ياصقر العروبه حسبنا الله على الديوان

[محمد الذيابـــي]

قصيدة للشاعر الكبير سعد بن شفلوت
كان لها صدى كبير وتسببت في إجراء تشكيل داخل الديوان الملكي بعد التأكد من مصداقيتها وملامستها للحقيقه.

,’

يا صقر العروبه حسبنا الله على الديوان=تولته ناس شكلها ما تخاف الله
لو تشوف كيف معاملتهم مع الشيخان=عرفت ان قضايا الربع ماهيب منحله
ولو تشوف كيف معاملتهم معى الشيبان=ذرف دمع عينك يا طويل العمر كله
ولو تشوف كيف معاملتهم مع الشبان=عرفت السبب فاللي ضميره يسوله
ولو تشوف كيف معاملتهم معى النسوان=دريت ان ثلاث ارباع لخلاق منحله
وهذي الامور تجمد الدم في الشريان=ولا هي لنا مذهب ولا هي لنا مله
رسول الله اشرف شخص واطهر واعز انسان=نهى لا يهين المسلم اخوه ويذله
فمن كان في قلبه ولو ذرتين ايمان=رحم ضعف عود جابته بنته تشله
لا شك الملامه في السويلم وفالطاسان=ولاهي على العمري ولاهي على الشله
وعلى طاري العمري نشوفه طويل لسان=واذا جاه عود منخفض سكره تله
واذا قال يالعمري تعوذ من الشيطان=قال اطلع تقول ان مكتبه ذاك محتله
وتحسب عليهم كلهم شايب رحمان=وروح ودمعه من على خده يهله
ولولا احترامك كان سقته على الحجان=على شان ما عاد يتعود على الزله
وبستثني العيسى لحاله وبن هرسان=هذولا رجال تقدر الشخص وتجله
هذا بعض ما شفته يا ابو متعب كحيلان=وعندي على قولي براهين وادله
فأملنا في الله ثم فيك انت مهما كان=ولا فيه غيرك يعقد الحبل ويحله
شيوخ القبايل طال عمرك غدوا رعيان=وصاله رقم سته غده فالنحر عله
وصارت وظايفنا وراثه من الجدان=هذا جاب ورعانه وذا جاب ربعٍ له
على قوله شاعرنا المفضل سعد جدلان=غدينا جفير لا نصاب ولا سله
ولا صارت الدعوى كذا فأقفلوا البيبان=وقولوا قفلنا الباب روحوا فمان الله
وأذا بقيت الدعوى سفاطيه وسفطان=فلابالله وتسعه وتسعين لا بالله
مادامك ما ترضى سيدي ان الرجال تهان=عط المنصب الحساس رجال كفوٍ له
لجل ما يقلل من مقام اكثر الشيخان=ولجل من يقدم شي يجيه في حله
وما دمت يابو متعب لنا ذرى وكنان=وشعبك عطوك ارواحهم طبع واجبله
فأبيك الله يطول بعمرك تشوف الان=كلامي صحيح او فيه يا سيدي خله
يجوز اني الله يحفضك غاوي وغلطان=تراني بشر ماني بمحمد رسول الله
وترانا مثل الاخوان واكثر من الاخوان =وهذي نصيحه شاعر قلبه يدله
نهايه كلامي جاك علمي وانا زعلان=اذا زانلك فأخذه واذا ما صلح فخله

,’

التوقيع

التوقيع محمد الذيابـــي

[غالب الذيابي]

:
:
:



شكرا لك على النقل وصح لسان ابن شفلوت المناديه.

وبالمناسبة ترى ماهوب سعد بن مناحي اللي انضم معنا في منتدى عتيبة.
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[محمد الذيابـــي]

مشكور ياغالب على المرور والتوضيح

[علي الثبيتي]

صح لسااااااااااااااااااااااانه مليون

وخمس نجوم من عندي

وتستاهل التثبيت

مشكور يامحمد

التوقيع

ماني بلا روقي ولا برقاوي = انا ثبيتي جد روق وبرقا

[محمد الذيابـــي]

لاهنت يالنشمي

[ولدعساف]

صح لسانه وبارك الله فيك يامحمد .. القصيدة يوتيوب لمن اراد سماعها

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[محمد الذيابـــي]

بيض الله وجهك ياولد عساف

[ذعير العالي]

صح السااااااااااان ابن شفلوت ..والله لايهينك يامحمد علي النقل الرائع ....انت وخوى ولد عساف وشكرن

[محمد الذيابـــي]

مشكور ياذعير على مرورك