السلام عليكم ..
الحقيقة أني وجدت الموضوع مفيد جداً .. مفيد وغني ويعطيني معلومة مفيدة وأتمنى أن يتم تعميم الفكرة في جميع مدن المملكة ..
الواحد ما يدري وش يمكن يصير له , لو أحتاج كفالة أو فزعة معنوية أو غيرها .. من الأمور اللي قد تحصل للإنسان ,, وإذا حصل أحد من جماعته أو ربعه على الأقل يتعرفون عليه ويضمنونه في حدود ما يعرف الناس بعضهم ..
أذكر أن واحد من زملائي في العمل , تعرض أخوه لمشكلة أودعته السجن وطلب غريمه تعويض مادي , عشرين ألاف ريال . ( أخوه جندي هناك _مدري في أي قطاع _لكن عنده رقيب مدري رئيس من ديرة ما يخفاكم أهلها .المهم أن أخونا موقف وعليه جزى .. وشغل سيارته بيطلع ولحقه االرقيب واقف له في البوابه ونزل بيتفاهم مع العتيبي ولا دري ألا هو تحت صدام الموتر .. الأخ حط السيارة بالريوس وصدمه وعشق يبي يروح للديرة .. وألقو عليه القبض .. وطلعت سلامات ولكن الرقيب طلب عشرين ألف تعويض .. في نفس اليوم عشان يتنازل ..
العتيبي مسكوه في الخفجي بعيد عن مكان خوياه .. والمصدوم في المستشفى .. وكان يوم خميس ..
سأل أخوه عن عتبان في الديرة ما حصل أحد ,, وشاف لوحة مستوصف العتيبي .. وقال له القصة وعطاه المبلغ كذا كاش .. وسهل عليه الأمر ..
وطلع أخوه من التوقيف ورجعه لخوياه بدون محكامات عسكرية ومشاكل ..
ومن يوم السبت رجع له المبلغ .
أعتقد أن صاحب المستشفى ( من الحفاة ) بيض الله وجهة ولا هي غريبة الأجواد في الناس واجد ..
يعني أنت وش تبي من عيال عمك و عيال عمك وش يبون منك ؟ ووين اللي يذكرونه جماعته إذا صار عندهم لزوم .. أحيان يطيح الرجال في مشكلة ويحتاج إلى ضامن أو كفيل ومن يعرفك إلا جماعتك على الأقل بيتعرفون عليك بأسمك أو أبوك أو عمك أو عيال عمك القريبين .. ويقفون معك ...
فمعرفة مثل هذه الأماكن والأحياء اللي يتواجدون فيها العتبان أمر مفيد, صحيح جدة ما أحد يبلش فيها . ولكن مثل المدن البعيدة والحدودية.. إذا صار فيها عتبان مقيمين فيها لفترات طويلة ويعرفونهم أهل الديرة الأصل ..
______________________________
بخصوص حي الرويس _ بجدة .. إن أول ما جات السيارات ( الترمبيل ) أحترقت سيارة فيها رويس ومعه عائلته , مسافر من جده وراكب في صندوق السيارة .
وأحترقو ولا جاهم من يسعفهم .. لأن المكان بعيد والأمور قليلة .. وصارت السيارة المحترقة مارية ( قريب , بعيد , يسار , يمين , سيارة الرويس ) وأصبحت نقطة معروفة لأهل السيارات ,, وكأن صار حولها ورش صيانة ,وهكذا حتى صار حي الرويس ..
لأن المكان كان صحراء إلى وقت قريب ...
هذا سمعته أكثر من مرة من بعض الروسان وغيرهم .. يكون الأسم الصحيح ( حي سيارة الرويس )
الله يرحمه .. ياكبر الحوبة في موته .. تخلد أسمه وقصته وصار مكان موته حي ..الله يرحمه ..
________________________________
« آخـــر الـــمـــشـــاركــــات »
11-Dec-2007, 04:22 PM
العرض العادي
