هلا هلا بااغلى وأعز المسايير=بيمنى القصيد اصافحه واسترده
أقبل على شانك جميع المعاذير=واللي تجيبه لاحشا مانرده
ياعل تسلم لي هنوف الغنادير=ويسلم لسان اللي جوابي يرده
الصاحب اللي مايجي منه تقصير=لو هو يبي وصلك ظروفه تحده
الذ واحلى من حليب المصاغير=والذ من شهد العسل في مشده
لاشك شوفه من نوده عن الغير=اللي مصيف بين مكه وجده
كانك بوسط الناس في زحمة السير=أنا وصلت الغيم من قبل مده
لو للغلا في قلب الانسان تفسير=أمداني ادري ليه قلبي تشده
عليك بطيوف الامل والتفاكير=هلوست بك مابين روحه ورده
أنا عليك اشفق من الذود للبير=واشفق من الوالد عليكم موده
لآجلك اصوغ احلى الجمل والتعابير=من خاطر اللي بيح الشوق سده
ماني بقايل لك سبايب وتبرير=باب/ن/ يجيب الريح غيري يسده
هذا غلاك وباقي العلم تمرير=ماعاد في قلبي على البعد شده
« آخـــر الـــمـــشـــاركــــات »
هلا هلا بااغلى وأعز المسايير ،،
العرض الشجري