اعضاء هذا الصرح الشامخ
السلام عليكم ورحمة الله وبركاته
ارجو المعذره من الجميع لانقطاعي لمدة شهرين وذلك لضروفي التي لا يجهلها الكثيرمنكم
وارجو قبول هذه القصيده وهي من جديدي
بمناسبة زواج اخي الشاعر /ضاوي العصيمي وفقه الله
عمار ياغر الهجوس اللي مثل غر السحاب= تسقي جبال المعرفة وهضابها وشعابها
أنشت من البحر الغزير وجا لها مثل الضباب= تشبه مغاتير المزاين غير عوج ارقابها
دون الخضيرا ما تعاين تحت وتعوج الرقاب= طبع السماء عن كل طيب ما تصك ابوابها
وليا استدارت والمقاديم استجارت بالعقاب= ساقت مقادمها الهبوب ولحقت بأعقابعا
وليا تقفتها الهبايب بمر حلال الصعاب= ما غيره اللي كاتب ذهابها وإيابها
وبعد تلقحها تنصاها وذا وقت الإياب= تبكي وتضحك وإستهلت وإنهمر صبابها
رعادها زلزال في رختر يسجله حساب= لالا الرواسي تمسك البيداء يهد اقطابها
وبراقها ينزع ستار الليل ويشيل الحجاب= إليا برق في ليلة العشرين شال احجابها
وجت غشنةٍ من طيب الرحمة وغشنه من عذاب= ثم أمست البيداء على الرحمة وجابت مابها
بعد أسبلت صافي مدامعها وطاب الحظ طاب= من غبها كل الرياض تفوح اعز اطيابها
واليله الطاروق يلبس من جديدات الثياب= والمعرفة دون العوارف ما تسكر بابها
والشعر من نظم الأديب يعد من خير الآداب= الشعر ديوان العرب لفعالها وأنسابها
الشعر إله وقفه معي ما يوم فيه الضن خاب= ولي معه وقفة شرف كلن يحسب إحسابها
في لازمي ما يوم يعصاني ليا ناديت أجاب= ترقى هواجيس القصايد للطلب وأرقابها
من حشمة الأصحاب ننظم منه ما لذ وطاب= ماهي قليله حشمة الأصحاب عند أصحابها
وترا ألوفا في واجب ألصحبه من آيات الكتاب= ايآت نقراها ونعرف قدرها وأدابها
والصحبة اللي كم يوم وكم عام وللذهاب= عسى السنافي راعي الطالات ما يبلابها
ماجيت اباحدث وأقدم درس في فصل الخطاب= بنات فكرٍ شارده لأكن ربي جابها
صخرتها في حفلةٍ تجمع عزيزين الجناب= من حشمت الغالي على الغالي نحث إركابها
قدام أحث اركابها لخوي حثيت الركاب= الله يباركله حياةٍ بالرفاء يهنابها
سلام والنيه سليمه من مجاميع الشواب= تسليمة ماقد قصر عن من حضر جلبابها
احضر و أشارك مع بني عمي حضور بلا غياب= والتهنيه لخوي ضاوي جيت أفل إكتابها
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|
15-Aug-2009, 11:39 PM
غر الهجوس
العرض العادي
