لغز من عضو مستجد

[زين]

أنشدك عن عود حاكمن له عذارى
هو يدخل بطونهن وهن يركبنه
يلعب بهم العود لعب العذارى
وياما لعبو بالعود حتى قتلنه

[المحارب]

طال عمرك اظن انه الشهر والليالي والايام
اتمنى يكون الحل
تسلم يالغالي

[زين]

يالمحارب يبدو ان هالمره رمعتك ما صابت
لكن لو رجعت للغز الأول اللي حليته وفكرت في الاختيار الثاني ؟؟؟
ما هيب عوايدك يالمحارب ،،، لكن لكل جواد كبوه ،،،
تحياتي

[المحارب]

والله وانا اخوك شكل الفيوزات ضربت
لكن خيرها في غيرها
وعلى ما قلت لكل جواد كبوه
تسلم وهات اللي بعده

[زين]

اخوي (( المحارب )) فيوزك (( انجليزيه )) اصليه ما تضرب ((( ما شاء الله لا قوة الا بالله ))) بس انت محتاج الى دلة وشبة نار في البر وبيدك عود تقلب فيه الضو وهو يجيك يركض (( اقصد الحل ))
وترا العود يدخل بطون العذارى ياخوي

[المسلسل]

اخوي زين السلام عليكم

عندي رمعه عسى ان تصيب
مهيب خيط السبحه والله واعلم


وتقبل تحياتي

[زين]

اخوي المسلسل
تسلم والله وبيض الله وجهك يا طيب الفال
عز الله انك ماخطيتها انت ومعاونيك
تحياتي لكم جميعاً وبيض الله وجيهكم