طيب العتيبي مكدينه عياله

[ابن جدعــان]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حصل بيني وبين سعود بن محمد بن عمر العضياني مساجله وهي:

يقول سعود:

منصور بن جدعان رجل الرياجيل=عون الرفيق وعون من هو عناله
رجل[ن] ليا جات اللوازم مقابيل=يصبرعلى ميل الدهر وانعداله
ورجل[ن] ليا صعبت حلول الحلاحيل=يفكها فك العقد من حباله
وشاعر وله في الشعر ميزه وتبجيل=الكل يشهد من سمعه.وقراله
الطيب فيه وبين[ن] له مفاعيل=فعل اليمين وزين ذيك القباله
واليوم أببدع لك جميل التماثيل=ويا ليت بيت الشعر يمسك عداله
حيث أن وصفك زايد الطيب بالحيل=والشعر في وصفك قليل[ن] كماله
أنته كما نجم[ن] ليا ضلم الليل=قدره رفيع وعالي[ن] في مجاله
وهداج تيماء ما يحب المعاييل=يروي ضماء العطشان والي نصاله
خوتك يا منصور خوة مشاكيل=ماهيب خوة فاقدين الجماله
واللاش عده من صفوف المهابيل=الي مع الرديان حقه غداله
لا نافع[ن] ربعه ولا فيه تعديل=خله على مافيه يقعد لحاله
والا انت قدرك في علو الاقاذيل=قدرك رفيع وفيك كل الرجاله
فيك الكرم والطيب يا ذابح الحيل=فعلا[ن] لأبوك وجدك الي مشاله
فعل[ن] لكم يذكر بعد جيل في جيل=العز فيكم قدركم قد رقاله

وكان ردي على سعود :

ياالله يا كايد بكيده هل الفيل=يوم البرهه محد[ن] تمكن قتاله
يامرسل المآمون بالحق جبريل=على رسول[ن]بلغ.ألنا الرساله
عفوك.وتوفيقك. ورحمتك.لا .سيل=العضو من جسمي عن الي جراله
ويا خالد اقلط .قدم .هاك المعاميل=وازبر حطب.عرن[ن]دقاقه .جلاله
وإذا شعمت النار بالبن والهيل=إحكر لنا فجال بيض[ن] دلاله
من صنع أهل بغداد،لأهل التعاليل=جميلهم مشيوف لأهل الجماله
وخالك معي في رحلة الحط والشيل=[شوير].[تفرض راي].حسب الزماله
دام القريحه هاضها صادق القيل=قليل ما اقوله لهاك السلاله
عاضي ركن مزحم ومزحم هل الخيل=وطيب العتيبي مكدينه عياله
أيام ضرب السيف شرب الفناجيل=عاداتهم والكل حضه عداله
وأكبر دلايل فعلهم لا ونسو ميل=(نجد المسمى)قصته،واحتلاله
ومن عمرْ لين سعود ماقف وتكميل=للضيف والجيران حاله وماله
وعامر سواة الجدي ومحمد اسهيل=الهم شداد وصار فعلك غزاله
من مات من هاك اليدين الأخاطيل=حوض النبي عساه يشرب زلاله
والحي يسلم من صدوف الأهاويل=بأمر الولي والصعب يسهل مناله
وما قل ، دل .وزبدة الهرج تقليل=عساي[ثلث]الي يقوله مثاله
هذا وصلى الله على مفني الحيل= في طاعة الرحمن والفال فاله
للخير دل ،أقلوب واوضح دواليل=والشر عكس الخير وضح وقاله
[/poet]