يانوكيا ........

[محمد المرشدي]

عدة ايبات فكاهيه عسى ان تحوز على رضاكم




يانوكيا لي معك عشره وميثاق
واليوم اسمحلي نويت الخيانه

زاد التطور في العوالم والاطباق
وكل ن يلف الارض جالس مكانه

وانا متعلق في جنابك بمعلاق
وانته تبادلني بمثل الميانه

والزين يبغى بالمراسيل يشتاق
ركب برامج للسواليف زانه !!

يقول وضعك ياحبيبي ماينطاق
لا تتصل بابا مانضمن لسانه

اشتر موبايل منتشر وسط الاسواق
ولا بهجازك روح مركز صيانه

وشلت الجهاز الصبح مع وقت الاشراق
للي يعرف التقنيه والامانه

قلت ابطحه حط البرامج فالاعماق
واترس من انواع التواصل كيانه

قال الجهاز اللي معك يبغى الاعتاق
فاته زمانه مانعرف لضمانه

وقلت الحلول وقال جاهز للانفاق
السوق يبغى مثلك ودرهمانه

وروحت من عنده وخربن الاخلاق
وقررت ابيعك ياكبير المكانه

ماهوب لعيون التطور والاذواق
كله لاجل محبوبة القلب دانه...