قصيده في قبيلة الزود

[باونتي لبن]

أنا بريء من شعري إن كان ما جاد ======= إن كان ماجاد الشعر ويش ابيبة

نـذراً عـلي إن كـان ما حـقـق امجاد ======= لأدعـس على علباه وأشـق جيبة

ولا خير فيني كان ماأوفيت الأجواد ======= وكـلً على ماقـيل يأخـذ نصـيبه

ربـعي بـني زايـد ليـا زايـد(ن) زاد ======= إنـزيد فـوق الـزَود زَود وغـليبه

لنا نصيب من اسمنا فـوق الأشهاد ======= نـرقى ويـبقى شـيـخـنا نعـتـزيبة

ولـنا عـلى القـمة تـواقــيع واعـداد ======= مسجـلين اعـلى عـدد فالصعـيبة

منهاجـنا شــرع الوفـا نهج الأجداد ======= وماهي عـلى تابع جدوده غريبة

نهج الجـدود اللي مشوا فيه الأحفاد ======= حقـق لنا مجـد ومـراجل وهـيبة

الـضيـف يـبـشــر لـة بـدلـة وبـراد ======= ومفطح(ن) فـوقه مزبْر عصيبة

والجـار مهما صار له عون وامداد ======= مـا يلـحـقه مـنا نـمـيـمه وغــيبه

وزبن الدخيل اللي لـفا يطوي الماد ======= إرقـابـنا دونـه نـهـار الـطـلـيـبة

لـلـطـيبـيـن أهـل الـوفـا عــدّ وراد ======= واللي يقـدم طيب يجزاء بطـيبة

الطـيب لأهـل الطيب باقي ومـنقاد ======= طيب خلق في قلب ورع وشيبة

وإن عـودت لمصافقة روس وعناد ======= إنـصبـح الـعـدوان نـار ولهـيبة

وحنا عمى عين الـعدو سـم الأكباد ======= وتذعلنا روس الأعادي غصيبة

فـينا مـن زحـول الـرياجـيـل رواد ======= وفـينا ثـقـة حـكام مـكة وطــيبة

فـزعـاتـنا فـي يـوم نـاشـد ونـشـاد ======= إنجـيبها كـبر الـجـبال الصلـيبة

قبر النبي تفخربة أرض أطهر بلاد ======= والـزايـدي فخـر لـقبيلـة عـتيبة

ودون الوطن ناقف جماعات وأفراد ======= نارد حياض الموت دونه سريبة

وصلوا على محمد عدد كل رعــاد ======= شـفـيعـنـا فـي يـوم ربـي رقــيبة

الـشاعــر/ فهد بن معيوض الزايدي

[محب الهيلا]

والنعم في الزود

مشكور وماقصرت

[عبدالرحمن الهيلوم]

والنعم مليار بالزوووود

[أبو مرحبا]

والنعم بقبيلة الزود وعتيبه كافة


لاهنت طال عمرك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[زبن الدخيل]

أنا اشهد انكم فخر لقبيلة عتيبة يالزوّد
صح لسان الشاعر وسلمت يمين الناقل

[باونتي لبن]

اشكركم جزيل الشكر
واسعدتني مشاركاتكم

[باونتي لبن]

يستــاهــلون الــزود
أشـكـركم عى التواجــد

[فهد النفيعي]

ونعم في ذوي زياد

دام جديدك ياغالي.

[طارق النفيعي]

مابهم قصور ونعم فيهم

التوقيع

أخوكم : طارق النفيعي

[فيصل ابن خيشوم]

ونعم بقبيلة الزود مليون فى مليون ولا يسدون

مشكور اخوي