معلقة بن عون في يوسف

[متعب العصيمي]

صح السانك ولسان الشاعر/ سلطان بن عبدالرحمن الرويس , جزلة من جزل , سلمت وسلم نقلك يابـ عون ــن


تحياتي

[الروسان فرسان]

صح لسان قايلها وتسلم يد ناقلها ولا اوصيكم التصويت يالربع

[ابن عياد الروقي]

صح اللسان الشاعر والله يعطيك العافيه

[نمر العتيبي]

صح لسانك قصيده جزله ياابن عون

[بــــ عون ــــن]

بيض الله وجيهكم كلكم على المرور والتعليق ,,,,,,,,,, ومافيكم حيلة ياعتيبة ,,,,,, وفالكم المليون

[صقارنجد]

صح لسانك ياشاعرنا عبدالرحمن الرويس وناقل الموضوع ابن عون

[سمران]

المشاركة الأصلية كتبت بواسطة بــــ عون ــــن

هذي القصيدة قالها واحد من عيال عمي بعد مافاز يوسف العصيمي ,,,,,,,,, نصرة الله على من عاداة وذلة وعن دربة للمليون اقصاة,

حنا عتيبة لا أحتمن المواقيف = وجاء للتحدي والمعاند مجالي
نطلع مطاليع الصقور الشواحيف = وذا طبعنا من ماضيات الليالي
رجالنا مايقبل الظلم والحيف = ودايم وفعله غير كل الرجالي
وفعلنا وقت السيوف المراهيف = بنت لنا مجدن سوات الجبالي
واليوم في وقت الرخاء فعلنا شيف = ومن دون هيبتنا رِخص كل غالي
كلن تحيزم ماحسب للمصاريف = لين اعتدل حملن على القرم مالي
ولا جت بكيف اللي يبيها على الكيف = وخابت ظنونه ياعساه الزوالي
ضعيف عقل ويثبت إن عقله ضعيف = إنه طمع في ملحقين التوالي
ولو عاونوه مجمعين السواليف = وطوهم عتيبة وطي بالنعالي
قامو سوا من سيف جدة ليا السيف = بحر الخليج ومن جنوب لشمالي
وياتاج راسي ماعلينا تخاليف = مادام طبع أجدادنا فالعيالي
تصنيفنا الاول على كل تصنيف = ولا قول في باقي العرب مايقالي
وياعزوتي من فعلكم مابها زيف = رميت انا الغترة ومعها العقالي
وعز الله إنا لااحتمينا المواقيف = اللي نبيه يصير لو هو خيالي

وصح لسان الشاعر: سلطان بن عبدالرحمن بن سعد بن نايف بن عون الرويس العتيبي



ننتظر آراكم ومشاركاتكم وتشريفاتكم,,,,,,,, مع احترامي

صح لسان الشاعر والناقل بيض الله وجيهكم

[سعد الدهاسي]

تلسم يمينك بن عون على هذي القصيدة و هذه ما هي غريبه منك ويستاهل العصيمي يوسف

مثل هذي القصايد و اكثر .

و الله يوفقه و تكفون لا تنسوه في التصويت

[غازي البقعاوي]

صح لسانك وتسلم

وصح لسان الشاعر القدير

ووقفت طويلا عند هذا البيت

كلن تحيـزم ماحسـب للمصاريـف=لين اعتدل حملن على القـرم مالـي
كلن تحيـزم ماحسـب للمصاريـف =لين عتدل حملن على القـرم مالـي
كلن تحيـزم ماحسـب للمصاريـف=لين اعتدل حملن على القـرم مالـي
كلن تحيـزم ماحسـب للمصاريـف =لين عتدل حملن على القـرم مالـي

[بــــ عون ــــن]

بيض الله وجيهكم ومشكورين على المرور والتشريف لاعدمتكم