ياذيب

[ضلع سنجار]

ياذيب ياللي للنوايف تعليت= كم نايف(ن) ياذيب دسته بالأقدام
شفتك على رجم(ن) بعيد(ن) وناديت= قلت العشاء ياذيب كثرن الأنعام
نبيتك بصوتي ولاكنك أوحيت= هميت بالمرجاع من عقب الإقدام
ياذيب أنا مثلك ليارحت خليت= صيدي خيار الصيدولي مفرس(ن) دام
من راس مرجومي لوقت العشاء جيت= ماهبت هيابه ولا أمرحت صوام
وأنا رفيق الدرب لوقلت ما اخطيت= كم شاهد(ن) ياذيب يبصم بالأبهام
ياذيب تفهنتي ولاعنك صديت= لاذلة(ن) جتني ولاصابني سام
أنا عنيد الراس ماقلت وأزريت= كم كايد(ن) كدته على مر الأيام
ياذيب دنيانا لها أشكال تشتيت= دنيا تقلبنا على رماح وسهام
وش رايك بعذرا ء ورجالها ميت= خطابها ياذيب من شافهم شام
خطابها ياذيب من داخل البيت= ماواحد(ن) ياذيب عن حبها صام
من سحرها الفتان ذايع لها صيت= وكل(ن) على فاله ولو صارت خصام
عذراء نهى المعبود عنهى وياليت= كل(ن) تجبنها وشيطانها نام
عذراء عليها اللعن لصبحت لمسيت= عشاقها ياذيب فالنار وزحام
ياذيب قفينا وأنا أقول مليت= مليت من عذراء لها سيف حكام
عسى الولي ياقاك ياتابع الليت= عسى الولي ياقاك من كل الأسقام
قافي ترى واضح وقولي بتثبيت= وإن كان يعجبكم على صدري وسام
وختامها ياذيب قافي وسويت= وأنته على قافك يخطن الأقلام

[أبو نجر النفيعي]

..

الله الله الله

صح لسانك يا ضلع سنجار على هالقصيده الجزله ..

وفي انتظار جديدك ..!!



أخوك

التوقيع

.....

[/عبد العزيز الجذع/]

قصيدة جميلة يالذيب..



صح لسانك...



تحياتي.....

[فالح بن مسيب الدحيلي]

قصيده جميله جداا

[بندر المرشدي]

صح لساااااااااانكـ

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[السميــــــري]

صح لسانك على هذه الفريده .

ياضلع سنجار ........

[معجب العتيبي]

..

الله الله الله

صح لسانك يا ضلع سنجار على هالقصيده الجزله ..

وفي انتظار جديدك ..!!



أخوك

التوقيع

[ضلع سنجار]

الاخوان ابونجر النفيعي عبدالعزيز الجذع فالح الدحيلي
بندر المرشدي السميري معجب العتيبي
صحت ابدانكم واشكركم على مروركم

[خلف العتيبي]

قصيده شدتني..

صح لسانك..

[المعتصم بالله]

ضلع سنجار

صح لسانك قصيدة جزلة ورائعه

تحيااااااااتي