني واللي عطانـي=كيف يشقى من معه ربّه وليّه!!
هذي الجزلات من صلب المعاني=فـي جـواب التاليـه والأوليّـه
تُوّجت بالمسك وألا الزعفرانـي=شامخه يمكن تفـوق الفيصليّـه
ودمتم سالمين ,
« آخـــر الـــمـــشـــاركــــات »
29-Nov-2010, 10:52 PM
واهنيّ اللي تسلى واهنيّه ||| منصور الدرين
العرض العادي
